ရောင်းအားအဆမတန် ကျဆင်းနေခြင်းကြောင့် ပဲခူးတိုင်းဒေသကြီးရှိ ပန်းစိုက်ပျိုးရေးခြံများ အခက်ကြုံနေ

    နေ့စဉ်ရောင်းအား အဆမတန်ကျဆင်းနေခြင်းကြောင့် ပဲခူးတိုင်းဒေသကြီးရှိ ပန်းစိုက်ပျိုးရေးခြံများ အခက်ကြုံတွေ့နေရကြောင်း ဒေသခံများထံမှ သိရှိရသည်။

တစ်မြန်နှစ်နွေရာသီမှာ တောင်ငူမြို့တစ်မြို့တည်းအတွက် နေ့စဉ် စံပယ်အဖူးရေ လေးသိန်းခွဲကနေ ငါးသိန်းလောက်ရှိတယ်။ အဲ့ဒီလိုအပ်တဲ့ပမာဏအထဲမှာ အဘခြံတစ်ခုတည်းကနေ နေ့စဉ် စံပယ်ပန်းအဖူးရေ နှစ်သိန်း ရောင်းအားရှိခဲ့တယ်။ မနှစ်က နွေရာသီကစပြီးတော့ နေ့စဉ် ပန်းအဖူးရေ လေးသောင်းလောက်ပဲ ရောင်းအားရှိတော့တယ်။ အခုဆိုရင်တော့ ပန်းအဖူးရေ နှစ်သောင်းဝန်းကျင်သာ ရောင်းရပါတော့တယ်။ ဈေးတွေက ပိတ်ထားတာအပြင် အသွားအလာတွေ နည်းပါးသွားတာကြောင့်ပါ။

ဟု ပဲခူးတိုင်းဒေသကြီး၊ တောင်ငူမြို့၊ ကင်းဆိပ်ကျေးရွာအုပ်စု၊ ဘော်နင်းကျေးရွာမှ ဦးခင်မောင်မြင့်က ပြောသည်။ 

    လက်ရှိဖြစ်ပေါ်နေသည့် ကိုဗစ်-၁၉ ရောဂါကူးစက်ပြန့်ပွားမှုအပြင် နိုင်ငံရေးအခြေအနေအပြောင်းအလဲများသည်လည်း ပန်းဈေးကွက်အပေါ်  များစွာအကျိုးသက်ရောက်မှု ရှိနေကြောင်း သိရသည်။

ပန်းဆိုတာက မသုံးမဖြစ်ရောင်းကုန်လည်းမဟုတ်ဘူးလေ။ ကားတွေမှာ ချိတ်ဆွဲမယ်၊ ဘုရားပွဲတွေမှာကပ်လှူမယ် ဒီလောက်ပဲရှိတာဆိုတော့လေ။ အခုချိန်မှာ လူတွေ အဓိက စိတ်ဝင်စားနေတာ လိုအပ်နေတာက ရိက္ခာ၊ ကုန်ခြောက်နဲ့ အစားအစာတွေပဲဆိုတော့ ဒါတွေဦးစားပေးဝယ်နေကြတာဆိုတော့လေ။ ခြံထဲက ပန်းရုံတွေကို လုပ်သားစရိတ်ကာမိအောင်ပဲ ထိန်းပြီးလုပ်ကိုင်နေရတယ်။

ဟု ဦးခင်မောင်မြင့်က ပြောသည်။

    မြန်မာနိုင်ငံတွင် အများဆုံးတွေ့ရှိရသည့် စံပယ်မျိုး (၆) မျိုးအနက်၊ တစ်နှစ်ပတ်လည်လုံးပန်းပွင့်သည့် ရေမွှေးစံပယ်အပြင် ဆောင်းစံပယ်နှင့် နှစ်ထပ်စံပယ်တို့ကို စီးပွားဖြစ်စိုက်ပျိုးလေ့ရှိကြသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

Read more