မူဆယ်(၁၀၅)မိုင်၊ သခွားမွှေးသီးဈေးကွက် ဆက်တိုက်ကောင်းမွန်မည့် အလားအလာများရှိနေ

    သခွားမွှေးသီးဈေးကွက် ဆက်တိုက်ကောင်းမွန်မည့် အလားအလာများရှိနေကြောင်း မူဆယ် (၁၀၅) မိုင် ကုန်သွယ်ရေးဇုန်ရှိ ဈေးကွက်ကျွမ်းကျင်သူများထံမှ သိရသည်။

သခွားမွှေးသီးတွေရဲ့ဈေးကွက်က အတက်ဘက်ကိုပဲ ဆက်တိုက်ဦးတည်နေတယ်။ ဒီထက် ဈေးပိုတက်ဖို့တောင် လမ်းမြင်နေတယ်။ ဈေးကျသွားဖို့မရှိဘူး။ ကားအစီးရေတွေ ဘယ်လောက်ဝင်လာလာ၊ သခွားမွှေးကို ပမာဏအများကြီးကို စုပြုံပြီး ရောင်းဝယ်နေတာမျိုးမရှိဘူး။ အရေအတွက်က သူ့ဟာနဲ့သူ သီးသန့်ရှိတယ်။ ဒါ့ကြောင့်မို့လည်း ရှေ့ရက်တွေမှာ သခွားမွှေးဈေးကွက် ခိုင်မာကောင်းမွန်မယ်လို့ သုံးသပ်ရတာပါ။

ဟု ရှမ်းပြည်နယ်မြောက်ပိုင်း၊ မူဆယ်(၁၀၅)မိုင် ကုန်သွယ်ရေးဇုန်၊ သစ်သီးဝလံကုန်စည်ဒိုင် ဒုတိယဥက္ကဌ ဦးစိုင်းခင်မောင်က ပြောသည်။

    ၂၀၂၁ ခုနှစ်၊ ဖေဖော်ဝါရီလ (၅) ရက်တွင် ၁,၀၀၀ - ၁,၂၀၀ တန်းများ စီးပြတ်ဈေး ၁၈,၀၀၀ - ၂၃,၀၀၀ ယွမ်၊ ဒုံးကျည် ဖရဲ စီးပြတ်ဈေး ၂၀,၀၀၀ - ၃၀,၀၀၀ ယွမ်၊ ထဲန်ဝမ် ဖရဲ တန်ချိန်ဈေး ၃,၀၀၀ - ၄,၀၀၀ ယွမ်၊ ရွှေသခွား တန်ချိန်ဈေး ၅,၀၀၀ - ၆,၃၀၀ ယွမ် ဈေးနှုန်းများဖြင့် ရောင်းဝယ်နေကြပြီး၊ ဖရဲဈေးများ အကျဘက်သို့ ဦးတည်နေကြောင်း သိရသည်။

855 ဖရဲဈေးတန်းတွေကတော့ ထိုးကျနေတယ်။ ဖရဲဈေးအတက်အကျကတော့ နှစ်သစ်ကူးအကြိုနောက်ရက်အခြေအနေက ဝယ်လိုအားနဲ့ ကံတရားအပေါ် အများကြီးမူတည်နေပါတယ်။ ဘယ်လောက်အထိကျမလဲတော့ မခန့်မှန်းနိုင်ဘူး။ ဖရဲကားတွေ စုပုံပြီးတက်လာလို့ ဖရဲဈေးအကျကြမ်းမှာ ပူရတယ်။ ဒီနေ့အထိ ဈေးကွက်မှာ အသီးအရည်အသွေးတွေက ကောင်းနေသေးတယ်။ နောက်ပိုင်းဝင်လာမယ့် အသီးတွေကသာ မိုးရေဘာညာနဲ့ အရည်အသွေးအနည်းငယ်ကျမလား စိတ်ပူရတယ်။ တရုတ်နှစ်ကူး ဈေးကွက်အမီ စုပြုံပြီး တက်လာမှ ဈေးပိုကျသွားမှာ စိုးရိမ်ရပါတယ်။

ဟု ဦးစိုင်းခင်မောင်က ဆက်လက်ပြောသည်။

    ဖေဖော်ဝါရီလ (၅)ရက် နေ့လယ်ပိုင်းအထိ စာရင်းများအရ၊ မူဆယ်(၁၀၅)မိုင် ကုန်သွယ်ရေးဇုန်၊ ဖရဲသခွားမွှေးကား အဝင်အစီးရေအနေဖြင့် ဖရဲကား (၃၂၀)စီးနှင့် သခွာမွှေးကားအစီးရေ(၄၀)ဝန်းကျင် အရောင်းအဝယ်များပြုလုပ်နေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more