အဆိပ်ချ ဆေးချ ငါးဖမ်းခြင်း၏ ဆိုးကျိုးများ

26/01/2022 11:30 AM တွင် နှင်းဖြူဖြူ နှင်းဖြူဖြူ မှ ရေးသား

တစ်ချို့ရေလုပ်သားများမှာ အဆိပ်ဖြင့် ငါးဖမ်းဆီးမှုများရှိနေကြသဖြင့် ထိုကဲ့သို့ဖမ်းဆီးပါက ရရှိနိုင်သော ဆိုးကျိုးများကို ဖော်ပြပေးလိုက်ပါသည်။ 

(က) အဆိပ်ချ၊ ဆေးချငါးဖမ်းခြင်းသည် ရေသတ္တဝါများအား သေစေရုံသာမက အဆိပ်ကြောင့် သေကုန်သော ငါးများကို စားသုံးမိသူများသည် မူးဝေခြင်း၊ ကိုယ်လက်ထုံကျဥ်ခြင်း၊ ကျောက်ကပ်ပျက်စီးခြင်း၊ ကိုယ်တစ်ခြမ်းသေစေနိုင်သည်အထိ လေဖြတ်ခြင်း၊ အာရုံကြောများထိခိုက်ခြင်းတို့ ဖြစ်စေနိုင်ပါသည်။ 

(ခ) ဆိုက်ပါမီသရင်း 10EC ပိုးသတ်ဆေးသည် ရေထုအပုံ ၁သန်း၏ ၀.၀၀၄၂ ပုံ(ppm)ပျော်ဝင်ရုံဖြင့် ၄လက်မအရွယ် တီလားပီးယားငါးကို သေစေနိုင်ပါသည်။

(ဂ) အယ်လ်ဆန် 50 EC ပိုးသတ်ဆေးသည် ရေထုအပုံ ၁သန်း၏ ၀.၀၂ ပုံ(ppm) ပျော်ဝင်ရုံဖြင့် ၃.၅လက်မအရွယ် တီလားပီးယားငါးကို သေစေနိုင်ပါသည်။

(ဃ) အင်ဒရင်း ပိုးသတ်ဆေးသည် ပက်ဖျန်းပြီးနောက် ၁လကြာသည်အထိ လည်းကောင်း၊ DDT ပိုးသတ်ဆေးသည် ၄၅ရက်ခန့်အထိလည်းကောင်း အာနိသင်ကြာရှည်စွာတည်ရှိသဖြင့် ရေသတ္တဝါများအား ချက်ချင်းသေစေရုံသာမက တဖြည်းဖြည်းချင်းလည်း သေဆုံးစေနိုင်ပါသည်။

ပြဒါးနှင့် ဆိုင်ယာနိုဒ်များ၏ ဆိုးကျိုးများ

ရွှေကျင်ရာတွင် အသုံးပြုသည့် ပြဒါးနှင့် ဆိုင်ယာနိုဒ်များအား စနစ်တကျ မစွန့်ပစ်ဘဲ မြစ်ချောင်းအင်းအိုင်အတွင်း စွန့်ပစ်ပါက-

(က) သဘာဝပတ်ဝန်းကျင်နှင့် သယံဇာတများ ပျက်စီးခြင်း။

(ခ) ရေနေသတ္တဝါများ သေကြေပျက်စီးခြင်း။

(ဂ) ရေနေသတ္တဝါများ၏ မျိုးပွားစနစ်ကို ထိခိုက်ခြင်း။

(ဃ) ပြဒါး (သို့မဟုတ်) ဆိုင်ယာနိုဒ်အဆိပ်ဖြင့် သေဆုံးသော ငါးများအား လူသားတို့ စားသုံးမိပါက-

      - ဦးနှောက်နှင့် အာရုံကြောများ ထိခိုက်ခြင်း၊

      - သွေးအဆိပ်တက်ခြင်း စသည့် သွေးနှင့်ပါတ်သက်သော ရောဂါများဖြစ်ပွားခြင်း။

      - သန္ဓေမတည်နိုင်ခြင်း၊ မျိုးမအောင်ခြင်း စသည်ဖြင့် မျိုးပွားမှုကို ထိခိုက်ခြင်း၊ 

(င) အထူးသဖြင့် ကလေးငယ်များအား ပိုမိုထိခိုက်စေပြီး ဉာဏ်ရည်မမှီခြင်း၊ ခန္ဓာကိုယ် ဖွံ့ဖြိုးမှုနှေးကွေးခြင်း စတဲ့ ဆိုးကျိုးများကို ခံစားရရှိစေပါမည်။ 

အရေးယူခံရနိုင်သည့် ပြစ်ဒဏ်များ

အထက်ဖော်ပြပါ ငါးမျိုးပြုန်းတီးစေနိုင်သော ငါးဖမ်းနည်းစနစ်များဖြင့် ငါးဖမ်းခြင်းကြောင့် ပြစ်မှုထင်ရှားစီရင်ခြင်းခံရလျှင် ထောင်ဒဏ်ဖြစ်စေ၊ ငွေဒဏ်ဖြစ်စေ၊ဒဏ် ၂ရပ်လုံး ဖြစ်စေ ချမှတ်ခံရမည် ဖြစ်ပါသည်။

မှီငြမ်း-ကရင်ပြည်နယ် ငါးလုပ်ငန်းဦးစီးဌာန။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်