"ပြုစုစောင့်ရှောက် အစာကျွေးစနစ်မှန်မှသာ၊ ငါးသားပေါက်အသေအပျောက်နည်းမှာပါ"

"မြန်မာနိုင်ငံမှာ အလုပ်ကတော့ မရှားပေမယ့်၊ ပိုက်ဆံပိုပိုလျှံလျှံ ရှာဖွေဖို့ မလွယ်ဘူးလေ။ ကိုယ့်မှာရှိတဲ့ငွေနဲ့ ကိုယ့်မှာရှိတဲ့ မြေနေရာလေးမှာပဲ ကိုယ်တတ်နိုင်သလောက်လေး တစ်နိုင်တပိုင် စီးပွားရေးလုပ်မယ်လို့ စိတ်ကူးလိုက်တော့ ငါးသားဖောက် မွေးမြူတဲ့လုပ်ငန်းလေးကို ရွေးချယ်ဖြစ်ခဲ့တာပါ..." ဟု ရန်ကုန်တိုင်းဒေသကြီး၊ ရွှေပေါက္ကံမြို့နယ်မှာ ငါးသားပေါက် စီးပွားဖြစ်မွေးမြူရောင်းချနေတဲ့ ကိုနေမင်းက သူ..ငါးသားပေါက်တွေ စတင်မွေးမြူရောင်းချဖြစ်ခဲ့တဲ့ ဖြစ်စဉ်လေးကို အခုလိုရှင်းပြပါတယ်။

ဈေးကွက်စီးပွားရေးခေတ်ကြီးထဲမှာ ကျွန်မတို့နဲ့ နီးစပ်ရာ မိတ်ဆွေအများစုက ငါးမွေးမြူရေးကို စိတ်ဝင်စားလာကြတာကို တွေ့ရပြီး၊ ကိုယ်တိုင်မွေးသူတွေလည်း ရှိလာသလို၊ သားပေါက်တွေကို ဖောက်ပြီး၊ ပြန်လည်ရောင်းချသူတွေလည်း ရှိလာကြပါတယ်။

အဲ့ဒါနဲ့ ဒီလောက်တောင် စီးပွားဖြစ်နေပါတယ်ဆိုတဲ့၊ (တချို့လည်း မလုပ်တတ်၊ မကိုင်တတ်နဲ့ အသေ အပျောက်များ၊ အရှုံးပေါ်သူတွေလည်း ရှိပါရဲ့) ငါးသားဖောက်မွေးမြူတဲ့ အကြောင်းလေးတွေကို ဗဟုသုတတစ်ခုအနေနဲ့ တင်ပြရေး သားချင်ပါတယ်။

- ငါးတွေကို သားပေါက်စ ကလေးတွေကနေ စတင်မွေးမြူပြီးနောက်၊ အချိန်ကာလ တစ်လကျော်အကြာမှာ ငါးခူသား ပေါက် အရွယ်အစား နှစ်လက္မအရွယ်ရောက်နိုင်ပါတယ်။

- သားဖောက်လို့ ငါးသားပေါက်လေးတွေ ပေါက်ပြီဆိုရင် အစာတန်းကျွေးလို့မရသေးပဲ၊ အများအားဖြင့် (၄၈) နာရီလောက် စောင့်ပေးရတယ်။ ရာသီဥတုပေါ်မူတည်ပြီး၊ ဒီထက်အချိန်ပေးရတာမျိုးလည်း ရှိနိုင်ပါတယ်။

ငါးသားပေါက်တွေကို ဘာလို့ ချက်ချင်းအစာမကျွေးသင့်တာလဲ??

- အစာကို ဘာလို့မကျွေးရသလဲဆိုရင် ငါးသားပေါက်တွေ ပေါက်ပေါက်ခြင်း ကိုယ်အင်္ဂါအစိပ်ပိုင်းတွေပြည့်စုံဖို့ အချိန်လိုအပ်လို့ပဲ ဖြစ်ပါတယ်။ အားလုံးပြည့်စုံပြီဆိုမှ ငါးလေးတွေက ရေစကူးတာပါ။ ရေကူးတာတောင်မှ ကိုယ်ဖောက်ထားတဲ့ ငါးသားပေါက်အားလုံး ရေထဲမှာ အကုန်ရေကူး မကူးကြည့်ရပါဦးမယ်။ အားလုံး ရေသေချာကူးခတ်နိုင်မှသာ အစာကျွေးမယ်ဆိုရင် အသင့်တော်ဆုံးပါ။

ငါးဥတွေကနေ ငါးသားပေါက်တွေ ဖြစ်တာလား??

- ဒါက ဘယ်သူမဆို စိတ်ဝင်စားကြတဲ့ အပိုင်းပါ။ ငါးသားပေါက်တွေဖောက်တဲ့ ငါးဥဆိုလို့ ကြက်ဥလို အကောင်ပေါက်တာမဟုတ်ပါဘူး။ ဥပုံစံကနေ ငါးပုံစံကို အသွင်ပြောင်းတာပါ။ အားလုံးညီညွှတ်စွာကူးပြီဆိုရင် အစာကျွေးလို့ရပါပြီ။

အစာကို ဘယ်လိုစကျွေးမွေးရမှာလဲ??

- အစာစကျွေးတဲ့အချိန်မှာ အသီးဖျော်စက်နဲ့ ရေတီကို ကြိတ်ပြီး ကျွေးမွေးလေ့ရှိပါတယ်။ ရေတီကို ကြိတ်ကျွေးတဲ့အခါ၊ သွေးရည်ဖြစ်တဲ့ထိ ကြိတ်ပြီးမှ စကျွေးပေးသင့်ပြီး၊ ရေတီဖတ်တွေများနေရင် သားလောင်းပေါက်စတွေအတွက် ဝါးမျိုနိုင်စွမ်းမရှိတာကို သတိပြုသင့်ပါတယ်။

မွေးမြူထားတဲ့ ငါးသားပေါက်တွေ သေကြေပျက်စီးနှုန်း နည်းပါးဖို့အတွက် အဓိကလိုအပ်တာကတော့ အဟာရပြည့်ဝ၊ စည်းစနစ်ကျနတဲ့ အစာကျွေးတဲ့စနစ်ပဲ ဖြစ်ပါတယ်။ ငါးသားပေါက်တွေ တဖြည်းဖြည်း အကောင်ကြီးလာလေလေ၊ ရေတီကို အဖတ်အဖြစ်ကျွေးရင်လည်း ရလာလေလေပါပဲ။

"သွေးကျွေးပါဆိုလို့ ကျွေးပြီး ပြီးရောမလုပ်ပါနဲ့။ သွေးဟာ ရေနဲ့ထိတွေ့တဲ့အခါ အဆိုင်အခဲအဖြစ်ပြောင်းလဲသွားတာ ပြသနာမဟုတ်ပေမယ့် အမျှင်တန်းလို ဖြစ်သွားတဲ့အခါတော့ ရေနဲ့ငါးပေါက်ကို ဒုက္ခအကြီးကျယ်ပေးနိုင်ပါတယ်.." ဟု ငါးသားပေါက် စီးပွားဖြစ်မွေးမြူနေသူ ကိုနေမင်းက ဆိုပါတယ်။

အရေးကြီးတာက ငါးသားပေါက် မသေစေချင်ရင်၊ အစာမကျွေးခင်အချိန်တိုင်းနဲ့၊ သားပေါက်ကန်ကို မကိုင်ခင်အချိန်တိုင်းမှာ၊ လက်ကို သန့်ရှင်းစင်ကြယ်သွားအောင် ပိုးသက်ဆေးနဲ့ ဆေးကြောသန့်စင်ထားခြင်း၊ ရေတီကြိတ်စက် (ဖျော်စက်) ကို ရေနွေးအပူနဲ့ ပိုးသတ်ခြင်းတို့ကို လုပ်ပေးနိုင်ရင် အကောင်းဆုံးပါပဲ။

ငါးသားပေါက်တွေကို အစာကျွေးပြီး ငါးမိနစ်ခန့် အကြာမှာပဲ၊ ငါးကန်ရဲ့ရေကို လဲလှယ်ပေးသင့်ပြီး၊ အစာကျွေးတဲ့အခါမှာ အစာကျွေးခွက်ကို စတီးဇလုံတွေကိုသုံးပေးသင့်တယ်လို့၊ စီးပွားဖြစ်ငါးမွေးမြူသူတချို့ထံက သိရပါတယ်။

ငါးခူကို စီးပွားဖြစ်သားဖောက်မွေးမြူရောင်းချနေတဲ့ ကျွန်မရဲ့မိတ်ဆွေ ကိုနေမင်း (ရွှေပေါက္ကံ) ကို ကျေးဇူးတင်စွာနဲ့။

နန်းထက်ထက်ချစ်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...