တစ်ပတ်အတွင်း ကမ္ဘာ့ရော်ဘာ စျေးကွက်သုံးသပ်ချက်

ဒေသတွင်းရော်ဘာဈေးကို ဆွဲတင်သွားနိုင်မယ့် ပူပူနွေးနွေး သတင်းပလင်းတွေ မရှိလို့ လာမည့် အပတ်မှာလည်း ရော်ဘာစျေးအေးနေမယ်လို့ မလေးရှားမှ ကုန်သည်တွေကပြောပါတယ်။
မလေးရှားရော်ဘာဈေးကွက်ရဲ့ လားရာကို ပြဌာန်းတဲ့ TOCOM ရဲ့ စံရော်ဘာဈေးဟာလည်း ဒီအပတ်မှာ ဈေးအနိမ့်နဲ့ပဲ ရောင်းဝယ်နေကြတယ်။
ဒေါ်လာနဲ့ ယှဉ်ရင် မလေးရှားရဲ့ ရင်းဂစ်ငွေက မာနေတယ်။ ရင်းဂစ်ဈေးက မာနေရင် ရင်းဂစ်မဟုတ်တဲ့ အခြားငွေကြေး ကိုင်ဆောင်ထားသူအတွက် ကုန်ပစ္စည်းဟာ ဈေးကြီးသွားတာကြောင့် ကုန်စည် ဝယ်လိုအားကို အဟန့်အတား ဖြစ်စေတယ်လို့ ကုန်သည်တစ်ဦးက မှတ်ချက်ပြုပါတယ်။ ဝယ်လိုအားကောင်းမှ ဈေးလိုက်လာမှာလေ။

ပြီးခဲ့တဲ့ အပတ်အတွက်၊ ရော်ဘာဈေးဟာ ဒေသတွင်းဈေးကွက်တွေကကျ၊ ရေနံစိမ်းလည်းကျတော့၊ နှစ်ခုလုံးရဲ့ ကျရိပ်နဲ့ ပေါင်းဆုံသွားတယ်။ ဒါက တနင်္လာနေ့မှာ မလေးက ဘနားမား သတင်းဌာနကသတင်းကို အခြေခံပြီးပြောတာ။

ဗုဒ္ဓဟူးနေ့မှာ တိုကျိုရဲ့ စံရော်ဘာဟာ တပတ်အတွင်းမှာ အမြင့်ဆုံးကိုရောက်သွားတယ်။ ရှန်ဟိုင်းရဲ့ ဈေးတက်နေတယ်လေ။ ခုနောက်ပိုင်း ရှန်ဟိုင်းနောက်ကို တိုကျိုက လိုက်လေ့ရှိတယ်။ ရှန်ဟိုင်းတက်ရင် တိုကျိုလိုက်တက်တယ်။
အရှေ့တောင်အာရှရဲ့ ရော်ဘာဈေးကွက်ကို လွှမ်းမိုးတဲ့ တိုကျိုကုန်စည်ဒိုင် TOCOM ဟာ ကမ္ဘာ့ရော်ဘာ အထွက်ဆုံး ၃ နိုင်ငံရဲ့ ရော်ဘာတင်ပို့မှုလျှော့ချနေခြင်းရဲ့ အကျိုးဆက်ကို အနည်းငယ်ခံစားရနေတယ်။ ဒီ ၃ နိုင်ငံရဲ့ ပြည်တွင်းရော်ဘာသိုလှောင်ထားရှိမှုဟာ ၃ နှစ်ကျော်ကာလအတွင်း အများဆုံးဖြစ်ပြီး စုပုံနေကြပါတယ်။
ဖေဖေါ်ဝါရီ ၂၈ ရက်နေ့စာရင်းအရ ဂျပန်ဆိပ်ကမ်းရှိ သိုလှောင်ရုံတွေမှာ ရော်ဘာလက်ကျန်ဟာ ၁၅၂၀၆ တန်ရှိက ယခင်ကြေညာသည့်ရက်စွဲထက် ၂.၂% တိုးလာပါတယ်လို့ Rubber Trade Association of Japan က ဗုဒ္ဓဟူးနေ့တုန်းကပြောပြတယ်။
ဒါဟာ ၂၀၁၄ ခု၊ ဩဂုတ်လကစတွက်လျင် အများဆုံးပါပဲဆိုတာ ဒေတာတွေကို ကြည့်ခြင်းဖြင့်သိနိုင်ပါတယ်။

" အထွက်ကျလေ့ရှိတဲ့ ရွက်ကြွေရာသီကိုရောက်နေလင့်ကစား၊ ကုန်စည်တွေစုပုံနေခြင်းက စိုးရိမ်စရာ ဖြစ်နေပါတယ်။ ဘာကြောင့်ဆို ဒီလိုစုပုံနေတာက ဝယ်လိုအားနည်းမည့်အချက်ပြ ဖြစ်နေလို့ပါပဲ" လို့ ဂျပန်စက်မှုလုပ်ငန်း သတင်းရင်းမြစ်ကဆိုတယ်။ ကိုယ့်လက်ထဲရှိ ပစ္စည်းကများနေရင်နောက်ထပ် ဝယ်ဘို့ လက်တွန့်ကြတာချည့်ပါ။

ကြာသပတေးနေ့မှာတော့ တိုကျိုရဲ့စံရော်ဘာ ဆက်တက်လာတာ ၁၀ ရက်အတွင်း အမြင့်ဆုံးကို ရောက်သွားတယ်။ ရှန်ဟိုင်းဈေးမာနေတဲ့ နောက်ခံနဲ့ပါ။ ဒါပေမယ့် ဒေါ်လာနဲ့ယှဉ်တဲ့ ယန်းငွေကမာနေတော့ ဈေးအတက်က အကန့်အသတ်နဲ့ဖြစ်နေတယ်။ တက်ချင်လျက်နဲ့ မတက်နိုင်ဖြစ်နေတယ်ပေါ့။
ဒေါ်လာဟာ ယန်းနဲ့ယှဉ်ရာမှာ တပတ်အတွင်းအနိမ့်ဆုံးကိုရောက်နေတယ်။ ကမ္ဘာ့ကုန်သွယ်ရေးစစ်ပွဲ ဖြစ်လာနိုင်မယ့် အလားအလာကို စိုးရိမ်ပြီး ကုန်သည်တွေက ရော်ဘာဝယ်ဘို့ စိတ်မပါ ဖြစ်နေကြတယ် ဆိုတာကြောင့်ပါ။
ဂျပန်ငွေကြေးက မာနေတော့ ယန်းငွေနဲ့သတ်မှတ်ထားတဲ့ ကုန်တွေကို အခြားငွေကြေးနဲ့ ဝယ်တဲ့အခါ ဈေးကြီးသွားတော့ သိပ်မဝယ်နိုင်ဖြစ်ကြရတယ်။ အဝယ်နည်းရင် ဈေးကျတာပေါ့။

ရော်ဘာ အဓိက ထုတ်လုပ်သူ နိုင်ငံ ၃ နိုင်ငံက အိတ်စပို့ကို လျှော့ချနေလင့်ကစား၊ ဈေးကို အဆုံးအဖြတ်ပေးတဲ့ အခြေခံအချက်ဖြစ်သော လက်ကျန်ရော်ဘာပမာဏဟာ ဂျပန်ဘက်မှာရော တရုတ်ဘက် အပြင် အခြားနိုင်ငံမှာပါ စုပုံနေတဲ့အတွက်ကြောင့်၊ အရှေ့တောင်အာရှရဲ့ ရော်ဘာဈေးကို အဆုံးအဖြတ်ပေးတဲ့ တိုကျိုရဲ့ TOCOM မှာ ဇန်နာဝါရီလကုန်ကတည်းက ယန်း ၂၀၀ အောက်ဈေးနဲ့ ရောင်းဝယ်နေကြရတာပါ။

" ရှန်ဟိုင်းရဲ့ အမာက ဂျပန်ဈေးကွက်ကို အထောက်အပံ့ဖြစ်တယ်။ ဒါပေမယ့် တက်မယ့်ဈေးကို ယန်းငွေအမာက ပြန်ဖိထားတယ်" တဲ့ ဂျပန်စက်မှုသတင်းရင်းမြစ်ကဆိုတယ်။

သောကြာနေ့ဈေးအပိတ်မှာ တိုကျိုရဲ့ TOCOM မှာ အကျကြမ်းသွားပြန်တယ်။ ၃.၄ ယန်းကျကာ ၁၉၁.၈ ယန်း/ကီလိုဂရမ်ဈေးနဲ့ ပိတ်သွားပါပြီ။

ဒီနေ့သောကြာနေ့မှာ မလေးရှား သတင်းဌာန ဘနားမားမှ တက်လာတဲ့ သတင်းအရ မလေးရှားမှာ ရော်ဘာအထွက်လျော့သွားသတဲ့။ ပြီးခဲ့တဲ့ ၂၀၁၇ ဒီဇင်ဘာမှာ ၆၇၁၀၁ တန်ထွက်ခဲ့ရာမှ ၂၀၁၈ ဇန်နာဝါရီမှာ ၆၅၇၉၂ တန်ပဲထွက်တယ်ဆိုတော့ ၂% သို့မဟုတ် ၁၃၀၉ တန်လျော့သွားတယ်။ ဒါပေမယ့် လက်ဝယ်ရှိ စတော့က ဇန်နာဝါရီမှာ ၂၅၄၅၂၅ တန်ရှိတယ်။ ဒီ့အရင်လက လက်ကျန် ၂၃၀၃၀၀ တန်နဲ့ယှဉ်လျင် ၁၀.၅% သို့မဟုတ် ၂၄၂၂၅ တန်တိုးများလာတယ်လို့ စာရင်းအင်းဌာနမှ ဗုဒ္ဓဟူးနေ့မှာထုတ်ပြန်ချက်အရသိရတယ်။

နောက်သတင်းတခုက ရော်ဘာကြီး ၃ ကြီးရဲ့ ၃ လတာ အိတ်စပို့လျှော့ချမည့်အစီအစဉ်ကို ၃ လပြည့်တဲ့ မတ်လပြီးနောက်မှာလည်း ဆက်ပြီးလျှော့ချမည့် အလားအလာရှိနေကြောင်းပါ။

ညီသွေး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...