မက်မန်းခြံလုပ်ငန်းလုပ်ကိုင်သူများ ဈေးကွက်အခက်အခဲဖြစ်ပေါ်နေ

    စာသင်ကျောင်းများ မဖွင့်လှစ်ခြင်းကြောင့် မက်မန်းခြံလုပ်ငန်းလုပ်ကိုင်သူများအပေါ်  ဈေးကွက်ရိုက်ခတ်မှု အနည်းနှင့်အများဆိုသလို ဖြစ်ပေါ်နေကြောင်း သိရသည်။

ကျွန်မတို့ခြံမှာ စိုက်ပျိုးထားတာက အချဉ်ပေါင်းလုပ်တဲ့ မက်မန်းသီးမျိုးတွေဖြစ်တဲ့အတွက် ပုံမှန်ဆို ကျောင်းဖွင့်ရာသီတွေမှာဆို မက်မန်းသီးဈေးတက်ပါတယ်။ ဒီအတောအတွင်း ကိုဗစ်ရောဂါပိုးကြောင့်နဲ့ နိုင်ငံရေးကြောင့်မို့ ကျောင်းတွေပိတ်ထားတော့ ဈေးကွက်မကောင်းတော့ဘူး။ အခုကို အိမ်မှာ မက်မန်းသီး တင်းတစ်ရာကျော် ဆားရည်စိမ်ထားရတယ်။ အစိမ်းအတိုင်းက ရောင်းမထွက်တော့ အထားခံအောင် ဆားရည်စိမ်ထားရတာ။ အခုကျတော့ ဆားရည်စိမ်ကလည်း ရောင်းမထွက်ပြန်ဘူး။ ဒီအတိုင်းဖြစ်နေတယ်။

ဟု မန္တလေးတိုင်းဒေသကြီး၊ ပြင်ဦးလွင်မြို့မှ မက်မန်းခြံလုပ်ငန်း လုပ်ကိုင်သူ မမီးငယ်က ပြောသည်။ 

    မြန်မာနိုင်ငံတွင် မက်မန်းသီးကို အစိမ်းသီးအတိုင်း သုတ်စား၍ဖြစ်စေ၊ အချဉ်ဖောက်၍ မက်မန်းဝိုင် အနေဖြင့်ဖြစ်စေ၊ ဆားရည်စိမ်၍ဖြစ်စေ၊ အချဉ်ပေါင်းပြုလုပ်၍ဖြစ်စေ စားသုံးလေ့ရှိကြသည်။

မက်မန်းသီးက မှည့်လာတဲ့အခါ အဝါရောင်ဖြစ်သွားတဲ့အသီးနဲ့ အနီရောင်ဖြစ်သွားတဲ့ အသီးဆိုပြီး နှစ်မျိုးရှိတယ်။ သီးပွင့်ချိန်တွေကတော့ တစ်မျိုးနဲ့တစ်မျိုး မတူကြဘူးပေါ့။ သီးလာတဲ့ အသီးအစိမ်းအတိုင်းကိုတော့ ပွဲရုံတွေကို ပို့ရောင်းတာပါ။ အရင်က ဈေးကွက်ကောင်းချိန်ကဆို မက်မန်းသီးတွေ အစိမ်းခြွေပြီးပြီဆိုတာနဲ့ အခင်းထဲအထိ ပွဲစားတွေ လာဝယ်ကြတယ်။ ပွဲရုံတွေကို တင်ပို့တဲ့အခါလည်းပို့တယ်။ အခုကျတော့ ဘယ်သူမှ လာမဝယ်ကြတော့ ဒီအတိုင်းဖြစ်ကုန်တာပေါ့။

ဟု မမီးငယ်က ဆက်လက်ပြောသည်။

     မက်မန်းသီးပင်သည် နှစ်ရှည်ပင်အမျိုးအစားတစ်ခုဖြစ်ပြီး၊ တစ်ကြိမ်စိုက်ပျိုးထားရုံဖြင့် သားစဉ်မြေးဆက် အပင်ဆက်လက်ပြုစုကြကာ ဈေးကွက်တင်ပို့ရောင်းချနိုင်ကြောင်း သိရသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more