သြဂုတ်လအတွင်း အောင်ပန်းခရမ်းချဉ်ဈေးကွက် ဝယ်လိုအားအဆမတန်မြင့်တက်

၂၀၂၀ ခုနှစ် သြဂုတ်လအတွင်း အောင်ပန်းခရမ်းချဉ်ဈေးကွက် ဝယ်လိုအား အဆမတန်မြင့်တက်နေကြောင်း ခရမ်းချဉ်ပွဲရုံများမှ သိရသည်။

Covid-19 ဖြစ်စဉ်ကြောင့်ဆိုပြီး ခရမ်းချဉ်ဈေးကျသွားတာမျိုး ဈေးကွက်ကို ထိခိုက်သွားတာမျိုးတော့ ဒီလအတွင်းမှာ မရှိပါဘူး။ ဒီနှစ်က အရင်နှစ်တွေကထက် ဈေးကွက်ပိုကောင်းတယ် ပြောလို့ရတယ်။ အင်းသီးတွေကလည်း ဟိုတလောက မိုးများပြီး ကျွန်းမျောတွေရေဆွဲကုန်တယ် ကြားရတယ်။ ဒါကြောင့် အင်းဘက်မှာလည်း အချိန်ပြန်ယူရဦးမယ်လို့ ခန့်မှန်းရတယ်။ ကျောက်ပန်းတောင်း၊ ပုပ္ပါးဘက်က ထိုင်ဝမ်ခရမ်းချဉ်သီးကလည်း အထွက်နည်းနေသေးတယ်။ ဒါကြောင့် ခရမ်းချဉ်ဈေးနှုန်းက အခုလိုမျိုး အတက်ဘက်ကို ဦးတည်နေတာပါ။

ဟု အောင်သီရိခရမ်းချဉ်ပွဲရုံ(အောင်ပန်း)မှ စီမံအုပ်ချုပ်သူ မစန္ဒာအောင်က ပြောသည်။

လာမည့် ၁၅ ရက်အတောအတွင်း ခရမ်းချဉ်ဈေးနှုန်းများ ဈေးအမြင့်တွေနဲ့ပဲ ဆက်လက်ရှိ‌နေနိုင်ကြောင်း ဈေးကွက်ကျွမ်းကျင်သူများထံမှ သိရသည်။

မိုးမရွာခင်တုန်းကတော့ အသီးခေါင်ခဲ့တာပေါ့။ အသီးတွေမတင်ခဲ့ဘူးပေါ့။ အခုလောလောဆယ်မှာကျတော့ မိုးတအားရွာချလိုက်တော့ တချို့အပင်ဟောင်းတွေလည်း အနည်းငယ်နာကုန်တယ်။ တစ်ချို့အပင်သစ်တွေအတွက်တော့ မိုးရွာတာ အပင်ကောင်းသွားပါတယ်။ ခရမ်းချဉ်က ဒီရက်ပိုင်းတော့ ဈေးအမြင့်‌‌တွေနဲ့ပဲ ဆက်လက်ရှိ‌နေဦးမယ်လို့ ယူဆလို့ရပါသေးတယ်

ဟု မစန္ဒာအောင် က ဆက်လက်ပြောသည်။

လက်ရှိ အောင်ပန်းဈေးကွက်အတွင်း ခရမ်းချဉ်တစ်ပိဿာလျှင် အရည်အသွေးပေါ်မူတည်၍ ၁၁၀၀ ကျပ်မှ ၁၅၀၀ ကျပ် ဈေးနှုန်းများဖြင့် ရောင်းဝယ်နေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ