ခွာပုပ်ခြင်း

    ကျွဲနွားများတွင် ခွာပုပ်ခြင်းရောဂါမှာ ဖြစ်လေ့ဖြစ်ထရှိသော ရောဂါတစ်မျိုးဖြစ်သည်။ 

ရောဂါဖြစ်ရသည့် အကြောင်းအရင်းများ

၁။ ရေစိုနေသောနေရာများတွင် ကျွဲ၊ နွားများကိုထားပါက ထိုရောဂါကျရောက်နိုင်ခြင်း။

၂။ ဘက်တီးရီးယား (သို့) မှိုကပ်ပါးများ ကျရောက်ခြင်းတို့ကြောင့်ဖြစ်သည်။

ရောဂါလက္ခဏာများ

၁။ ခွာမှ အနံ့ဆိုးများထွက်လာတတ်သည်။

၂။ ခွာကြားတွင် ပြည်(ပြီ) များ ထွက်လာတတ်သည်။

၃။ ခြေဖျားပိုင်း ရောင်လာတတ်သည်။

၄။ အသားအချို့ပျက်စီးပြီး အရောင်မဲလာသည်။

၅။ ကျွဲ၊ နွားများမှာ မြေပေါ်တွင် ခြေထောက်မထောက်နိုင်ကြပေ။ အကယ်၍ ကျွဲ၊ နွားများ၏ပါးစပ်တွင် အနာများတွေ့ရှိပါက ကူးစက်ရောဂါတစ်မျိုးဖြစ်သော ခွာနာ၊ လျှာနာဖြစ်နေပြီးဖြစ်၍ တိရစ္ဆာန်ဆရာဝန်ဖြင့် ကုသရပါမည်။

ကာကွယ်ခြင်း

၁။ ကျွဲ၊ နွားများကို ခြောက်သွေ့သောနေရာတွင် ထားပါ။ 

၂။ ကျွဲ၊ နွားများ၏ခြေထောက်တွင် ကပ်နေသော ရွှံ့များကို ဆေးထုတ်ပစ်ရန် ရေမြောင်းတစ်ခုပြုလုပ်ထားပါ။

၃။ ကျွဲ၊ နွားများ၏ ခြေဆေးရည်အတွင်း ဆပ်ပြာကဲ့သို့ ရောဂါမပြန့်ပွားဆေးတစ်မျိုးမျိုး ထည့်ထားပေးပါ။

ခွာပုပ်ရောဂါ ကာကွယ်ရန်

ကျွဲ၊ နွားများ၏ ခြေနင်းနေရာ၌ အောက်ပါ ရောဂါမပြန့်ပွားဆေးများ ပက်ဖျန်းထားသင့်ပါသည်။

၁။ ထုံးမှုန့် (သို့) ကွမ်းစားထုံးဖြူးထားပေးခြင်း။

၂။ ဒုတ္ထာ (ကော့ပါးဆာလ်ဖိတ်) လက် (၂ – ၃) ဆုပ် ကို ရေ (၃-၄) ဂါလံဖြင့်ဖျော်ပြီး ကျွဲ၊ နွားခြေနင်းနေရာတွင် ပက်ဖျန်းထားပေးခြင်း။

၃။ တမာရွက် (၃) ကီလို မှ (၅) ကီလိုကို ထောင်းသုံးခြင်း။

၄။ ရေနံဆီ (၂-၃) လီတာခန့် ပက်ဖျန်းထားပေးခြင်းတို့ ဖြစ်ပါသည်။ 

ကုသခြင်း

ကျွဲ၊ နွားများ၏ ခွာနှင့် ခြေကို ကောင်းစွာဆေးကြောပါ။ မကောင်းသော၊ ပျက်စီးနေသောအသားစများကို ဖယ်ပစ်ပါ။ ကျွဲ၊ နွားများကို ခြောက်သွေ့သောနေရာတွင်ထားပြီး အောက်ပါဆေးနည်းများဖြင့် ကုသပါ။

၁။ ဩဇာရွက်၊ ဇောင်းလျားသီး၊ ထောပတ်သီးအရွက်တို့ကို ဆတူရောစပ်ပြီး ရေ(၁၀) ဆဖြင့်ပြုတ်ပါ။ ပြုတ်ရည်ကို အအေးခံပြီး အဝတ်စ (၁) ခုကို ထိုပြုတ်ရည်တွင်နှစ်ပြီး အနာကို တစ်ရက် (၅) ကြိမ် သုတ်ပေးပါ။

၂။ ကျွဲ၊ နွားများ၏ ခြေထောက်များဝင်နိုင်သော တွင်းတူးပါ။ ထိုတွင်းထဲသို့ ကျွဲ၊ နွားများ၏ခြေကိုထည့်ပြီး တစ်နေ့လုံးနေပူခံထားသော သဲ (သို့) ထိုအပူချိန်ရသည်အထိ လှော်ထားသောသဲကို တွင်းထဲသို့လောင်းထည့်ပါ။ (၁၀) မိနစ်မှ မိနစ် (၂၀) အထိထားပါ။ တစ်ရက်တစ်ကြိမ် ညနေတိုင်းတွင် ရောဂါပျောက်သည့်အထိ ပြုလုပ်ပေးပါ။

၃။ အကယ်၍ အနာတွင် လောက်များတွေ့ရှိပါက ဩဇာရွက်နှင့် တမာရွက်ကို ဆတူယူပြီး ထောင်းပါ။ ရရှိသောကြိတ်ဖတ်ကို အနာပေါ်သို့ တစ်ရက် (၂) ကြိမ် (၃) ကြိမ် ရက်ဆက်ထည့်ပေးပါ။ ထိုဆေးကြိတ်ဖတ်များ အနာတွင်မြဲစေရန် ပတ်တီးစည်းထားပါ။

၄။ ဘိစပ်ပင် လက်(၃)ဆုပ်၊ ပိတောက်ခေါက် လက် (၃) ဆုပ်၊ ဆား စားပွဲတင်ဇွန်း (၂) ဇွန်း ထိုသုံးမျိုးကို ရေဖြင့် အရည်ပျစ်ပျစ်ရသည်အထိ ကျိုပါ။ အနာရှိရာနေရာကို တစ်ရက်လျှင် (၃) ကြိမ်နှုန်းဖြင့် (၇) ရက်ဆက်တိုက် ထည့်ပေးပါ။

ဦးဇော် (dof)

Ref : တိရစ္ဆာန်ရောဂါ ရိုးရာကုထုံးများစာအုပ်မှ ကောက်နှုတ်တင်ပြပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more