စီးပွားဖြစ် ဝါးစိုက်ခင်းထူထောင်ပါက မျှစ်ချိုဝါးကို အဓိကစိုက်ပျိုးသင့်

စီးပွားဖြစ် ဝါးစိုက်ခင်းများအနေဖြင့် ထူထောင်စိုက်ပျိုးကြမည်ဆိုပါက မျှစ်ချိုဝါးမျိုးသည် အဓိကစိုက်ပျိုးသင့်သည့် ဈေးကွက်ဝင် ဝါးအမျိုးအစားဖြစ်ကြောင်း မြန်မာနိုင်ငံ ဝါးစိုက်ပျိုးရေးအသင်းမှ သိရသည်။

ဝါးပင်က မြေအောက်ပင်စည်ကြီးထွားမှုပေါ် မူတည်ပြီး အစုလိုက်အပြုံလိုက် ပေါက်တဲ့ဝါး၊ တစ်ပင်ချင်းပေါက်တဲ့ဝါးနဲ့ ဒီနှစ်မျိုးရောနှောပေါက်ရောက်တဲ့အခါ စကဝါး ဆိုပြီး (၃) မျိုး ကွဲပြားပါတယ်။ အစုလိုက်ပေါက်တဲ့ဝါးမျိုးက ပူတဲ့ရာသီကို နှစ်သက်ကြတယ်။ စကဝါးတွေက သမပိုင်းရာသီကို နှစ်သက်တယ်။ ဒါ့ကြောင့် ဝါးစိုက်ပျိုးမယ်ဆိုရင် ကိုယ့်နေရပ်ဒေသ ရေ၊ မြေ၊ ရာသီဥတုနဲ့ကိုက်ညီတဲ့ဝါးမျိုးကို ရွေးချယ်စိုက်ပျိုးသင့်ပါတယ်။ အဲ့ဒီထဲမှာမှ မျှစ်ချိုဝါးကတော့ ဈေးကွက်အလားအလာရှိနေတဲ့ ဝါးအမျိုးအစားတစ်ခုပါပဲ။ သူက နွေ၊ မိုး၊ ဆောင်း ၁၂ ရာသီပတ်လုံး မျှစ်ထွက်တဲ့ ဝါးအမျိုးအစားပေါ့။

ဟု မြန်မာနိုင်ငံ ဝါးစိုက်ပျိုးရေးအသင်း ဥက္ကဌ ဦးကျော်ဝင်းက ပြောသည်။

မျှစ်ချိုဝါးသည် အပူပိုင်းနှင့် အအေးပိုင်းရာသီဥတုအမျိုးမျိုးနှင့် ကုန်းမြင့်ဒေသ၊ မြေနိမ့်ဒေသ (၂) မျိုးလုံးတို့၌ စိုက်ပျိုးဖြစ်ထွန်းနိုင်သည့် ဝါးအမျိုးအစားဖြစ်ကြောင်း သိရသည်။

မျှစ်ချိုဝါးကို ချင်းပြည်နယ်နဲ့ ရှမ်းပြည်နယ်မှာ စိုက်ပျိုးမှု အောင်မြင်နေတယ်။ ပိုပြီး အားရတာက ရေနံချောင်း၊ မကွေးတို့လို အပူပိုင်းဒေသတွေမှာပါ စိုက်ပျိုးသူများလာတယ်။ ဒီလောက်ပူတဲ့ဒေသတွေမှာတောင် စိုက်လို့ရပြီဆိုရင် အပူပိုင်းဒေသတွေ စိမ်းလန်းစိုပြေလာပြီး၊ စီးပွားရေးအရ အဆင်ပြေလာတော့မှာဖြစ်တယ်။ သူတို့ဒေသက လုပ်ငန်းတွေအတွက် တခြားဒေသတွေကဝါးတွေကို မှာယူသုံးစွဲနေရတာကနေ အခုတော့ ကိုယ်တိုင် စိုက်ပျိုးလာကြတာပါ။ ဝါးအသားထူတဲ့အတွက် ဝါးဘိုးဝါးလိုရော မျှင်ဝါးလိုပါ အသုံးပြုလို့ရတယ်။ အပင်ရုံကြီးအထိ မွေးထားမယ်ဆိုရင် မျှစ်ကလည်းချိုတော့ စားသုံးလို့၊ ရောင်းချလို့ အဆင်ပြေမယ်။ မျှစ်ချိုဝါးက တစ်နှစ်ပတ်လုံး မျှစ်ထွက်တဲ့အတွက် တခြားမျှစ်တွေ ပေါ်နေတဲ့အချိန်မှာ သူ့ကို ဝါးအဖြစ်နဲ့ မွေးထားပြီး၊ တခြားမျှစ်တွေ တုန်းသွားချိန်နဲ့ မပေါ်သေးခင် အချိန်တွေမှာမှ သူ့ကို မျှစ်ချိုးရောင်းလို့ရှိရင် ဈေးကွက်နှစ်မျိုး ရပါလိမ့်မယ်။

ဟု ဦးကျော်ဝင်းက ဆက်လက်ပြောသည်။

မျှစ်ချိုဝါးကို နှီးဖြာသည့်လုပ်ငန်း၊ ထရံယက်သည့်လုပ်ငန်း၊ ဖျာယက်သည့်လုပ်ငန်းများတွင် အသုံးပြုနိုင်သည့်အပြင် ဝါးအသားထူသည့်အတွက် ပရိဘောဂလုပ်ငန်း၊ ဆောက်လုပ်ရေးလုပ်ငန်းများတွင်လည်း အသုံးပြုကြကြောင်း သိရသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ