စိုက်ပျိုးရေကိုချွေတာမှာ အစက်ချနှင့်ရေဖျန်းစနစ်ပါ

07/01/2020 12:30 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

မြန်မာပြည်အလယ်ပိုင်း အပူပိုင်းဇုန်ဒေသတွင် အဓိကယာသီးနှံများဖြစ်သည့် မြေပဲ၊ နှမ်း၊ ပဲတီစိမ်း၊ ပဲစဉ်းငုံစသည့် သီးနှံများနှင့်  ဟင်းသီးဟင်းရွက်သီးနှံအချို့ကို စိုက်ပျိုးလေ့ရှိရာ မြေတွင်းအစိုဓါတ်ကို ဖမ်းမိစေရန် အချိန်အခါမီ စိုက်ပျိုးရန်လိုအပ်ပါသည်။ သို့သော် သီးနှံစိုက်ချိန် အပူချိန်မြင့်မားခြင်း၊ လေတိုက်နှုန်းမြင့်မားခြင်းတို့ကြောင့် မြေတွင်းအစိုဓါတ်ဆုံးရှုံးမှုများ ဖြစ်ပေါ်လာပါသည်။ ၎င်းအချိန်တွင် သီးနှံပင်အတွက် မြေအစိုဓါတ်လုံလောက်စေရန် ဖြည့်စွက်ရေပေးသွင်းခြင်းကို ဆောင်ရွက်ရန်လိုအပ်ပါသည်။

ဖြည့်စွက်ရေအတွက် မိုးရေထိန်းသိမ်းသိုလှောင်ကန်များမှလည်းကောင်း၊ မြစ်ရေတင်များမှလည်းကောင်း၊ ရေသွင်းရာတွင်ဆုံးရှုံးမှုများသော ထယ်ကြောင်းအတိုင်းရေပေးသွင်းမည့်အစား သွင်းရေချွေတာနိုင်သော ရေမွှားဖျန်းစနစ်၊ အစက်ချရေသွင်းစနစ်များကို အသုံးပြုသင့်ပါသည်။ သို့ဖြစ်ပါ၍ စိုက်ပျိုးရေကို စနစ်တကျသွင်းနိုင်ပြီး ရေတင်စရိတ်ခြွေတာနိုင်သော ရေမွှားဖျန်းစနစ်သုံးခြင်းဖြင့် မြေပဲသီးနှံစိုက်ပျိုးထုတ်လုပ်မှုတွင် အကျိုးသက်ရောက်မှုရှိကြောင်း လေ့လာတွေ့ရှိထားပါသည်။ မြေပဲသီးနှံစိုက်ပျိုးထုတ်လုပ်မှုတွင် ရေမွှားဖျန်းရေပေးစနစ်ဖြင့် မြေတွင်းအစိုဓါတ် မလုံလောက်မှုကြောင့် ဖြည့်စွက်ပေးရမည်ဆိုလျှင် စိုက်ပျိူးရေကို (၅၀) ရာခိုင်နှုန်းခန့် ချွေတာနိုင်ပြီး ပင်ထောင်ခရမ်းချဉ်မျိုး (2777F) တွင် အစက်ချရေသွင်းခြင်းဖြင့် စိုက်ပျိုးရေကို (၅၀-၇၀) ရာခိုင်နှုန်းခန့်ချွေတာနိုင်ကြောင်း သတင်းကောင်းပါးလိုက်ရပါသည်။

Source - တောင်သူအတွက်မှာ နည်းပညာ (DAR) စာအုပ်မှ ကောက်နှုတ်ဖော်ပြပါသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်