ထောပတ်သီးကောင်းကောင်းရဖို့ ဘယ်လိုရွေးဝယ်ကြမလဲ

02/11/2021 11:30 AM တွင် မြတ်စုဝေ မြတ်စုဝေ မှ ရေးသား

    ကဲ ထောပတ်သီးတွေကို များသောအားဖြင့် ရင့်ပြီဆိုရင် အညှာဆတ်ကနဲဖြစ်တာ၊ အပွေးတတ်လာတာ၊ အဖုလေးတွေ ကြဲသွားတာတွေကို ရင့်တယ်လို့ယူဆပြီး ခူးကြပါတယ်။

တကယ်ကော ဟုတ်ရဲ့လား။ လေ့လာကြမယ်နော်။ 

ထောပတ်သီးကို ဘယ်လိုပုံစံဆို ခူးမလဲ၊ ဘယ်လိုရွေးဝယ်ကြမလဲဆိုရင်တော့ 

အဆင့် (၁)

ထောပတ်သီးအခင်း (သို့) ဆိုင်ကိုရောက်ပါက အသီးပုံထဲကနေ အစိမ်းရောင်ရင့်တဲ့ အသီးကို ရွေးချယ်ပါ။ ‌အရောင်ဖျော့တဲ့အသီးထက် အမှည့်ပိုမြန်ပါလိမ့်မယ်။ 

နောက်ထက်က အပြင်ခွံမှာ အပွေးတတ်နေတဲ့ အစက်အပြောက်ရှိတာကို ရွေးပါ။ 

အညှာက နည်းနည်းအညိုရောင်ဘက်သမ်းနေမယ် အဲ့တာကိုဖယ်လိုက်ရင် ဆတ်ကနဲဖြစ်မယ် အညှာနေရာလေးက စိမ်းနေပါက မှည့်ရင် အသင့်ဖြစ်ပြီးရင့်ပါပြီ။ အညှာအောက်က ညိုနေပါက အမှည့်လွန်သလိုဖြစ်နိုင်ပြီး အသီးအတွင်းမှာ အမဲစက်တွေဖြစ်တတ်ပါတယ်။ 

အညှာက ဖြုတ်ရခက်နေရင်တော့ ငွေကုန်ခံပြီး မဝယ်ပါနဲ့လို့ပဲပြောချင်ပါတယ်။ 

အပြင်ဖက်အခွံမှာလည်း ဘာအနာအဆာမှမရှိတာကို ရွေးပါ။ ဒါဆိုရင် အသီးအတွင်းကြေနေတာမျိုးဖြစ်မှာမဟုတ်ပါဘူး။ ခူးမယ်ဆိုရင်လဲ သတိထားခူးပါ။ 

အဆင့် (၂)

အသီးကို လက်ဖဝါးပေါ်တင်ပြီး အသီးရဲ့ အနာအဆာကင်းမှုနဲ့ မှည့်ရန်သေချာမှုတို့ကို စမ်းသပ်ပါ။ ထောပတ်သီးကခြောက်ပီး လက်နဲ့ဖိပါက အထဲသို့  ချိုင့်ဝင်သွားမယ်၊ အပြင်က အသီးအနာအဆာရှိပါက အဲ့ဒီနေရာက ခါးတဲ့အရသာဖြစ်တတ်တာဖြစ်လို့ ဖယ်ထုတ်ပြီးမှပဲ စားသင့်ပါတယ်။ 

ထောပတ်သီး မှည့်ရန် အချက် ၅ ချက်လိုအပ်ပါတယ်။ 

1. လေထုစိုထိုင်းဆ - Humidity -၉၀-၉၅% လိုအပ်ပါတယ်။

2. ကာဗွန်ဒိုင်အောက်ဆိုဒ် - Carbon dioxide -၁%လောက်ပဲ ရှိသင့်ပါတယ်၊ အခန်းကို ၆-၈ နာရီကြာမှသာ အခန်းကို လေဝင်လေထွက်ရှိအောင် ၁၀-၁၅ မိနစ်သာ တံခါးကိုဖွင့်သင့်ပါတယ်။ ကာဗွန်ဒိုင်အောက်ဆိုဒ်မရှိအောင် အခန်းကို လုံပီး မှောင်မည်းအောင်လုပ်ရတာပဲဖြစ်ပါတယ်။ အဲ့တာကြောင့် ဂျပ်ပုံးထဲမှာထည့်ပီး မှည့်အောင်လုပ်ကြတာပါ။ တစ်ရက်တစ်ခါ တော့ထုတ်ကြည့်ဖို့တော့လိုပါတယ်။

3. အပူချိန် -အခန်းအပူချိန်ကတော့ တကယ့်စီးပွားဖြစ်သမားတွေအတွက် ပိုအရေးကြီးပါတယ်။ 

4. အသီးရဲ့ မှည့်မှု စမ်းသပ်ခြင်း တို့ပဲဖြစ်ပါတယ်။ 

အသီးမှည့်ရန် -၄-၇ ရက်အလိုဆိုပါက လက်နဲ့ဖိပါက အမာအတိုင်းပဲရှိနေသေးပါက  မှည့်ရန်လိုပါသေးတယ်။ အစိမ်းရင့်ရောင်လည်း ရှိပါအုံးမယ်။ ချက်ခြင်းစားချင်တာမျိုးဆိုရင်တော့ ဒီလိုအသီးမျိုးကို ရွေးချယ်မဝယ်ပါနဲ့နော်။  သူ့ကိုဆိုရင် အခန်းအပူချိန် ၆၅-၇၅ ဒီဂရီဖာရင်ဟိုက်မှာသိုလှောင်ပါ။ ဒါ့အပြင် အုပ်ထားဖို့လည်းလိုပါတယ်။ 

မှည့်ရန် ၁-၂ ရက်အလို - ခွဲကြည့်လိုက်ပါက အမှည့်နဲ့တော့တူတယ်။ အစေ့ကတော့ ထုတ်ယူဖို့ခက်နေမယ်၊ အသားကို ဇွန်းနဲ့ကော်ဖို့ မာနေတယ်ဆိုရင်တော့ မှည့်ဖို့ ၁,၂ ရက်လိုနေပါသေးတယ်နော်။ သူ့ကိုလည်း အခန်းအပူချိန် ၆၅-၇၅ ဒီဂရီဖာရင်ဟိုက်မှာ ၁-၂ ရက်သိုလှောင်ပီးမှ စားသင့်ပါတယ်။ 

စားရန်အသင့်မှည့်ပြီဆိုပါက အတွင်းအသားလေးတွေလည်း နူးညံ့လာမယ်။ အပြင်ခွံတွေ လုံးဝမဲသွားမယ်။ လက်နဲ့ဖိပါက အိသွားမယ်ဆိုရင် စားလို့ရပါပြီ။ တစ်ရက်၊ နှစ်ရက်အတွင်း စားမယ်ဆိုရင်တော့ အမှည့်မလွန်အောင် ရေခဲသေတ္တာထဲထည့်ထားဖို့လိုပါတယ်နော်။ 

အမှည့်လွန်ပြီဆိုပါက အသီးကို လက်နဲ့ဖိက ချိုင့်ဝင်သွားအောင်အိနေမယ်။ အတွင်းသားတွေက မဲပြီး ပုပ်နေပါလိမ့်မယ်။ အနံလည်း ဆိုးဆိုးရွားရွားဖြစ်နေပါလိမ့်မယ်။ ဒါဆိုရင်တော့ အားလုံးသိတဲ့အတိုင်း စားဖို့မသင့်တော့ပါဘူး။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်