ဒူးရင်းသီးကောင်းမကောင်းရွေးနည်း

အခုလိုမျိုးဈေးကြီးကြီးနဲ့ ဝယ်စားနေရတဲ့ ဒူးရင်းချိန်မှာ အရဲစွန့်ပြီးဝယ်စားလိုက်ကာမှာ အထဲမှာ အမွှာသေးသေလေးနဲ့ တိုးလို့ စိတ်တိုဖူးတဲ့ လူတွေရှိလား?....

ဆိုင်ရှင်ကခွဲပြလိုက်ရင်တော့ ကိစ္စမရှိပေမယ့် မခွဲပြလိုက်ရင်လည်း ကိုယ့်ဟာကိုယ် အမွှာကြီးကြီးနဲ့ အသားများတာတွေရွေးဖို့ အောက်ကအချက်လေးတွေ ဆက်ဖတ်ကြည့်ကြရအောင်ပါ။

(၁)အမြင်စွမ်းအင်ကိုအသုံးချခြင်း

အသီးပုံစံကို ကြည့်လိုက်လို့ ပုံစံမမှန်တာ၊ ချိုင့်နေတာမျိုးက မြှောင်းထဲမှာ အသားမပြည့်တတ်တဲ့တာမျိုး ဖြစ်တဲ့အတွက် အတတ်နိုင်ဆုံး အလုံးဝိုင်းဝိုင်းလေးတွေကို ရွေးယူပါ။ ဘောလုံးလို ဝိုင်းနေတာမျိုးကိုဆိုလိုတာမဟုတ်ပါဘူး။ ဘဲဥပုံ (သို့မဟုတ်) ရှည်မျောမျောလေးပေါ့။

နောက်တစ်ခုကတော့ အညှာကို လည်းကြည့်လို့ရပါတယ်။ အညှာစိမ်းစိမ်းစိုစိုလေးဆို ကောင်းပါတယ်။ အညိုရောင်ဖြစ်လေလေ ခူးထားတာကြာပြီဖြစ်ပြီး မလတ်ဆတ်တော့လေလေပါပဲ။ 

အသားများများလိုချင်ရင်တော့ ဆူးကျဲပြီး ဆူးညီတာလေးတွေကိုပဲ ရွေးသင့်ပါတယ်။ အညှာထိပ်လေးတွေကိုလည်း ကြည့်လို့ရပါတယ်။ အညှာထိပ်လေးတွေ ညီနေမယ်ဆိုရင် ကြွေသီးပါ။ ဝယ်ဖို့သင့်တော်ပါတယ်။

(၂) အနံ့ခံကြည့်ခြင်း

 အနံ့ခံကြည့်လိုက်လို့ အမွှေးနံ့သင်းသင်းလေး ရမယ်ဆိုရင် မှည့်နေပြီလို့ပြောလို့ ရပါတယ်။ ချက်ချင်းခွဲစားမယ် ဆိုရင်တော့ ဒါမျိုးဝယ်သွားလို့အဆင်ပြေပါတယ်။ အနံ့တအားပြင်းနေတာမျိုးကိုတော့ရှောင်ပါ။ ဒါဆိုရင် အမှည့်လွန်နေပြီ ဆိုတဲ့လက္ခဏာပါပဲ။ဘာနံ့မှမရဘူးဆိုရင်တော့ မဝယ်ပါနဲ့။ မမှည့်သေးတာဖြစ် နိုင်သလို မှည့်ချင်မှတောင် မှည့်တော့မယ့်အနေအထားပါ။

ဒူးရင်းရဲ့ အောက်ခြေဟာဆိုရင် အသားအထူဆုံး အပိုင်းတွေဖြစ်လို့ တိကျတဲ့ အနံရဖို့ ခက်ခဲမှာ ဖြစ်တဲ့အတွက် နမ်းကြည့်တဲ့အခါ ထိပ်နဲ့ အောက်ခြေ မဟုတ်တဲ့ ဘေးဘက်တွေကိုသာ နှာခေါင်းကို ထားကြည့်ပြီး အနံ့ခံကြည့်ရမှာဖြစ်ပါတယ်။

(၃) လှုပ်ကြည့်ခြင်း

ဒူးရင်းသီးကို လှုပ်ကြည့်လိုက်လို့ အသံကြားရတဲ့အခါ ဒူးရင်းသားတွေက အမြှောင်းတွေကနေ ကောင်းစွာ ကွဲကွာနေတာကို ဖော်ညွှန်းတဲ့အတွက် ရွေးချယ်သင့်တဲ့ အလုံးပဲဖြစ်ပါတယ်။ အသံတွေမကြားရတဲ့အခါ မမှည့်သေးတဲ့ အသီးဖြစ်ပြီး ဆူညံသံတွေတအားကြားရမယ်ဆိုရင်တော့ အမှည့်လွန်နေတဲ့အသီး ဖြစ်နိုင် ပါတယ်။

ယေဘုယျအားဖြင့် အပင်နုတွေက ဒူးရင်းသီးတွေဟာ ချိုတဲ့အရသာကိုပေးပြီးတော့ အပင်ရင့်တွေက ဒူးရင်းသီးက နည်းနည်းခါးသက်တဲ့ အရသာကိုပေးပါတယ်။

အရေးကြီးဆုံးအချက်ကတော့ ဒူးရင်းသီးကိုရွေးတဲ့အခါ ပေါ့တဲ့အသီးကို ရွေးရမှာပဲဖြစ်ပါတယ်။

Ref: https://asianfoodnetwork.com/en/articles/how-to-choose-a-good-durian-.html

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်