ယခင်နှစ်ထက် သခွားမွှေးဈေးနှုန်းတက်လာ

ယခင်နှစ်များထက် သခွားမွှေးသီး ဈေးနှုန်းများမှာ သခွားမွှေးကားတစ်စီးလုံးကို တရုတ်ယွမ်ငွေ (၅၀၀၀) တက်လာကြောင်း မြန်မာနိုင်ငံဖရဲ၊ သခွား စိုက်ပျိုးထုတ်လုပ် တင်ပို့ရောင်းချသူများ အဖွဲ့မှသိရပါတယ်။

ယခုနှစ်မှာ သခွားမွှေးကားများ ဝယ်လိုအားများပြီး ကုန်တင်ကားအဝင်နည်းတာကြောင့် ဈေးနှုန်းများ ပိုမိုရရှိတာဖြစ်တယ်လို့ မြန်မာနိုင်ငံဖရဲ ၊ သခွားစိုက်ပျိုးထုတ်လုပ် တင်ပို့ရောင်းချသူများ အဖွဲ့မှ ဥက္ကဌ ဦးနိုင်ဝင်းကပြောပါတယ်။

“ အရင်နှစ်က ရာသီဥတုဖောက်ပြန်တာကြောင့်မို့လို့ ဈေးနှုန်းကလည်း ဒီနှစ်လောက်မရခဲ့ဘူး။ ဒီနှစ်မှာဆို သင်္ကြန်ပြီးရက်ပိုင်းလောက်က ကားအဝင်များနေလို့ ဈေးနှုန်းသိပ်မရခဲ့ဘူး။ အခုရက်ပိုင်းလောက်မှ ဈေးနှုန်းက တော်တော်ပြန်တက်လာတာ။ ကားအဝင်နည်းသွားပြီး ဝယ်လိုအားက တအား များလာတဲ့အတွက် ဈေးကတက်လာတာပေါ့”

သခွားမွှေးကားများမှာ ယခင်နှစ်က သခွားမွှေးကုန်တင်ကားတစ်စီးလုံးကို တရုတ်ယွမ်ငွေ ၂၀၀၀ သာရရှိခဲ့ပြီး ယခုနှစ်အတွင်း သခွားမွှေးကုန်တင်ကားတစ်စီးလုံးကို တရုတ်ယွမ်ငွေ ၇၀၀၀ ရရှိလာကြောင်း အဆိုပါအသင်းမှသိရပါတယ်။

မြန်မာ့သခွားမွှေးကို တရုတ်နိုင်ငံကို နယ်စပ်လမ်းကြောင်းမှ အဓိကထားတင်ပို့နေတာဖြစ်ကြောင်းလည်း မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအဖွဲ့မှသိရပါတယ်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။