သံပုရာသီးဈေးကွက် ပုံမှန်အရောင်းအဝယ်လည်ပတ်လျက်ရှိနေ

ကိုဗစ်ကာလအတွင်း သီးနှံဈေးကွက်များ ကျဆင်းမှုကြုံတွေ့နေရသော်လည်း သံပုရာသီး လက်လီ/လက်ကားဈေးကွက်အားလုံးမှာ ပုံမှန်အတိုင်း အရောင်းအဝယ်လည်ပတ်လျက်ရှိနေကြောင်း နေပြည်တော်ရှိ သံပုရာခြံများမှ သိရသည်။

သံပုရာသီးကတော့ ရောင်းရပါတယ်။ ဈေးနှုန်းက အရမ်းကြီးတော့ မကောင်းဘူးပေါ့။ ဒီ နေပြည်တော်ဘက်မှာကျတော့ စားသောက်ဆိုင်တွေကို တိုက်ရိုက်ပို့တာလေ။ အဲ့ဒီလို လက်ကားဈေးကွက်ကတော့ ပုံမှန်အတိုင်း အမြဲရောင်းနေရတယ်။ ရန်ကုန်ကိုလည်း ကျွန်တော်တို့ဆီကနေ တင်ပို့ပေးနေရပါတယ်။ ရန်ကုန်ကတော့ အမြဲတမ်းမှာယူကြတယ်။ ရန်ကုန်ကနေ မှာယူသူတွေက ကျွန်တော့်သံပုရာသီးတွေကို လက်လီဈေးကွက်မှာ ပြန်ရောင်းကြတယ်။

ဟု နေပြည်တော်ရှိ ပြည့်ဝသံပုရာခြံမှ စီမံအုပ်ချုပ်သူ ကိုပြည့်ဝက ပြောသည်။

ကိုဗစ်ကာလဖြစ်သဖြင့် ဟင်းချက်စားဖွယ်ရာများကို အိမ်အရောက်ပို့စနစ်ဖြင့် ရောင်းချနေကြရာတွင် ဗီတာမင်စီဓာတ်ကြွယ်ဝစွာပါဝင်ပြီး ကျန်းမာရေးအတွက် အထောက်အကူဖြစ်စေသည့် သံပုရာသီးများကိုပါ ထည့်သွင်းမှာယူနေကြခြင်း ဖြစ်သည်။

ကျွန်တော့်ဆီက လှမ်းပြီးတော့အော်ဒါမှာနေတဲ့ ရန်ကုန်ဝယ်လက်တွေက မီးဖိုချောင်သီးနှံတွေ စားဖွယ်တွေကို အိမ်အရောက်ပို့စနစ်တွေနဲ့လည်း ရောင်းချကြတယ်။ သူတို့ဆီက Customer တွေက မှာတဲ့အခါ တခြားသီးနှံ ဟင်းချက်အမယ်တွေနဲ့အတူ သံပုရာသီးကိုလည်း ထည့်မှာကြတယ်လေ။ အခုလို ကိုဗစ်ကာလကတော့ အိမ်အရောက်ပို့ ဈေးဝယ်စရာမှာယူတဲ့အခါမှာ သံပုရာသီးကတော့ မပါမဖြစ် မှာနေကြဟန်တူပါတယ်။ ကျွန်တော့်ခြံကနေ သံပုရာသီးတွေကို လတိုင်း အော်ဒါလှမ်းမှာယူကြပါတယ်။

ဟု ကိုပြည့်ဝက ဆက်လက်ပြောသည်။

ရှေးယခင်အခါက သံပုရာသီးများကို မိုးရာသီတွင် ပေါများပြီး၊ နွေရာသီတွင် အသီးရှားပါးခြင်းများ ကြုံတွေ့ခဲ့ကြသည်။ အခုနောက်ပိုင်းကာလများတွင်မူ သံပုရာသီးတွေကို တစ်နှစ်ပတ်လည်နီးပါး သီးအောင် စိုက်ပျိုးလာကြောင်း သိရသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ