ငါးမှုန်မှ ငါးသန်ပြုစုထုတ်လုပ်ရေးလုပ်ငန်းစဉ်အကြောင်း

ငါးမှုန်မှ ငါးသန်အဆင့်သို့ မွေးမြူနိုင်ရန်အဓိကအားဖြင့် ပြုစုကန်များ လိုအပ်ပါသည်။ ပြုစုကန်များဟုဆိုရာတွင် မြေကန်၊ အုတ်ကန်၊ ပလပ်စတစ်ကန်၊ ကွန်ကရစ်ကန်ဝိုင်း စသဖြင့် အဆင်ပြေသလို အသုံးပြုနိုင်ပါသည်။

(က) မြေကန်

၃၀'ᳵ၃၀'၊ ၅၀'ᳵ၅၀'၊ ၅၀'ᳵ၁၀၀' အရွယ်အစားရှိသည့် မြေကန်များကို မိမိနေရာကိုလိုက်၍ အသုံးပြုနိုင်ပါသည်။ နေရာလုံလောက်မှုရှိပါက ၁၀၀'ᳵ၁၀၀' ကန်အထိ အသုံးပြုနိုင်ပါသည်။ အဆိုပါ ကန်များတွင် ရေအနက် ၃' ရှိရပါမည်။ ငါးရိုင်းပေါများသည့်နေရာဖြစ်ပါက ကန်ဘောင်ပတ်လည်တွင် ယင်းလိပ်(သို့မဟုတ်) နိုင်လွန်ခြင် ဇကာအမြင့် ၁ ၁/၂' ကာရံပေးရန်လိုအပ်ပါသည်။ အောက်ခြေတွင် ငါးရိုင်းမဝင်နိုင်ရန် ဇာသားအား မြေကြီးထဲသို့ မြုပ်ထားရမည်။ 

မြေအမျိုးအစားမှာ ရေကိုကောင်းစွာထိန်းနိုင်သည့် ရွှံ့စေးမြေဖြစ်ရပါမည်။ သဲဆန်သောမြေ၊ အချဉ်ပေါက်နေသောမြေ၊ မြေဆွေးများစွာပါရှိသော မြေများကို ရှောင်ရှားရပါမည်။

(ခ) အုတ်ကန်

၅'ᳵ၁၀' မှ ၂၀'ᳵ၂၀' အထိ အရွယ်အစားရှိသည့် အုတ်ကန်များဖြစ်ပြီး ရေအနက် ၂'မှ ၃' ရှိရန် လိုအပ်ပါသည်။ အဆိုပါအုတ်ကန်များသို့ လေနှင့်ရေပိုက်လိုင်းများတပ်ဆင်ရန် လိုအပ်ပါသည်။ အုတ်ကန်အောက်ခြေနှင့် အတွင်းဘက်နံရံမှာ ချောမွေ့နေရမည်ဖြစ်ပါသည်။

(ဂ) ပလပ်စတစ်ကန်

မြေကြီးအားကျင်းတူးပြီး ပလပ်စတစ် အကာစဖြန့်ခင်း၍ လည်းကောင်း မြေပေါ်တွင် ပျဉ်ပြားအား လေးထောင့်ကျကျကာရံပြီး ပလပ်စတစ်ခင်း၍ လည်းကောင်း အသုံးပြုနိုင်ပါသည်။ အရွယ်အစားအားဖြင့် ၆'ᳵ၃'ᳵ၁ ၁/၂' အရွယ်ကန်များမှ နေရာရှိသလို တိုးချဲ့ပြုလုပ်နိုင်ပါသည်။ လေပေးစနစ်များ ရေပိုက်လိုင်းများ တပ်ဆင်ထားရန် လိုအပ်ပါသည်။ လွယ်ကူစွာ ဖြုတ်၍ ရွှေ့ပြောင်းနိုင်သဖြင့် များစွာ အကျိုးရှိသော နည်းဖြစ်ပါသည်။

(ဃ) ကွန်ကရစ်ကန်ဝိုင်း

ရေတွင်းတူးရာတွင် အသုံးပြုသည့် ၄' သို့မဟုတ် ၅' အချင်းရှိ ကျောက်ဂွေများအား အသုံးပြုနိုင်ပါသည်။ လေပေးစနစ်များ ရေပိုက်လိုင်းများ တပ်ဆင်ထားရန် လိုအပ်ပါသည်။ ကန်၏အတွင်းပိုင်းမှာ ချောမွေ့နေရပါမည်။

ပြုစုကန်များတွင် သြဇာဓာတ်ထည့်သွင်းခြင်းနှင့် ရေနှင့်လေပေးမှုစနစ်

မြေကန်ဖြင့် ငါးမှုန်ပြုလုပ်မည်ဆိုပါက ငါးမှုန်ငယ်လေးများအတွက် သဘာဝအစားအစာ ရေသြဇာဓာတ်ပေါများလာစေရန် ဆောင်ရွက်ပေးရပါမည်။ သြဇာဓာတ်အဖြစ် နွားချေး၊ ကြက်ချေး၊ ဘဲချေး၊ ဝက်ချေး စသည်များကို သုံးစွဲနိုင်ပါသည်။ ငါးမှုန်များအား မြေကန်သို့ထည့်ရန် အကောင်းဆုံး အချိန်မှာ နံနက်စောစောဖြစ်သည်။ ငါးမှုန်များလွှတ်ပြီးသည်နှင့် တပြိုင်နက် နို့မှုန့်(သို့မဟုတ်) ပဲဖတ်ရည်တို့အား ကန်အနှံ့ပက်ဖျန်းပေးရသည်။ ငါးမှုန်များထည့်ပြီး (၁၀) ရက်ခန့်အကြာတွင် (၁) ဧကလျှင် နွားချေးပိဿာ(၇၀-၈၀) ထည့်ပေးခြင်းဖြင့် ရေထဲ၌ သတ္တမျှောလှေများ ပေါက်ပွားလာမည်ဖြစ်ပါသည်။ ငါးမှုန်သယ်လာသည့်ရေနှင့် ပြုစုကန်အတွင်းရှိ ရေတို့၏ အပူချိန်မှာညီရန် ဂရုပြုရမည်ဖြစ်ပါသည်။

အုတ်ကန်များ လှောင်ကန်များနှင့် ကွန်ကရစ်ကန်များတွင် ရေအားအနည်းဆုံးတစ်ပတ်လျှင် (၂) ကြိမ်ခန့် လဲလှယ်ပေးရမည်။ ရေပေါသောဒေသဖြစ်ပါက ငါးများအစာကျွေးပြီး (၁)နာရီကြာလျှင် အစာကျန်နှင့် ငါးမစင်များကို ပိုက်ငယ်ဖြင့် စုပ်ထုတ်၍ ရေထပ်ဖြည့်ရမည်။

မြေကန်များထဲတွင် ရေညှိများ Plankton များ အဆမတန်ပေါက်ပွားလာလျှင်လည်းကောင်း ရေညစ်ညမ်းမှုရှိလာလျှင်လည်းကောင်း ရေကိုလဲလှယ်ပေးရမည် ဖြစ်ပါသည်။

မွေးမြူရေးကာလနှင့် ငါးသန်ထုတ်လုပ်မှု

မွေးမြူကာလ တစ်လမှ (၄၅) ရက်အတွင်း ငါးမှုန် (၁) သိန်းလျှင် ၃၀% ရှင်သန်မှုရှိပြီး ၁ လက်မ မှ ၁ လက်မခွဲအရွယ် ငါးသန်(၃) သောင်းခန့်ထုတ်လုပ်ရောင်းချနိုင်မည် ဖြစ်ပါသည်။

ဦးဇော် (dof)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်