(GAP)လက်မှတ်ရသီးနှံများကို စင်ကာပူဈေးကွက်ကိုတင်ပို့နိုင်ရန် ဖိတ်ခေါ်သွားမည်

23/09/2019 10:26 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

   ရှမ်းပြည်နယ်မှထွက်ရှိတဲ့ ကောင်းမွန်သောစိုက်ပျိုးရေးအလေ့အကျင့်နဲ့စိုက်ပျိုးထားတဲ့(GAP) သီးနှံများကို စင်ကာပူဈေးကွက်ကိုတင်ပို့နိုင်ရန် ဆောင်ရွက်သွားမှာဖြစ်ကြောင်း မြန်မာနိုင် ငံသစ်သီးဝလံ ပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

   ကောင်းမွန်သောစိုက်ပျိုးရေးအလေ့အကျင့် (GAP)လက်မှတ်ရရှိထားတဲ့တောင်သူတွေ စိုက်ပျိုးထားတဲ့ သီးနှံတွေကို စင်ကာပူဈေးကွက်ကို တင်ပို့ရောင်းချနိုင်ရန်အတွက် ဝယ်လက်တွေကို ဖိတ်ခေါ်သွားမှာဖြစ်ကြောင်း မြန်မာနိုင်ငံသစ်သီးဝလံပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးစိုးသန်းမင်းဒင်က ပြောပါတယ်။

   “(SAFI) စီမံကိန်းကနေ လုပ်ဆောင်ထားတဲ့ တောင်သူ(၁၂၀) ကနေ ကောင်းမွန်သောစိုက်ပျိုးရေးအလေ့အကျင့်လက်မှတ်ရရှိပြီးသား သီးနှံတွေကို ပြသပြီးတော့ စင်ကာပူဈေးကွက်ကို တင်ပို့နိုင်ဖို့အတွက် ဝယ်လက်တွေကို ချိတ်ဆက်ဆောင်ရွက်သွားမှာပါ”

   တောင်သူများစိုက်ပျိုးထားတဲ့ သီးနှံများမှာ ကြက်သွန်ဖြူ၊ ကြက်သွန်နီ၊ အာလူးနဲ့ ဂျင်း စတဲ့ သီးနှံများပါဝင်ပြီး တင်ပို့ရောင်းချသွားမှာဖြစ်ကြောင်း အဆိုပါအသင်းမှ သိရပါတယ်။

   အဆိုပါတောင်သူများ စိုက်ပျိုးထားတဲ့သီးနှံများကို အခြားဈေးကွက်များကိုလည်း တင်ပို့ကာရောင်းချ သွားမှာဖြစ်ကြောင်း မြန်မာနိုင်ငံသစ်သီးဝလံ ပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

တိုးတိုးခိုင်(ABM)

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်