အဝယ်ဒိုင်တချို့ ပိတ်သိမ်းထားသဖြင့် ပလောပီနံစိုက်ပျိုးသူများ အခက်ကြုံတွေ့နေ

ဧရာဝတီတိုင်းတွင် ဖွင့်လှစ်ထားသည့် ပလောပီနံ အဝယ်ဒိုင်တချို့ ပိတ်သိမ်းသဖြင့် ပလောပီနံစိုက်ပျိုးသူများ အခက်ကြုံတွေ့နေကြောင်း သိရသည်။

၂၀၁၉ ခုနှစ်က ပလောပီနံအမှုန့် တစ်ပိဿာလျှင် ၁,၂၀၀ ကျပ်၊ ၂၀၂၀ ခုနှစ် မေလအကုန်ပိုင်းတွင် ပလောပီနံအမှုန့် တစ်ပိဿာလျှင် ၈၅၀ ကျပ် ဈေးနှုန်းများဖြင့် ရောင်းဝယ်ဖောက်ကားခဲ့ကြပြီး ယခုအခါ ဈေးကွက်မသေချာသည့်အခြေအနေကို တောင်သူများကြုံတွေ့နေရသည်။

ကျုံပျော်မှာ လာဖွင့်ထားတဲ့ ပလောပီနံဒိုင်ကလည်း အဝယ်ပိတ်ထားပါတယ်။ ဒီဖြစ်ရပ်က Covid-19 နဲ့ အများကြီး သက်ဆိုင်နေပါတယ်။ ပလောပီနံအမှုန့်ဈေးတွေ လုံးဝမကောင်းတော့ဘူး။ တစ်ပိဿာကို ကျပ် ၇၀၀ ဈေးနဲ့ ရောင်းပေးမယ်ဆိုတာတောင် အဝယ်ဒိုင်က မဝယ်တော့ပါဘူး။ အိမ်မှာဆို အိတ် ၁,၀၀၀ လောက် မရောင်းရဘဲကျန်နေပါတယ်။

ဟု ဧရာဝတီတိုင်း၊ ကျုံပျော်မြို့၊ အင်းရဲကျေးရွာရှိ ရွှေပုစွန်ပလောပီနံစက်မှ ဦးသန်းလတ် (ခ) ကိုလတ်ကြီး က ပြောသည်။

ပလောပီနံစိုက်ပျိုးပါက တစ်ဧက စိုက်ပျိုးစရိတ် ပျမ်းမျှ (၃၀၀,၀၀၀)ကျပ် ကုန်ကျပြီး တစ်ဧကလျှင် ကလောဥ (၄,၅၀၀) ပိဿာ ထွက်ရှိသည်။ အဆိုပါ ကလောဥမှ ထုတ်လုပ်သည့် ကလောအမှုန့်ကို စားသောက်ဖွယ်ရာများ ပြုလုပ်ရာတွင် အသုံးပြုကြောင်း သိရသည်။

ကလောဥ(ပလောဥ)ပိဿာတစ်ရာကို ကလောအမှုန့် အချိန် ၃၀ ထွက်ပါတယ်။ လာမယ့်နှစ်တော့ ဈေးကွက်အခြေအနေက ဘယ်လိုလာဦးမလဲ မသိသေးဘူး။ ဒီဒေသတဝိုက်မှာက ကလောစိုက်ပျိုးသူလည်း များတယ်။

ဟု ဦးသန်းလတ်က ဆက်လက်ပြောသည်။

ပလောပီနံကို ဧရာဝတီတိုင်းဒေသကြီးရှိ ကျုံပျော်၊ ကျောင်းကုန်း၊ အထောင် ဒေသများတွင် အများဆုံး စိုက်ပျိုးနေပြီး စိုက်ပျိုးသူများမှ ပလောပီနံဥကိုအခြောက်ခံကာ အမှုန့်ပြုလုပ်၍ ရန်ကုန်ရှိပွဲရုံများသို့ တင်ပို့ရောင်းချခြင်းဖြစ်သည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။