ပြည်တွင်းစပျစ်သီး ရှားပါးချိန်ဖြစ်သဖြင့် ဈေးကွက်လိုအပ်ချက်အရ ပြည်ပမှတင်သွင်းရောင်းချမှုများဖြစ်ပေါ်နေ

ပြည်တွင်း၌ စပျစ်သီးရှားပါးသည့် အချိန်ကာလဖြစ်သဖြင့် ဈေးကွက်လိုအပ်ချက်အရ ပြည်ပမှတင်သွင်းရောင်းချမှုများ ဖြစ်ပေါ်နေကြောင်း ဈေးကွက်ကျွမ်းကျင်သူများထံမှ သိရသည်။

စပျစ်သီးက ဈေးကွက်ကောင်းတယ်။ သို့သော် အခုလိုအချိန်မျိုးဆိုရင် ပြည်တွင်းစပျစ်သီးတွေက လှိုင်လှိုင်မပေါ်သေးဘူးဆိုတော့ ကုန်သည်ပွဲစားတွေဆီမှာ တရုတ်ပြည်ဘက်ကဝင်တဲ့ စပျစ်သီးတွေပဲ အများဆုံး ရောင်းဝယ်နေကြတာတွေ့ရတယ်။ စပျစ်သီးအစိတ်သား(၂၅ ကျပ်သား) ကို လေးထောင်ကျပ်တို့ဘာတို့အထိ ဈေးကောင်းရနေတယ်။ ပြည်တွင်းဖြစ်အသီးက ဒီအချိန်မှာ အသီးမစုံသေးဘူး။ ကျွန်တော့်ခြံဆို အခုမှ အပွင့်ပွင့်ရုံရှိသေးတာ။

ဟု စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်၊ အလုံရပ်ကွက်မှ စပျစ်ခြံလုပ်ငန်းလုပ်ကိုင်သူ ဦးသန်းဝင်းက ပြောသည်။

    လက်ရှိဈေးကွက်အတွင်း RG-စပျစ်သီး အလုံးကြီးမျိုး ၂၅ ကျပ်သားလျှင် ၄၀၀၀ ကျပ်မှ ၈၀၀၀ ကျပ်အထိ ဈေးကွက်ကောင်းမွန်နေကြောင်း သိရသည်။

မြေဩဇာဈေး၊ ဆေးဖိုးတွေက နှစ်ဆနီးပါးမြင့်တက်သွားပေမယ့် စပျစ်သီးက ဈေးကွက်ကောင်းမွန်တော့ စိုက်ပျိုးနေကြတုန်းပါပဲ။ အရင်ကဆို ရမည်သင်းဘက်မှာပဲ အစိုက်များတယ်။ အခုဆို တစ်နိုင်ငံလုံးအနှံ့က စပျစ်စိုက်ပျိုးရေးကို စိတ်ဝင်စားလာတယ်။ စိုက်လို့ရတဲ့ ရေမြေဒေသတိုင်းမှာ စပျစ်သီးကို စိုက်ပျိုးလာကြမယ်ဆိုရင် ကိုယ့်ဒေသအနီးတစ်ဝိုက်မှာတင် ရောင်းချနိုင်လာမယ်။ တစ်နေရာနဲ့တစ်နေရာ သယ်ယူရတဲ့ လမ်းပန်းစရိတ်လည်း သက်သာသွားမယ်။ ဈေးကွက်လိုအပ်ချက်ကိုလည်း ဖြည့်တင်းနိုင်လာမယ်။

ဟု ၎င်းက ဆက်လက်ပြောသည်။

    မြန်မာနိုင်ငံတွင် ဖေဖော်ဝါရီ၊ မတ်၊ ဧပြီလတို့သည် ပြည်တွင်းစပျစ်သီး လှိုင်လှိုင်ပေါ်ချိန်ဖြစ်ပြီး၊ ကြားကာလ အသီးရှားပါးချိန်များတွင် ဈေးကွက်လိုအပ်ချက်အရ ပြည်ပမှစပျစ်သီးများကို ကုန်သည်ပွဲစားကတဆင့် တင်သွင်းရောင်းချနေကြသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်