ဖြစ်လေ့ဖြစ်ထရှိသောဖားရောဂါများနှင့် ကာကွယ်ကုသပုံ

ဒီတစ်ပတ်မှာတော့ ဖားမွေးမြူရေးသမားတွေ ကြုံတွေ့တတ်တဲ့ ဖားရောဂါဆိုင်ရာ ပြဿနာလေးတွေကို တင်ပြလိုပါတယ်။ ဖားတွေဟာ ဗိုက်ပွရောဂါ၊ ဦးခေါင်းနဲ့ ကျောပြင်မှာ အနာဖြစ်တဲ့ရောဂါ၊ ဖားခြေထောက်နီရောဂါတွေနဲ့ မျက်စိဖြူ လည်လိမ် ဖြင်းရောဂါတွေကို ခံစားရလေ့ရှိပါတယ်။

ဗိုက်ပွရောဂါဖြစ်ပွားရတာကတော့ ဖားကန်တွင်း နေရာကျပ်ခြင်း၊ ဖားများကို လိုသည်ထက်ပိုပြီး အစာကျွေးတာနဲ့ ကန်ရေပုပ်တာ စတဲ့အချက်တွေကြောင့် အဖြစ်များပါတယ်။ အဲ့ဒီ ဗိုက်ပွရောဂါကို သက်သာစေချင်တယ်ဆိုရင်တော့ ဖားကန်အတွင်းကို နနွင်းမှုန့်ထည့်ပေးနိုင်တယ်လို့ တစ်နိုင်တပိုင်မွေးမြူရေးသမားတွေက ဆိုပါတယ်။

ဖားရဲ့ဦးခေါင်းနဲ့ကျောပြင်ပေါ်မှာ အနာဖြစ်တာကတော့ မွေးမြူတဲ့ကန် ရေမသန့်တာကြောင့် အဓိကဖြစ်တတ်ပါတယ်။ ဒီလိုကြုံတွေ့ရရင်တော့ ကန်အတွင်းကို အီးအမ်(အကျိုးပြုအဏုဇီ၀) ကို ထည့်ပေးသင့်ပါတယ်။

ဖားခြေထောက်နီရောဂါလက္ခဏာတွေဖြစ်တဲ့ ဖားတွေ အစာမစားနိုင်တာ၊ အလေးချိန်လျော့သွားတာ၊ အရေခွံအရောင်ပြောင်းသွားတာ၊ ပိန်လှီသွားတာ၊ သွေးဥတွေ တစ်ကိုယ်လုံးမှာတွေ့ရတာနဲ့ ကိုယ်ပေါ်မှာ အနာတွေပေါက်တာ၊ ဖားပေါင်အနောက်ဖက်တွင် အနီကွက်တွေဖြစ်တာနဲ့ ဖားကိုယ်တွင်း သွေးထွက်တဲ့အခါမျိုးတွေ ကြုံရတယ်ဆိုရင်တော့ တက်ထရာဆိုက်ကလင်း 50-100 mg ကို ဖားအလေးချိန် ၁ကီလိုဂရမ် အစာနဲ့ ရောကျွေးလို့ရတယ်လို့ ဆိုပါတယ်။

ဖားမျက်စိဖြူ လည်လိမ် ဖြင်းရောဂါလက္ခဏာတွေဖြစ်တဲ့ ဖားမျက်စိမှုန်လာတာ၊ မမြင်ရတော့တာ၊ မျက်စေ့မှာ အနာပေါက်တာနဲ့ (အကြောများဆွဲပြီး ပက်လက်လန်နေခြင်း၊ ပတ်ချာလည် လည်နေခြင်း) စတာတွေ ကြုံတွေ့နေရပြီဆိုရင်တော့ ရောဂါဖြစ်နေတဲ့ ဖားတွေကို တခြားဖားတွေနဲ့ ခွဲထားပြီး၊ အိုင်အိုဒင်းပိုးသတ်ဆေး (သို့) ဖန်ဆေးမှုန့် (၅.၈ ဂရမ်)ကို ရေ(၁ လီတာ)နဲ့ ရောစပ် စိမ်ပေးထားနိုင်ပါတယ်။

နန်းထက်ထက်ချစ်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဖြစ်လေ့ဖြစ်ထရှိသောဖားရောဂါများနှင့် ကာကွယ်ကုသပုံ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဖြစ်လေ့ဖြစ်ထရှိသောဖားရောဂါများနှင့် ကာကွယ်ကုသပုံ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

သင့်ငါးကန်က ငါး/ပုဇွန်တွေ သေဆုံးမှုကို ဘယ်လိုလျှော့ချကြမလဲ

ငါးရောဂါစီမံခန့်ခွဲမှု

ထုံးနှင့် ငါးကန်

{{ post.title }}