တစ်စစမြင့်တက်နေသော မြေဩဇာဈေးနှုန်းများနှင့် သွင်းအားစုကုန်ကြမ်းဈေးနှုန်းများ

မြေဩဇာဈေးနှုန်းများသာမက စိုက်ပျိုးရေးဆိုင်ရာ သွင်းအားစုကုန်ကြမ်းအမျိုးမျိုး၏ ဈေးနှုန်းများပါ တစ်စစမြင့်တက်နေကြောင်း မကွေးတိုင်းဒေသကြီးရှိ သီးနှံစိုက်ပျိုးသူများက ပြောသည်။

ရုံးပတီသီးပင် ဒဿမ ၅၀ စိုက်ပျိုးခဲ့တာဆိုရင် မြေပြင်တာက အစ၊ ပလတ်စတစ်အုပ်တာ အပါအဝင် စရိတ်အားလုံးပေါင်းဆို နှစ်သိန်းခွဲကျပ် ကုန်ကျခဲ့ပါတယ်။ အခုလက်ရှိ သွင်းအားစု ဈေးတွေတက်နေချိန်ရဲ့ ကုန်ကျစရိတ်အတိုင်း တွက်ကြည့်ရင်တော့ ဒီဈေးနှုန်းနဲ့ မရတော့ပါဘူး။ အခုက ၁၅ ပတ်လည်တစ်အိတ်တောင် ခုနှစ်သောင်းကျပ်လောက်ဖြစ်နေပြီလေ။ ပလတ်စတစ်အုပ်ဖုံးတဲ့ အိတ်လိတ်တစ်လိတ် ၇၃၀ မီတာ ပါတာကိုမှ အရင်က လေးသောင်းကျပ်ရှိတာ၊ အခုကျတော့ မီတာ ၅၀၀ ကျော်ပဲပါတာကိုတောင် လေးသောင်းကျပ်ဝန်းကျင် ဖြစ်လာတယ်။ အဲ့ဒီမှာတင် ကုန်ကျစရိတ်ကကွာခြားသွားပြီ။

ဟု မကွေးတိုင်းဒေသကြီး၊ ပွင့်ဖြူမြို့နယ်၊ လက်ခုပ်ကျေးရွာ မှ ရုံးပတီသီး/သခွားသီးပင်များ စီးပွားဖြစ်စိုက်ပျိုးသူ ကိုမိုးကိုဦး က ပြောသည်။

ယခင်က ရုံးပတီသီးပင် ဧကတစ်ဝက်စာ (ဒဿမ ၅၀) စိုက်ပျိုးပါက စုစုပေါင်း စိုက်ပျိုးစရိတ် ကျပ် (၂၅၀,၀၀၀) ဝန်းကျင်ကုန်ကျခဲ့သော်လည်း ယခုကာလ ဈေးနှုန်းများဖြင့် တွက်ချက်ကြည့်ပါက ရုံးပတီသီးပင် ဒဿမ ၅၀ စိုက်ပျိုးမှုအတွက် ကုန်ကျစရိတ်မှာ ကျပ် (၃၅၀,၀၀၀) ဝန်းကျင် ကုန်ကျနိုင်ကြောင်း သိရသည်။

စိုက်ပျိုးရေးသွင်းအားစုအနေနဲ့ ဘာတွေကုန်ကျသလဲဆိုရင် သြဂုတ်လမှာ စိုက်ပျိုးတာဆိုရင်တော့ မှိုဆေးသုံးရပါတယ်။ ဖေဖော်ဝါရီလမှာစိုက်ပျိုးရင်တော့ မသုံးရပါဘူး။ မိုးရာသီဆိုရင် မှိုရောဂါကျရောက်တတ်တာ သတိထားရတယ်။ နွေရာသီဆိုရင်တော့ ရာသီဥတုပူပြင်းတဲ့အခါ ယင်ဖြူနဲ့ ဖြုတ်စိမ်းကျရောက်တတ်တာကို သတိထားရပါတယ်။ စိုက်ပျိုးပြီး တစ်လလောက်ကြာတဲ့အခါ မြေဩဇာထပ်ကျွေးပေးပါတယ်။ အသီးအဖျားရောက်သွားပြီဆိုတော့ မြေဩဇာကျွေးတာရပ်တယ်။ မြေဩဇာကို အပင်အခြေအနေပေါ် မူတည်ပြီး ကျွေးပေးရတာပေါ့။

ဟု ၎င်းက ဆက်လက်ပြောသည်။

မကွေးတိုင်းဒေသကြီးရှိ သီးနှံဈေးကွက် အခြေအနေအရ တခြားဒေသအသီးသီးမှ သီးနှံများ မင်းဘူး/မကွေး ဒေသတွင်းသို့ စုပြုံဝင်ရောက်လာသည့်အချိန်များ၌ ဒေသတွင်း သီးနှံဈေးနှုန်းများ ကျဆင်းတတ်ကြောင်း သိရသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...