အင်တာနက်ပေါ်ရှိ ဓာတ်ပုံများကို စိစစ်ခြင်း

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ပြန်လည်ရောက်ရှိလာပြန်ပါပြီ ခင်ဗျာ။

ယခုတစ်ပတ်မှာတော့ တောင်သူ ဦးလေး ဒေါ်လေးတို့ကို အင်တာနက်ပေါ်မှာရှိတဲ့ ဓာတ်ပုံတွေကို စစ်ဆေးနိုင်တဲ့အကြောင်း မျှဝေပေးသွားမှာ ဖြစ်ပါတယ် ခင်ဗျ။

အင်တာနက်ပေါ်မှာ တွေ့ရတဲ့ ဓါတ်ပုံတွေကို စိစစ်နိုင်တဲ့နည်းလမ်းတွေထဲကမှ နည်းလမ်းအချို့ကို မျှဝေပေးသွားမှာဖြစ်ပါတယ်။ အဲ့ဒီနည်းလမ်းတွေကတော့

(၁) ဓါတ်ပုံရိုက်သူ/ မူလတင်သူကို ရှာပါ

ဓါတ်ပုံတင်သောသူ၏ အမည်၊ အလုပ်အကိုင်နှင့် ဓာတ်ပုံတင်လိုက်သောနေရာ စသဖြင့် ထိုသူ၏ အကြောင်းကို လူမှုကွန်ရက် မီဒီယာတွင် ရှာဖွေကြည့်ပါ။ ထိုသို့ ရှာဖွေခြင်းဟာ ဓါတ်ပုံကို ကိုယ်တိုင်ရိုက်ခြင်း ဟုတ်/မဟုတ်ကို စိစစ်ရာတွင်အထောက်အကူပြုနိုင်ပါတယ်။ နည်းပညာ ပိုမိုကျွမ်းကျင်သူ

ဖြစ်ပါက ဓါတ်ပုံများကို သတင်းအချက်အလက်နှင့်တကွ ပြန်လည်စိစစ်နိုင်သော ဝဘ်ဆိုက်များ ဖြစ်သည့် Google Images၊ Reverse Search၊ TinEye Reverse Image Search အစရှိသည်တို့ကို အသုံးပြုပြီး ရှာဖွေလို့ ရနိုင်ပါတယ်။

(၂) ဓါတ်ပုံ ရိုက်ခဲ့သော တည်နေရာ၊ ရက်စွဲနှင့် ဓါတ်ပုံရိုက်ခဲ့သော အချိန်တို့ကို စိစစ်ရှာဖွေပါ

ဓာတ်ပုံတွင် metadata (မယ်တာဒေတာ) ဟုခေါ်သော ဓါတ်ပုံ၏ အချက်အလက်များ ရှိ/ မရှိ ဆန်းစစ်ပါ။

ထိုအချက်အလက်များထဲမှ တစ်ဆင့် ဓါတ်ပုံရဲ့ အရင်းအမြစ် မှန်/ မမှန်ကို ဆန်းစစ်နိုင်ပါတယ်။ သာမန်သုံးစွဲသူများအနေဖြင့် ဓါတ်ပုံရိုက်ခဲ့သောရက်စွဲများ၊ တည်နေရာနဲ့ ဓါတ်ပုံရိုက်ခဲ့သော ကင်မရာအမျိုးအစားများ အစရှိသည့် အခြေခံသတင်းအချက်အလက်တွေများကိုသာ နားလည်နိုင်မှာ

ဖြစ်ပါတယ်။

(၃) တပ်ထားသော ခေါင်းစဉ်နှင့် ဓါတ်ပုံ ကိုက်ညီမှုရှိမရှိစစ်ဆေးပါ

တစ်ချို့သော သတင်းများတွင် ဓါတ်ပုံမှာ အစစ်အမှန်ဖြစ်သော်လည်း ဓါတ်ပုံတွင် တပ်ထားသောခေါင်းစဉ်နှင့် ဓါတ်ပုံမှ အကြောင်းအရာများမှာ လွဲချော်နေတတ်တာကြောင့် ကိုက်ညီမှု ရှိ/ မရှိစစ်ဆေးနိုင်ပါတယ်။

ဖော်ပြပါ နည်းလမ်းလေးတွေကို အသုံးပြုပြီး အင်တာနက်ပေါ်မှာ တွေ့ရတဲ့ ဓာတ်ပုံများတွေကို စစ်ဆေးနိုင်ပါတယ် ခင်ဗျ။

Mido Myanmar Website မှ ပြန်လည်ကူးယူဖော်ပြပါသည်။

Source - https://curriculum.realornotmm.info/mil-curriculum-book/3/

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

Search Engine ဆိုတာဘာလဲ?

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ