ကြက်သွန်နီဈေးနှုန်းများတက်လာ

06/06/2019 12:30 PM တွင် AMIA AMIA မှ ရေးသား ပြီး Greenovator Greenovator မှ ပေးပို့ထားပါသည်။

ယခုရက်ပိုင်းအတွင်း ကြက်သွန်နီဈေးနှုန်းများ တက်လာကြောင်း မြန်မာနိုင်ငံ ကြက်သွန်ဖြူ ၊ ကြက်သွန်နီနှင့် စားဖို ဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

အခုရက်ပိုင်းအတွင်း ကြက်သွန်နီကုန်တင်ကားများ အဝင်နည်းလာတာကြောင့် ဈေးနှုန်းများ တက်လာတာဖြစ်တယ်လို့ မြန်မာနိုင်ငံကြက်သွန်ဖြူ ၊ ကြက်သွန်နီနှင့် စားဖိုဆောင်သီးနှံစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးခင်ဟန်ကပြောပါတယ်။

“ မိုးရွာတော့ အရင်တစ်ပတ်လောက်ကတည်းက ကြက်သွန်နီကုန်တင်ကား အဝင်နည်းလာတယ်။ ထက်ဝက်ကျော်လောက်နီးပါး လျော့သွားတော့ ဈေးနှုန်းကတက်သွားတာပါ။ ဒီနေ့တော့ ကားကပုံ မှန်ပြန်ဖြစ်လာပါပြီ။ ဈေးနှုန်းကတော့ တစ်ပိဿာကို ၂၀၀ ကျပ်ဝန်းကျင်လောက်တော့ တက်သွားတယ်”

ယခင်ရက်ပိုင်းအတွင်း ကြက်သွန်နီ ဆိပ်ဖြူရှယ် တစ်ပိဿာကို ၅၇၅ ကျပ်မှ ၆၇၅ ကျပ်တက်လာကြောင်း၊ မုံရွာရှယ်တစ်ပိဿာကို ၅၇၅ ကျပ် မှ ၇၀၀ ကျပ် တက်လာကြောင်း ၊ ပခုက္ကူရှယ်တစ်ပိဿာကို ၆၅၀ ကျပ် မှ ၇၀၀ ကျပ် တက်လာကြောင်း အဆိုပါအသင်းမှ သိရပါတယ်။

နယ်အစုံမှ ကြက်သွန်နီကားအစီးရေ (၃၀) ကျော် ပုံမှန်ဝင်ရောက်နေသော်လည်း အခုရက်ပိုင်းအတွင်း ကြက်သွန်နီကားအစီးရေမှာ (၁၅) စီး ဝန်းကျင်သာ ဝင်ရောက်ကြောင်း မြန်မာနိုင်ငံကြက်သွန်ဖြူ ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

တိုးတိုးခိုင်(ABM)

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်