ဖုန်းငွေလက်ကျန် နည်းနေချိန် ဖုန်းပြန်ခေါ်ပေးဖို့ စာဘယ်လို ပို့ရမလဲ ?

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ရောက်ရှိလာပြန်ပါပြီ ခင်ဗျ။ ယခင်တစ်ပတ်ကတော့ တောင်သူကြီးများ အွန်လိုင်းမှ ဈေးဝယ်ခြင်း ဆိုတာလေးကို ပြန်လည်မျှဝေ ပေးခဲ့ပါတယ်ခင်ဗျ။ ယခုတစ်ပတ်မှာတော့ မိမိဖုန်းကနေ စာတို မက်ဆေ့ချ် ပေးပို့တဲ့နည်းကို ပြန်လည်မျှဝေပေးသွားမှာ ဖြစ်ပါတယ် ခင်ဗျ။ တောင်သူဦးကြီးတွေ ခရီးသွားရင်း အပြင်သွားရင်း အရေးတကြီး ဖုန်းခေါ်ဆိုစရာ ရှိတဲ့ အချိန် ဖုန်းဘေကလည်း မကျန်တော့ဘူးဆိုရင် မိမိဆီကို ဖုန်းပြန်ခေါ်ပေးဖို့ စာတို မက်ဆေ့ချ် ပေးပို့လို့ရပါတယ် ခင်ဗျ။ လေ့လာလို့ရအောင် ဖော်ပြပေးလိုက်ပါတယ် ခင်ဗျ။ 

MPT       -     *222*ပို့မည့်ဖုန်းနံပါတ်# Call

Telenor   -     *1*ပို့မည့်ဖုန်းနံပါတ်# Call

Mytel      -     *521*ပို့မည့်ဖုန်းနံပါတ်# Call (Mytel အချင်းချင်းသာ) 

Ooredoo -     *122*ပို့မည့်ဖုန်းနံပါတ်# Call (Ooredoo အချင်းချင်းသာ) 

တောင်သူ ဦးကြီးတွေ အနေနဲ့ မိမိမှာ ဖုန်းဘေကလည်း ကုန်နေတယ်။ အရေးကြီးကိစ္စအတွက် ဖုန်းပြန်ခေါ်ဖို့လည်း ပြောချင်တယ်ဆိုရင်တော့ အထက်မှာ ဖော်ပြခဲ့တဲ့ အတိုင်း နှိပ်ကာ စာတိုလေး ပို့ပြီး ဖုန်းပြန်ခေါ်ပေးဖို့ ပြောလို့ရပါတယ် ခင်ဗျ။ ဖုန်းအသုံးပြုရာမှာ တောင်သူတွေ အားလုံး အဆင်ပြေကြပါစေ ခင်ဗျ။ နောက်တစ်ပတ် ပြန်လည် ဆုံတွေ့ပါမယ် ခင်ဗျ။  
ယခင်တစ်ပတ်က တောင်သူကြီးများ အွန်လိုင်းမှ ဈေးဝယ်ခြင်း အကြောင်းကို ပြန်လည်ဖတ်ရှု ချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

တောင်သူဦးကြီးများ အွန်လိုင်းမှ ဈေးဝယ်ခြ်င်း

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်