ကိုယ်၀န်ဆောင်ဆိတ်မများနှင့် မွေးကင်းစဆိတ်လေးများအား ပြုစုစောင့်ရှောက်ရန် လိုအပ်သောအချက်များ

ဆိတ်မွေးမြူသူတွေအနေနဲ့ ဆိတ်မများဇီးရှိချိန်မှာ ဂရုစိုက်ပေးဖို့ လိုအပ်ပြီး မွေးကင်းစဆိတ်ကလေးတွေကိုလည်း အထူးဂရုစိုက်ပေးဖို့ လိုအပ်ပါတယ်။

ဆိတ်မတွေဟာ အသက်(၈)လခန့်မှာ အရွယ်ရောက် မိတ်လိုက်ကြပြီး သားအောင်တဲ့ ဆိတ်မတွေဟာ ကိုယ်ဝန် ဆောင်ကာလ ပျမ်းမျှ ရက် ၁၅၀ ခန့်မှာ ဆိတ်ကလေးကို မွေးဖွားပါတယ်။

ဆိတ်မကိုယ်ဝန်နုစဉ်ကာလမှာ တခြားဆိတ်တွေနဲ့ ရောပြီး လွှတ်ကျောင်းနိုင်ပါတယ်။

ဇီးရင့်လာပြီး မွေးဖွားခါနီး တစ်ပတ်အလိုခန့်ဆိုရင်တော့ လွှတ်ကျောင်းထဲမထည့်တော့ပဲ ဆိတ်တင်းကုပ်မှာပဲ ထားသင့်ပါတယ်။

သားပေါက်ခါနီး မွေးဖွားရက်စေ့ချိန်ဆိုရင် အစာလျှော့ ကျွေးသင့်ပါတယ်။ ဝမ်းပျော့စေတဲ့ အစားအစာများ ဖြစ်တဲ့ ဂေါ်ဖီရွက်၊ ဆလတ်ရွက် စတဲ့ ဟင်းရွက်အစိမ်းများ ပိုမို ကျွေးမွေးသင့်ပါတယ်။

ဆားဟာလည်း ဆိတ်တွေအတွက် အရေးကြီးပါတယ်။ ဆိတ်တစ်ကောင်ကို တစ်နေ့ ဆား(၂)ကျပ်သားခန့် ကျွေးသင့်ပါတယ်။

ဆိတ်မဇီးရင့်ပြီး သားပေါက်ကာနီးပြီဆိုရင် အစာစားရပ်ခြင်း၊ အမတန်ဆာအင်္ဂါစပ် ရောင်ရမ်းခြင်း၊ ဂဏှာမငြိမ် ဖြစ်ခြင်း၊ အော်ဟစ်ခြင်း၊ လဲလျောင်းခြင်း၊ နို့အုံများ နို့ပြည့်၍ မာတင်းလာခြင်း၊ ညှစ်ကြည့်ရင် နို့ရည်ပျစ်များ ထွက်ခြင်း စတာတွေကို တွေ့ရှိရပါမယ်။

မိခင်ဝမ်းမှကျွတ်သော မွေးစဆိတ်ငယ်ကလေးတွေဟာ များသောအားဖြင့် သန်မာကြပါတယ်။ မွေးဖွားပြီး နာရီ ပိုင်း အတော်ကြာတဲ့အထိ မိခင်နို့မစို့ဘဲ ဆိတ်ငယ်များ ခံနိုင်ရည်ရှိကြပေမယ့် မွေးဖွားပြီးလျှင်ပြီးချင်း နာရီပိုင်း အတွင်း မိခင်နို့စို့နိုင်စေရန် ဆောင်ရွက်ပေးသင့်ပါတယ်။

နို့ဦးရည်ဟာ ဆိတ်ငယ်ကလေးအတွက် မရှိမဖြစ် လိုအပ်ပါတယ်။ နို့ဦးရည်မှာ မိခင်ရဲ့ ကိုယ်ခံစွမ်းအားများ ပါရှိလို့ ဆိတ်ငယ်ကလေးများ သာမန်ရောဂါများဖြစ်ပွားပါက ခံနိုင်ရည်စွမ်းရှိကြပါတယ်။

ဒါ့အပြင် နို့ဦးရည်က ဆိတ်ငယ်လေးကို ဝမ်းပျော့ပျော့သွားစေနိုင်ခြင်းဖြင့် မိခင်ရဲ့ဝမ်းတွင်းရှိနေစဉ်ကာလက ရှိနေမယ့် ငယ်ချေးတွေကိုလည်း ဝမ်းပျော့ပျော့နဲ့အတူ ပါသွားစေမှာဖြစ်ပါတယ်။

အချို့ဆိတ်မတွေဟာ တစ်ခါတစ်ရံမှာ ဆိတ်ကလေး ၃ ကောင်အထိ မွေးတတ်ပါတယ်။ ဒါပေမဲ့ ဆိတ်မရဲ့နို့အုံမှာ နို့တံ (၂)ချောင်းသာရှိလို့ ဆိတ်ငယ်များ အလှည့်ကျနို့စို့နိုင်စေဖို့ အလှည့်ကျလွှတ်ပေးဖို့ လိုမှာဖြစ်ပါတယ်။

ဆိတ်ငယ်များကို ၂ ပတ်သားကစပြီး အစာနုနဲ့မြက်များကို စတင်၍ အလေ့အကျင့်ပြုလုပ်ကျွေးမွေးရပါမယ်။ များသောအားဖြင့် အသက်(၆)ပတ်သားမှာ နို့ခွဲလေ့ရှိတာကြောင့် အစာနုစားတဲ့ အလေ့အကျင့်လုပ်ပေးထားမှ ဆိတ်ငယ်များရဲ့ ကြီးထွားဖွံ့ဖြိုးမှုကို အနှောင့်အယှက် မဖြစ်စေမှာပါ။

ကဲ..ဒီတော့ ဆိတ်မွေးမြူသူတွေအနေနဲ့ ကိုယ်ဝန်ဆောင်ဆိတ်မတွေကို စနစ်တကျပြုစုစောင့်ရှောက် ခြင်း၊ မွေးကင်းစဆိတ်လေးတွေကို ဂရုတစိုက်ပြုစုပုံတွေကို သိရှိနားလည် ကျင့်သုံးပြီး ဆိတ်ကောင်ရေများ တိုးပွားနိုင်ကြပါစေ။

ရေးသားသူ- ဦးဇော်(dof)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...