ပွဲရုံတင်ပို့သည့်စရိတ်နှင့် ပွဲစားခများတွက်ချက်ပါက ကြက်သွန်တစ်ပိဿာလျှင် ၅၀ ကျပ်နှုန်း တောင်သူများကုန်ကျနေ

    ပွဲရုံသို့ တင်ပို့ရသည့် စရိတ်စကများနှင့် ပွဲစားခများကို တွက်ချက်ပါက ကြက်သွန်တစ်ပိဿာလျှင် ၅၀ ကျပ်နှုန်း ကုန်ကျနေရကြောင်း သိရသည်။

ကြက်သွန်က အရင်းအနှီးများသလို ဈေးကွက်ကောင်းတဲ့ ကာလမှာဆိုလည်း ငွေများများရနိုင်တော့ ဒီဒေသမှာဆို ကြက်သွန်စိုက်တာများတယ်လေ။ ဈေးကွက်အခက်အခဲကတော့ ဈေးကျနေချိန်ဆို တောင်သူတွေက ပွဲရုံကိုသွားပို့ပေးရတယ်။ ဈေးကောင်းနေတဲ့ အချိန်၊ Export ရှိတဲ့အချိန်တွေဆိုရင်တော့ ပွဲစားတွေက ခြံအရောက်လာဝယ်တယ်။ ဈေးကွက်လိုလားလို့ ခြံအရောက်လာဝယ်တဲ့အခါတော့ အခွံပါမကျန် လှောင်ထားသမျှ အကုန်သယ်သွားကြပေမယ့် ဈေးကျနေတဲ့အချိန်ဆိုရင်တော့ ပွဲရုံရှိရာကို သွားပို့ပေးရတယ်။ ကြက်သွန်စိုက်စရိတ်အပြင် သယ်ယူစရိတ်၊ ပွဲရုံအရောက်လမ်းခရီးစရိတ်၊ ပွဲစားခတွေကချည်း တစ်ပိဿာမှာ (၅၀) ကျပ်လောက် ကုန်ကျပါတယ်။

ဟု မန္တလေးတိုင်း၊ မြင်းခြံမြို့နယ်၊ ထနောင်းတိုင်ရွာမှ ကြက်သွန်စီးပွားဖြစ် စိုက်ပျိုးသူ ဦးဝင်းမြင့်ဌေးက ပြောသည်။

    ကြက်သွန်နီစိုက်ပျိုးပါက လုပ်သားစရိတ်၊ သွင်းအားစုစရိတ်များအပါ တစ်ဧကစိုက်ပျိုးစရိတ် ပျမ်းမျှ ကျပ် (၇၀၀,၀၀၀) နှင့် (၈၀၀,၀၀၀) ကြား ကုန်ကျကြောင်း သိရသည်။ 

မနှစ်ကလို တစ်ပိဿာ ၂,၀၀၀ - ၃,၀၀၀ ကျပ် ရတုန်းကတော့ တွက်ခြေကိုက်တာပေါ့။ အခုလို အရှုံးပေါ်တဲ့နှစ်ကျတော့လည်း ရှုံးတယ်။ တစ်ခါတလေလည်း အရင်းပဲရတယ်။ တစ်ခါတလေလည်း အရင်းပြန်မရဘူး။ အခုလို ကိုဗစ်ကာလမှာ တစ်ပိဿာ (၃၅၀) ကျပ်အထိကျသွားတော့ အရင်းကချည်း (၄၅၀) (၅၀၀)လောက် ကုန်ထားတာဆိုတော့ ရှုံးပါတယ်။ တောင်သူတွေကတော့ ဘေးဝင်ငွေမရှိဘူးလေ။ အရှုံးကိုခံသာအောင် စပါး၊ ကြက်သွန်၊ ငရုတ်၊ ပဲ၊ ဆေးရွက်ကြီး စတာတွေကို လှည့်စိုက်ကြရပါတယ်။ လှည့်စိုက်တဲ့အခါကျတော့ စပါးဆို ဝမ်းစာအတွက်ရတာပေါ့။ ကျန်တဲ့ ပိုလျှံတာလေးတွေကိုတော့ လိုတဲ့အပင်တွေထဲ လိုသလိုဖြည့်ရတာပေါ့။

ဟု ဦးဝင်းမြင့်ဌေးက ဆက်လက်ပြောသည်။

    ကြက်သွန်နီဈေးအတက်အကျ စောင့်ဆိုင်းနေချိန်တွင် သိုလှောင်ထားသူများအနေဖြင့် ပျက်စီးဆုံးရှုံးမှု နည်းပါးစေရန်အတွက် ကြက်သွန်နီသိုလှောင်သည့် စနစ်များကို သိရှိကျွမ်းကျင်ထားရန် အထူးလိုအပ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more