Covid-19 ဖြစ်စဉ်ကြောင့် သီးနှံအများစု ဈေးကွက်ထိခိုက်သော်လည်း အော်ဂဲနစ်နဂါးမောက် အရောင်းသွက်နေ

    Covid-19 ဖြစ်စဉ်ကြောင့် သီးနှံအများစု ဈေးကွက်ထိခိုက်မှုဒဏ် ခံစားရသော်လည်း အော်ဂဲနစ်နဂါးမောက်များ အရောင်းသွက်နေကြောင်း ကိုယ်တိုင်စိုက်ပျိုးနေသူများက ပြောသည်။

ဒီနှစ်က ကိုဗစ်ကာလလည်းရှိတော့ သိတဲ့အတိုင်း ဈေးလျော့ရောင်းကြရတာပေါ့။ ကျွန်တော်ကတော့ ဈေးမလျော့ဘူး။ မနှစ်က ဒီလောက်မရောင်းရဘဲ ဒီနှစ် တော်တော်လေး ရောင်းရတယ်။ Dr.ခင်မောင်လွင်ကလည်း နဂါးမောက်သီးရဲ့ ကျန်းမာရေးကောင်းကျိုးတွေကို ဖော်ပြပေးတော့ လူတွေက ဒီနဂါးမောက်သီးကို တော်တော်လေးကို မှာစားကြတယ်။ ကလေးတွေပါ ကြိုက်လာကြတယ်။ ကျန်းမာရေးကို ဂရုစိုက်လာကြတော့ အော်ဂဲနစ်သီးနှံ စားချင်လာတယ်။ ဒီနှစ် အော်ဂဲနစ်ဈေးကွက် ပိုကောင်းလာတယ် ပြောရမှာပေါ့။

ဟု ပြင်ဦးလွင်ဒေသ၊ နောင်လှိုင်ကျေးရွာအုပ်စု၊ ပါအယ်ရွာရှိ Japan Organic Farm မှ ဦးအောင်အေးချမ်းက ပြောသည်။

    အော်ဂဲနစ်စနစ်ဖြင့် စိုက်ပျိုးထုတ်လုပ်ထားသည့် နဂါးမောက်သီး အဖြူ၊ အနီ တစ်ကီလိုလျှင် (၃၀၀၀) ကျပ်နှုန်းဖြင့် ရောင်းချနေကြောင်း သိရသည်။

ကျွန်တော်ခြံ (ပြင်ဦးလွင်) ကထွက်တဲ့ နဂါးမောက်သီးတွေကို မြစ်ကြီးနားကနေ ဟိုးအောက်ဘက် ကော့သောင်းအထိ ပို့ပေးနေရတယ်။ လှမ်းမှာကြတယ်။ ရန်ကုန်ကတော့ အဓိကပေါ့။

ဟု ဦးအောင်အေးချမ်းက ဆက်လက်ပြောသည်။

    နဂါးမောက်ပင်ကို ပုပ္ပါး၊ ပြင်ဦးလွင် ဒေသများ၌ အဓိကစိုက်ပျိုးထုတ်လုပ်နေပြီး နောင်ချို၊ တောင်ကြီး၊ ရပ်စောက် စသည့်ဒေသများ၌လည်း စိုက်ပျိုးမှုများရှိကြောင်း သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်