အိမ်ထဲကအလှစိုက်ပင် ရေဘယ်လိုလောင်းမလဲ ဘယ်လောက်ထိ လောင်းမလဲ

   ကဲ.....အပင်တွေ စိုက်ထားတယ်။ ရေကို ဘယ်လိုလောင်းရမလဲ ဗွမ်းကနဲပေါ့။ အဲ့လို မဟုတ်ပါဘူးနော်။ ရှည်ရှည်ဝေးဝေးတွေမပြောတော့ပါဘူး ဆက်ပြီးတော့သာ ကြည့်လိုက်ကြရအောင် ။

   ရုံးမှာ အဲယားကွန်းနဲ့မို့လို့ ပြတင်းပေါက်တွေ မဖွင့်ရဘူးဆိုတော့ လေတွေသန့်အောင်လို့ဆိုပြီး ရုံးစားပွဲပေါ်မှာ အပင်လေးတွေ တင်ထားတတ်တဲ့ အစ်ကိုတွေ အစ်မလေးတွေအတွက်.....

   ရေကိုအများကြီးလောင်းမိတဲ့အခါ….. အလှစိုက် အိမ်တွင်းအပင်လေးတွေ သေစေနိုင်ပါတယ်နော်။ ရေတွေအများကြီးလောင်းလိုက်တော့ အမြစ်လေးတွေက ရေထဲစိမ်နေရပြီးတော့ အောက်စီဂျင်ပြတ်သွားနိုင်ပါတယ်။  အမြစ်ကနေ စပြီးတော့ပုပ်လာမယ်။ ပြီးတော့ အပင်လေးလည်း သေသွားမယ်။ 

   တကယ်တမ်း ရေဘယ်လောက်လောင်းရမလဲ မေးလာခဲ့ရင် ဖြေဖို့တော့ မလွယ်လှပါဘူး။ ဘာလို့လဲဆိုတော့ တစ်ပင်နဲ့တစ်ပင် မတူကြတာရယ်။ အိုးအရွယ်အစားမတူကြတာရယ်နဲ့ ထည့်ထားတာ မြေကြီးလား တစ်ခြားပစ္စည်းလားဆိုတာရယ်က တော်တော်စကားပြောသွားတာကြောင့်ပါပဲ။ 

   ကိုယ့်အပင်လေးက အရွက်ကြီးကြီး ဒါမှမဟုတ် အရွက်ပါးပါးလေးတွေ ပါတယ်ဆိုရင်တော့ ရေက ပိုပြိးတော့ လိုအပ်ပါလိမ့်မယ်။ အရွက်ထူထူနဲ ရှားစောင်းလက်ပတ်လို အပင်မျိုးလေးတွေ ဆိုရင်တော့ ရေကို ထိန်းထားနိုင်အားက ပိုကောင်းတာကြောင့် လိုတော့လိုမယ်။ အများကြီးတော့ မလိုပါဘူး။

   ပန်းလေးတွေပွင့်နေပြီ အပင်လေးက အရမ်းကြီးမြန်နေတဲ့အချိန်တွေက ရေအများဆုံးလိုအပ်တဲ့ကာလတွေဖြစ်ပါတယ်။  ရေလိုတာကို ဘယ်လိုသိနိုင်မလဲဆိုတော့ အပင်လေးရဲ့ အိုးထဲက မြေကြီးထဲ လက်နှိုက်ကြည့်လိုက်ပါ တစ်လက်မလောက်အကွာမှာ ခြောက်နေတုန်းဆိုရင်တော့ ရေလောင်းပေးဖို့ လိုအပ်ပါလိမ့်မယ်။ 

   နောက်တစ်နည်းကတော့ အိုးကိုခေါက်ကြည့်ပါ။ ကျစ်တဲ့အသံထွက်နေရင် အောက်ဖက်မှာ အစိုဓာတ်လေးရှိနေတာဖြစ်ပြီးတော့ စိတ်ချရပါတယ်။  လှိုင်သံထွက်နေတယ်ဆိုရင်တော့ ရေလောင်းပေးဖို့ အချိန်ရောက်နေတာပါ။

ရေလောင်းဖို့အချိန်ကို သိပြီဆိုတော့ ရေဘယ်လောက်လောင်းမလဲ?

   အောက်မှာခံထားတဲ့ ပန်းကန်လေးမှာ ရေတွေ စိမ့်ထွက်လာပြီဆိုတာက အိုးအောက်ဖက်က အမြစ်လေးတွေ ရေရသွားပြီဆိုတာကိုသေချာစေပါတယ်။ ဒါပေမဲ့ အဲ့ရေတွေကိုမထားရပါဘူး။ ပြန်သွန်ပစ်ပေးရပါမယ်နော်။ အကောင်းဆုံးကတော့ ရေက ၁၇ ကနေ ၂၂ ဒီဂရီ ဆဲလ်စီးယပ် ရှိနေရင်ကောင်းပါတယ်။ ရေပူရေအေးစက်က ရေခဲရေနဲ့ မလောင်းပါနဲနော်။ 

   ရေမလောင်းခင် ပြောထားတဲ့နည်းလမ်းလေးတွေနဲ့ မြေကြီးကိုစစ်ကြည့်တာ အကောင်းဆုံးပါပဲ။ အပင်ညိုးနေတယ်ဆိုတိုင်း ရေလိုနေတယ်လို့ သတ်မှတ်လို့မရတာကြောင့်ပါ။  ကဲ အဲ့ဒါဆို မြေကိုစမ်းမယ် ရေကိုလောင်းမယ်ပေါ့။ ရုံးစားပွဲပေါ်က အပင်လေး ပိုပြိးလှနိုင် ကျန်းမာနိုင်ပါစေ……။

ထွန်းဝင်းကျော်

Ref: https://www.gardeningknowhow.com/houseplants/hpgen/how-to-water-a-plant.htm

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more