အရည်အသွေးကောင်း ကြက်သွန်နီတစ်ပိဿာလျှင် မြန်မာငွေကျပ်(၃၀၀)ဝန်းကျင်သာ ဈေးရရှိနေ

တစ်နိုင်ငံလုံးအတိုင်းအတာဖြင့် ကြက်သွန်နီဈေးနှုန်းများ ကျဆင်းပြီး၊ အရည်အသွေးကောင်းကြက်သွန်နီ တစ်ပိဿာလျှင် မြန်မာငွေ ကျပ် (၃၀၀) ဝန်းကျင်သာ ဈေးရရှိနေကြောင်း ကိုယ်တိုင်စိုက်ပျိုးထုတ်လုပ်နေသည့် ကြက်သွန်နီစိုက်တောင်သူများက ပြောသည်။

ဈေးထိုးကျလို့ တောင်သူတွေဒုက္ခရောက်ကြတယ်။ တစ်နိုင်ငံလုံးအတိုင်းအတာနဲ့ကို ဈေးကျနေတာ။ ပြည်ပပို့လို့မရ၊ ပြည်တွင်းသုံးစွဲမှုနဲ့မမျှတော့ ပိုလျှံနေတာ။ ပွဲရုံတွေကလည်း ကြက်သွန်နီဈေးကွက်က မကောင်းတော့ ကောင်းကောင်းမဝယ်တော့ဘူး။ ကြက်သွန်ပွဲစားတွေက အရောင်လှ၊ ပစ္စည်းကောင်း (အရည်အသွေးကောင်း) ကြက်သွန်နီကိုတောင် တစ်ပိဿာကို သုံးရာသုံးဆယ်ကျပ် (၃၃၀ ကျပ်) ပဲ ပေးတယ်။ ပုံမှန်ဆို အခုလိုအချိန်တွေက ကြက်သွန်နီဈေးတက်ရမယ့်အချိန်ပါ။ အရင်နှစ်တွေက ဇွန်လ၊ ဇူလိုင်လတွေမှာဆို ကြက်သွန်နီဈေး တစ်ပိဿာကို ထောင့်ငါးရာ (၁,၅၀၀ ကျပ်) အထိ ဈေးရခဲ့တယ်။

ဟု စစ်ကိုင်းတိုင်းဒေသကြီး၊ မြင်းမူမြို့နယ်မှ ကြက်သွန်နီစီးပွားဖြစ်စိုက်ပျိုးသူ ဦးကျော် က ပြောသည်။

တောင်သူများစိုက်ပျိုးသည့် ကြက်သွန်နီများမှာ ဒေသအလိုက် မတ်လ၊ ဧပြီလကုန်၊ မေလဆန်းကာလများ၌ ထွက်ရှိသည်။ ထိုသို့ ထွက်ရှိလာသည့် ကြက်သွန်နီများကို ဈေးကွက်တင်ပို့နိုင်ရန် သိုလှောင်ထားကြရာ ယခုနှစ်တွင် မိုးနည်းသဖြင့် အပူလွန်ကဲပြီး ပျက်စီးဆုံးရှုံးမှုများလည်း ကြုံတွေ့ရကြောင်း သိရသည်။

ကြက်သွန်နီထွက်နှုန်းက မနည်းခဲ့ပါဘူး။ ထွက်လာတဲ့ ကြက်သွန်နီတွေသာ ပျက်စီးကုန်တာ။ ဒီနှစ် မိုးနည်းတော့ လှောင်ထားတဲ့ကြက်သွန်နီတွေ ပုပ်ကုန်တယ်။ ကျွန်တော်ကိုယ်တိုင် ပိဿာ ၂၅၀၀ ကျော် ပျက်စီးသွားတယ်။ ဘေးခြံတွေဆိုလည်း ပိဿာ ၄၀၀၀, ၅၀၀၀ ပျက်စီးတဲ့သူတွေ ရှိတယ်။ ကျွန်တော်တို့ဒေသမှာ အခုထိတောင် မိုးက သိပ်မကောင်းသေးဘူး။ နည်းနည်းပဲ ရွာသေးတယ်။ ရာသီဥတုက အပူချိန်များတော့ လှောင်ထားသမျှ အဖတ်မတင်ဘဲ ပုပ်ကုန်တာပါ။

ဟု ဦးကျော် က ဆက်လက်ပြောသည်။

မြန်မာနိုင်ငံတွင် စစ်ကိုင်းတိုင်း၊ မန္တလေးတိုင်း၊ မကွေးတိုင်း စသည့် ဒေသများ၌ ကြက်သွန်နီ အများဆုံးစိုက်ပျိုးထုတ်လုပ်နေကြပြီး COVID-19 ကာလ၌ ကြက်သွန်နီဈေးနှုန်းများ ကျဆင်းခြင်းကြောင့် ယခုကဲ့သို့ အရှုံးနှင့်ရင်ဆိုင်နေရခြင်း ဖြစ်သည်။

ယခုကဲ့သို့ ကြက်သွန်နီတစ်ပိဿာလျှင် ငွေကျပ်သုံးရာအထိ ဈေးနှုန်းကျဆင်းခြင်းကြောင့် လာမည့် ကြက်သွန်စိုက်ရာသီချိန်တွင် ကြက်သွန်နီစိုက်ဧကများ လျော့နည်းနိုင်ဖွယ်ရှိကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...