ကုန်ကျစရိတ်ကိုလျော့ချပါက အာလူးစိုက်ပျိုးရာတွင် အောင်မြင်ဖြစ်ထွန်းမှုနည်းပါးနိုင်

24/09/2020 10:30 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    စိုက်ပျိုးကုန်ကျစရိတ်ကိုလျော့ချပါက အာလူးစိုက်ပျိုးရာတွင် အောင်မြင်ဖြစ်ထွန်းမှုနည်းပါးနိုင်ကြောင်း အာလူးစိုက်ပျိုးရေးကျွမ်းကျင်သူများထံမှ သိရသည်။

အာလူးမျိုးပေးပြီး စိုက်ပျိုးကြပေမယ့် အောင်မြင်ဖြစ်ထွန်းမှုနည်းပါးကြတာဟာ အဓိကက အာလူးပင်ကိုစိုက်လေ့မရှိတော့ လုပ်ထုံးလုပ်နည်းမသိကြတာပါ။ စိုက်လေ့မရှိတဲ့သူများက ကုန်ကျစရိတ်နှမြောပြီး လျော့သုံးတော့ မအောင်မြင်ကြတာပါ။ အပင်လိုအပ်ချက်အရ မြေပြင်လိုအပ်ချက်၊ ရာသီဥတုလိုအပ်ချက်၊ မြေမှန် မျိုးမှန်၊ ရာသီမှန် စိုက်နည်းမှန်၊ သုံးသပ်မှုမှန်ကန်ဖို့လည်း လိုအပ်ပါတယ်။ အာလူးက တခြားအပင်နဲ့မတူတာ လူရဲ့ အမြဲစောင့်ကြည့်တာကိုလိုအပ်တယ်။ မကြည့်ရင် အပင်အခြေအနေတစ်ခုခုဖြစ်တာကို မသိရနိုင်ပါဘူး။

ဟု ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသရှိ နောင်တရားအာလူးအသင်းဥက္ကဌ ဦးခွန်ဆန်းဦးက ပြောသည်။

    အာလူးစိုက်ပျိုးခြင်းကို စနစ်တကျလုပ်ကိုင်ပါက တစ်ဧကကုန်ကျစရိတ်အနေဖြင့် စိုက်ပျိုးပြီးသည့် အချိန်အထိ ၂၅ သိန်းဝန်းကျင်ကုန်ကျကြောင်း ၎င်းကဆိုသည်။

    အာလူးစိုက်ပျိုးရာတွင် ဟင်းချက်ရာတွင် အသုံးပြုသည့် ချက်အာလူးနှင့် ကြော်စားရာတွင် အသုံးပြုသည့် ကြော်အာလူးဟူ၍ ဈေးကွက်လိုအပ်ချက်အလိုက် စိုက်ပျိုးနေကြသည်။

အာလူးကတော့ ဘယ်ရာသီရယ်လို့အဓိကမဟုတ်ဘဲ ဆက်တိုက်ပဲ စိုက်ပျိုးထုတ်လုပ်နေကြတာပါ။ အာလူးက ဟင်းချက်စားတဲ့ စားအာလူးနဲ့ ကြော်တဲ့အာလူးမှာကတော့ အာလူးချပ်ကြော်ဖို့အတွက်ရယ် အာလူးချောင်းကြော်ဖို့အတွက်ရယ် (၂) မျိုးရှိတယ်။ စားအာလူးကို ကြော်လိုက်ရင်တော့ သိပ်အဆင်မပြေဘူး။ နည်းနည်း မီးတူးသလိုဖြစ်ပြီး နီသွားတတ်တယ်။ ကြော်အာလူးကို သွားစားပြန်တော့လည်း တော်တော်နဲ့မနူးဘူး။ နည်းနည်းလေး မာသလိုဖြစ်တယ်။ ကြော်အာလူးကတော့ ဈေးကွက်ပိုကောင်းတယ်။ စားသုံးသူအမျိုးမျိုးရှိတဲ့အတွက် စိုက်ပျိုးတဲ့သူတွေကလည်း နှစ်မျိုးစလုံးကို မျှပြီးစိုက်ပျိုးနေကြပါတယ်။

ဟု ဦးခွန်ဆန်းဦးက ဆက်လက်ပြောသည်။

    ဈေးကွက်အတွင်း ကြော်အာလူး တစ်ပိဿာလျှင် (၁,၀၀၀) ကျပ်၊ စားအာလူး တစ်ပိဿာလျှင် (၈၀၀)ကျပ် ဈေးနှုန်းများဖြင့် ရောင်းဝယ်နေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်