မြန်မာ့အာလူးစိုက်ပျိုးထုတ်လုပ်မှု တိုးတက်မြင့်မားရေးကိုရှေးရှု၍ အာလူးမျိုးသစ်တင်သွင်း

    မြန်မာနိုင်ငံ အာလူးစိုက်ပျိုးထုတ်လုပ်မှု တိုးတက်မြင့်မားရေးကို ရှေးရှုလျက်၊ ရှမ်းပြည်နယ်တောင်ပိုင်းရှိဒေသများနှင့် ကိုက်ညီပြီး အထွက်နှုန်းကောင်းမွန်သော အာလူးမျိုးသစ်ကို နယ်သာလန်နိုင်ငံမှ မှာယူတင်သွင်းခဲ့ကြောင်း သိရသည်။

    အဆိုပါ အာလူးမျိုးသစ်ကို RUMBA ဟု အမည်ခေါ်ဆိုပြီး၊ Naung Ta Yar Potato Group Co., ltd၊ နောင်တရားအာလူးအသင်းမှ တင်သွင်းခဲ့ခြင်းဖြစ်သည်။

အာလူးမျိုးသစ်ကို နယ်သာလန်နိုင်ငံ EUROPLANT Co., ltd ကနေ မှာယူတင်သွင်းခဲ့တာပါ။ မြန်မာနိုင်ငံကို ဇန်နဝါရီ ၂၄ ရက်နေ့က အောင်မြင်စွာရောက်ရှိပါတယ်။ နဂိုက စိုက်ပျိုးနေတဲ့ အာလူးမျိုးတွေအပြင် အသစ်တင်သွင်းတာပါ။ ပြည်တွင်းမှာ လက်ရှိ ပုံမှန်စိုက်နေတာကတော့ ငါးမျိုးလောက်ရှိတယ်။ တရုတ်အာလူးမျိုးက တစ်မျိုး၊ နယ်သာလန်က နှစ်မျိုး၊ အိန္ဒိယမျိုးကတစ်မျိုး စိုက်နေတယ်။ အခုတင်သွင်းတဲ့ အာလူးမျိုးကတော့ မိုးရာသီ ရာသီဥတုဒဏ်ကို ပိုပြီးခံနိုင်ရည်ရှိမယ်။ ကျွန်တော်တို့ ရှမ်းပြည်တောင်ပိုင်း ဒေသရာသီဥတုနဲ့လည်း ကိုက်ညီမယ်လို့ ယူဆပြီး တရားဝင်တင်သွင်းလိုက်တာပါ။

ဟု ရှမ်းပြည်နယ်တောင်ပိုင်းရှိ နောင်တရားအာလူးအသင်းဥက္ကဌ ဦးခွန်ဆန်းဦးက ပြောသည်။

    ယခုတင်သွင်းသည့် အာလူးမျိုးသစ်သည် ကြော်အာလူး (ကြော်စားသည့် အာလူး) အမျိုးအစားဖြစ်ပြီး၊ မိုးရာသီတွင် အာလူးစိုက်ပျိုးသောတောင်သူများနှင့် အာလူးကြော်လုပ်ငန်းအတွက် ရည်ရွယ်တင်သွင်းခြင်းဖြစ်ကြောင်း သိရသည်။

နောင်တရားဒေသမှာ စမ်းသပ်ကွက်နဲ့တော့ စမ်းသပ်စိုက်ပျိုးကြည့်ပြီးပါပြီ။ ကျွန်တော်တို့ စမ်းသပ်ထားကြည့်သလောက်ကတော့ ဒီအာလူးမျိုးသစ်က အာလူးပင်တွေမှာ ဖြစ်ပွားတတ်တဲ့ လောင်မဲရောဂါနဲ့ ပင်ညိုးရောဂါတွေကို အတော်အသင့်ခံနိုင်ရည်ရှိတာကို တွေ့ရှိရပါတယ်။ အာလူးကြော်ရာမှာ အကြော်ခံတဲ့ အာလူးအမျိုးအစားလည်းဖြစ်တယ်။

ဟု ဦးခွန်ဆန်းဦးက ဆက်လက်ပြောသည်။

    အဆိုပါ အာလူးမျိုးသစ် RUMBA မှာ အရည်အသွေးကောင်းမွန်ပြီး၊ အရွယ်အစားမှာ ညီညာမှုရှိခြင်း၊ မျက်နှာမှာချောမွေ့မှုရှိ၍ မျက်စိတိမ်ခြင်း၊ အထွက်နှုန်း အထူးကောင်းမွန်ခြင်း၊ မြန်မာ့ဈေးကွက်နှင့်ကိုက်ညီမှုရှိခြင်း စသည့် အားသာချက်များရှိကြောင်း သိရသည်။

    ယင်း RUMBA အာလူးမျိုးသစ်ကို (၂၅) တန်ဆန့် ကွန်တိန်နာတစ်ပုံး အလေးချိန် (၁၅,၀၀၀) မှာယူတင်သွင်းခဲ့ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more