ကျန်းမာသောဆိတ်နှင့် မကျန်းမာသောဆိတ်၏ သွင်ပြင်လက္ခဏာများ

ကျန်းမာသောဆိတ်သည်

• အစာကောင်းမွန်စွာစားသုံးခြင်း၊ စားမြုံပြန်နေခြင်း
• တောက်ပသောအမွေးနှင့် နူးညံ့ပြီး ဆွဲဆောင်နိုင်သော အရေပြားရှိခြင်း
• တောက်ပသောမျက်လုံးနှင့် ပန်းရောင်မျက်ခွံရှိခြင်း
• ပျော်မြူးနေခြင်း၊ ဖြတ်လတ်နေခြင်း
• နို့စားဆိတ်မျိုးတွင် နို့ထွက်နှုန်းမှန်ခြင်း
• ဆိတ်ချေးပုံမှန်ယိုချခြင်း
• ခြေ၊ လက်များ ခိုင်မာစွာရပ်နေခြင်း

မကျန်းမာသောဆိတ်သည်

• အုပ်စုမှခွဲပြီး မှိုင်၍ ရပ်နေတတ်ခြင်း
• အစာကောင်းစွာမစားခြင်း
• စားမြုံ့ပြန်မှုပုံမမှန်ခြင်း
• အသားအရေခမ်းခြောက်နေခြင်း (မစိုပြေခြင်း) 
• သာမန်ကိုယ်အပူချိန်၏အထက် (သို့) အောက်တွင်ရှိနေခြင်း
• မျက်လုံးနှင့် ပါးစပ်ဝန်းကျင်တွင် အရောင်ပြောင်းခြင်း
• ဝမ်းလျှောခြင်း
• နှာခေါင်းနှင့် ပါးစပ်ဝန်းကျင်တွင် အရိအရွဲများရှိခြင်း
• မျက်လုံးများနီရဲခြင်း
• ခြေမသန်ခြင်း
• သွားလာလှုပ်ရှားမှုမမှန်ခြင်း
• အမွေးကျွတ်ခြင်း (သို့) အမွေးကြမ်းခြင်း
• ပိန်ချုံးခြင်း
• နို့စားဆိတ်များ နို့ထွက်ကျဆင်းခြင်း

ကျန်းမာသောဆိတ်၏ ဇီဝကမ္မဆိုင်ရာအချက်များ

• ကိုယ်ခန္ဓာအပူချိန် - ၃၈.၇ - ၄၀ ဒီဂရီစင်တီဂရိတ် 

(စအိုတိုင်းတာမှု)  (၁၀၁.၀၇ - ၁၀.၄.၅ ဒီဂရီဖာရင်ဟိုက်)

• နှလုံးခုန်နှုန်း - ၇၀ - ၈၀/မိနစ်
• အသက်ရှုနှုန်း - ၁၂ - ၂၀/မိနစ်

ဆိတ်ငယ်လေးများတွင် အသက်ရှုနှုန်းနှင့် နှလုံးခုန်နှုန်းပိုမြန်ပါသည်။

• ရူမင်လှုပ်ရှားနှုန်း (အစာအိမ်) - ၁-၁.၅/မိနစ်

*ကိုယ်ခန္ဓာအပူချိန်ရယူရန် ဆိတ်ကိုထိန်းချုပ်ပြီး နားနေသည့် အနေအထားဖြင့် စအိုအတွင်း သာမိုမီတာသွင်း၍ တိုင်းယူနိုင်ပါသည်။ သွေးခုန်နှုန်းကို ခြေထောက်အတွင်းအပေါ်ပိုင်းရှိ သွေးလွှတ်ကြောမကြီးပေါ်တွင် လက်ချောင်းဖြင့် ညင်သာစွာဖိ၍ တစ်မိနစ်အတွင်း အကြိမ်ရေမှတ်သားရပါမည်။ အသက်ရှုနှုန်းကို နံရိုး၏အောက်ပိုင်းတွင် လက်ချောင်းတင်ပြီး တစ်မိနစ်အတွင်း အကြိမ်ရေမှတ်သားတိုင်းတာနိုင်ပါသည်။ 

ဆိတ်မွေးမြူရေးခြံများ ပုံမှန်ကျန်းမာရေးစောင့်ရှောက်မှုလုပ်ငန်းတွင် ခွာလှီးခြင်း၊ ကိုယ်ခန္ဓာအလေးချိန် ချိန်ယူခြင်း၊ နေ့စွဲနှင့် မှတ်တမ်းထားရှိခြင်း၊ ပုံမှန်သန်ချဆေးတိုက်ကျွေးခြင်း၊ ဒေသအတွင်း အစိုးရတိရစ္ဆာန်ဆေးကုဌာန၏ ရောဂါပျံ့နှံမှုလေ့လာထားမှုအရ ကာကွယ်ဆေးပုံမှန်ထိုးမှု အစီအစဉ်ရေးဆွဲခြင်း၊ မိမိခြံကိုကြည့်ရှုပေးသည့် တိရစ္ဆာန်ဆေးကုဆရာဝန်နှင့် မွေးမြူရေးလုပ်ငန်းတူလုပ်ကိုင်သူများ စုစည်း၍ တိရစ္ဆာန်ကျန်းမာရေး ပြဿနာဖြေရှင်းမှု ဆွေးနွေးတိုင်ပင်များပြုလုပ်ရန်လိုအပ်ပါသည်။

FSWG မှထုတ်ဝေသော "ကျေးလက်ဒေသဆိတ်မွေးမြူရေး" စာအုပ်မှ ကောက်နုတ်ဖော်ပြပါသည်။

ဒီစာအုပ်ကို အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို ဈေးတန်းကြီး fb page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်