ငါးရောဂါများ ကြိုတင်ကာကွယ်နည်းနှင့် ဖြစ်လာပြီဆို ကုသနည်း

ငါးမွေးတောင်သူများအနေဖြင့် မိမိတို့မွေးမြူထားသောငါးများ ကျန်းမာသန်စွမ်းပြီး ရောဂါကင်းစင်မှသာလျှင် ကုန်ထွက်ကောင်းပြီး အကျိုးအမြတ်ရရှိမည်ဖြစ်ပါသည်။ ဤဆောင်းပါးတွင် ငါးများ၏ ကျန်းမာရေးနှင့် ငါးရောဂါစီမံခန့်ခွဲခြင်းလုပ်ငန်းအား အသေးစားငါးမွေးတောင်သူများ နားလည်သဘောပေါက်ပြီး မိမိတို့ကိုယ်တိုင် လွယ်ကူစွာစီမံခန့်ခွဲနိုင်သော နည်းလမ်းများကိုသာ ဖော်ပြမည်ဖြစ်ပါသည်။

#ရောဂါဖြစ်ပွားရခြင်း အကြောင်းရင်းများ

ငါးမွေးကန်များနှင့် သဘာဝရေပြင်တွင် ရောဂါပိုးများရှိနေပြီး ပတ်ဝန်းကျင်ရေ၏ အရည်အသွေးမကောင်းသော အချိန်များတွင် ငါးများ၌ ရောဂါပိုးဝင်ရောက်ပါသည်။

#ရောဂါအလွယ်တကူ ဖြစ်နိုင်သောငါးများ

ကန်အောက်ခြေမြေပြင်တွင် နေထိုင်ပြီး အကြေးခွံမရှိသော ငါးများတွင် ရောဂါအဖြစ်များပါသည်။ ဥပမာ-ငါးကျည်း၊ ငါးခူ၊ ငါးရှဥ့် စသည်တို့ ဖြစ်ပါသည်။ ငါးရံ့၊ ငါးပြေမငါးတို့သည် ဒုတိယအဖြစ်များပြီး အကြေးခွံရှိသော ငါးကြင်း၊ ငါးသိုင်း၊ ငါးမြစ်ချင်း၊ တီလားပီးယား၊ ငါးခုံးမတို့သည် တတိယအဆင့် အဖြစ်များပါသည်။

#ငါးရောဂါဖြစ်ပေါ်နေကြောင်းကို ပြသနေသော လက္ခဏာများ

ရေပေါ်သို့ပေါ်လာခြင်း၊
ရေတွင်ကူးခတ်ပုံ နှေးကွေးလာခြင်း၊
အစားအစာကောင်းစွာ မစားခြင်း၊
အကြေးခွံရှိပြီး ရေပေါ်လွှာနှင့် ရေလယ်လွှာတွင်နေသောငါးများ (ငါးမြစ်ချင်း၊ ငါးကြင်း၊ တီလားပီးယားငါးများ)သည် ရေမျက်နှာပြင်အောက် တစ်ပေခန့်တွင် မကူးခတ်ဘဲ တန့်နေခြင်း၊
ငါး၏ခန္ဓာကိုယ်ပေါ်တွင် အနီကွက်များဖြစ်ပေါ်ခြင်း၊ အမြီးဖျားတွင် မီးလောင်သကဲ့သို့ ဖြစ်နေခြင်း၊ ပါးဟက်များ မဲနေခြင်းစသည့် လက္ခဏာများပြသည်။

ကန်အခြေအနေပေါ်တွင် ဂရုစိုက်မှု၊ ရေအရည်အသွေး ထိန်းသိမ်းမှု၊ မွေးမြူသည့်နေရာ သန့်ရှင်းသပ်ရပ်မှုနှင့် အာဟာရပြည့်ဝသော အစာကျွေးမွေးခြင်းစသည့် မွေးမြူသူတစ်ဦးချင်း၏ မွေးမြူရေးဗဟုသုတနှင့် ဂရုစိုက်မှု ရှိ/မရှိစသော အချက်များအပေါ်မူတည်ပြီး ရောဂါဖြစ်ပွားခြင်း ဖြစ်သည်။

ငါးများတွင် ကျရောက်သော ရောဂါပိုးကို အကြမ်းဖျင်းအားဖြင့်

(၁) ဗိုင်းရပ်စ်ရောဂါ (Virus diseases)
(၂) ဘက်တီးရီးယားရောဂါ (Bacterial diseases)
(၃) မှိုရောဂါ (Fungal diseases)
(၄) ကပ်ပါးရောဂါ (Parasite diseases) ဟု ခွဲခြားနိုင်သည်။

#ငါးရောဂါအဖြစ်များသောကာလ

ပတ်ဝန်းကျင်အခြေအနေကြောင့်ဖြစ်သော ရောဂါများကို မြန်မာနိုင်ငံရှိ ငါးကန်များတွင် ကန်ရေခန်း၍ ရေလျော့နည်းလာသောနွေရာသီ (နွေရာသီအကုန်-မိုးဦးကျ-ကဆုန်/နယုန်လ)များတွင်လည်းကောင်း၊ ဆောင်းရာသီ(နတ်တော်၊ ပြာသို)ကန်ရေအပူချိန် အလွန်အေးချိန်များတွင် အောက်ဆီဂျင်နည်းပါးသဖြင့် ရောဂါကျရောက်ပြီး ငါးများအစုလိုက်အပြုံလိုက် သေကြေတတ်သည်။

#ကြိုတင်ကာကွယ်နည်း

ငါးရောဂါဖြစ်ပွားနိုင်သော ကာလမတိုင်မီ တစ်လကြိုတင်၍ ငါးကန်ပတ်ဝန်းကျင်ရှိ မြက်ပင်၊ ခြုံပင်များအား ရှင်းလင်းထားခြင်း၊ ငါးကန် အတွင်းရေစပ်တွင် ထုံးများဖြူးထားခြင်း၊ ကန်ရေ၏ ရေအရည်အသွေး ကောင်းမွန်အောင်ပြုလုပ်ထားခြင်းနှင့် ကန်ရေ၏အောက်ဆီဂျင်ပျော်ဝင်နှုန်းကောင်းမွန်အောင် ပြုလုပ်ပေးထားရပါမည်။

#ငါးရောဂါကုသနည်း

(၁) ငါးကန်ပတ်ဝန်းကျင်ရှိ မြက်ပင်၊ ခြုံပင်များအား ရှင်းလင်းခြင်း၊

(၂) ငါးကန်ရေစပ်တွင် ထုံးများဖြူးထားခြင်း၊

(၃) ကန်ရေ၏ အောက်ဆီဂျင်ပျော်ဝင်နှုန်းကောင်းမွန်အောင် ပြုလုပ်ပေးခြင်း၊

(၄) ငါးများအား ၄-၅ ရက်ခန့် အစာဖြတ်ခြင်း၊

(၅) ဖြစ်နိုင်လျှင် ရေအသစ်လဲလှယ်ပေးခြင်း၊

(၆) ၀.၂ ဧကရှိ ငါးကန်တွင် ဗန်ဒါရွက်အခြောက် ၂ဆနှင့် ဆေးရွက်ကြီး ၁ဆ ရော၍ တစ်တင်းခွဲဝင်ဆန်အိတ်တွင် သိပ်ထည့်ပြီး ကန်ရေထဲတွင် ၂ နေရာခွဲ၍ ၅ ရက်ခန့် စိမ်ထားရပါမည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Facebook page သို့သွားရန်

ဆွေးနွေးချက်များ

ဆွေးနွေးရန်

ငါးရောဂါများ ကြိုတင်ကာကွယ်နည်းနှင့် ဖြစ်လာပြီဆို ကုသနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငါးရောဂါများ ကြိုတင်ကာကွယ်နည်းနှင့် ဖြစ်လာပြီဆို ကုသနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

သင့်ငါးကန်က ငါး/ပုဇွန်တွေ သေဆုံးမှုကို ဘယ်လိုလျှော့ချကြမလဲ

ငါးရောဂါစီမံခန့်ခွဲမှု

ထုံးနှင့် ငါးကန်

{{ post.title }}