ထွန်စက်၊ ရိတ်သိမ်းခြွေလှေ့စက် အသုံးပြုသူတိုင်း လိုက်နာရန် အချက်(၅)ချက်

(၁) အညွှန်းအတိုင်း လိုက်နာပါ

ထွန်စက်၊ ရိတ်သိမ်းခြွေလှေ့စက်ကဲ့သို့သော စက်ကြီးများအသုံးပြုတဲ့အခါ အသုံးမပြုခင် ကြိုတင်လေ့လာထားတာတွေကို အမှန်တကယ်အသုံးပြုချိန်မှာတော့ အတိအကျလိုက်နာနိုင်ဖို့ ခက်ခဲတတ်ပါတယ်။ စက်ဝယ်ယူချိန်က ပါရှိတဲ့ အညွှန်းစာအတိုင်း အတတ်နိုင်ဆုံး လိုက်နာအသုံးပြုရင်တော့ အကောင်းဆုံးပါပဲ။

(၂) တတ်ကျွမ်းသူများထံ ပြသပါ

လယ်ထွန်စက်များ၊ ရိတ်သိမ်းခြွေလှေ့စက်တွေရဲ့ စက်ယန္တရားများ ရုတ်တရတ် ထိုးရပ် (စက်သေ) သွားပါက ဟိုစပ်စပ်ဒီစပ်စပ် ပြင်ဆင်ကြည့်ခြင်းတွေကို မပြုလုပ်သင့်ပါဘူး။ အမှန်တကယ်နားလည်တတ်ကျွမ်းတဲ့ ဖြစ်နိုင်ရင် မိမိဝယ်ယူထားတဲ့ စက်ပစ္စည်းကို ထုတ်လုပ်တဲ့ကုမ္ပဏီကို ဆက်သွယ်ပါ။ အဆိုပါ ကုမ္ပဏီရဲ့ Aftersales Service ပေးခြင်းကို စနစ်တကျ ခံယူပါ။

(၃) မပျက်မကွက် စစ်ဆေးပါ

စက်ပျက်ပျက် မပျက်ပျက်၊ သက်တမ်းကုန်ဆုံးချိန်အထိ မစောင့်ဆိုင်းနေဘဲ နှစ်စဉ် စစ်ဆေးမှုတွေ မပျက်မကွက်ပြုလုပ်ပေးပါ။ လိုအပ်ရင်လိုအပ်သလို သက်တမ်းတိုးခြင်း၊ ခေတ်မီအစိတ်အပိုင်းများ ဖြည့်စွက်ထည့်သွင်းခြင်း၊ အရေးကြီးအစိတ်အပိုင်းတွေ အစားထိုးခြင်းတွေကို နှစ်စဉ်ပြုလုပ်သင့်ပါတယ်။

(၄) အသုံးမပြုခင် စစ်ဆေးပါ

အန္တရာယ်အကင်းဆုံးနဲ့ အကောင်းဆုံးနည်းလမ်းတစ်ခုကတော့ နေ့စဉ်စစ်ဆေးမှုများပြုလုပ်ပြီးမှ စက်နှိုးမောင်းနှင်ခြင်းပဲ ဖြစ်ပါတယ်။ ဆီ၊ ရေ၊ လေ လိုအပ်တာ ဖြည့်စွက်ပါ။ နေ့စဉ်စစ်ဆေးပြီးမှ မောင်းနှင်တဲ့အတွက် ရလာမယ့်အကျိုးကျေးဇူးကတော့ သေးငယ်ပြီး အလွယ်တကူပြုပြင်ရုံနဲ့တင် ပြီးစီးသွားမယ့်ပြဿနာမျိုးတွေကို သိရှိစေတယ်။ စက်အကြီးအကျယ်ပျက်စီးယိုယွင်းခြင်းမျိုး မကြုံတွေ့ရနိုင်တော့ဘူး။ ရေရှည်ကုန်ကျစရိတ်ကိုလည်း ကာမိသွားစေတယ်။ ဒါ့အပြင် မောင်းနှင်ချိန်မှာ လုံခြုံစိတ်ချ အန္တရာယ်ကင်း ဘေးရှင်းစေပါတယ်။

(၅) အရည်အသွေးမြင့်များသာ တပ်ဆင်ပါ

ဈေးနှုန်းသက်သာမှုကို အဓိကထားပြီး အရည်အသွေးနိမ့်ကျတဲ့ Spare Parts (အပိုပစ္စည်းများ) ကို အသုံးပြုခြင်းက ထပ်ခါထပ်ခါ ဦးနှောက်ခြောက် ခေါင်းစားရစေနိုင်သလို၊ ထွန်စက်ဝယ်ယူတုန်းက ကုန်ကျစရိတ်ထက်တောင် ပိုလို့ကုန်ကျသွားစေတတ်ပါတယ်။ ဒါ့ကြောင့် အစားထိုး/ပြုပြင်စရာတွေ ကြုံတဲ့အခါ အရည်အသွေးကောင်းမွန် စိတ်ချရတဲ့ အပိုပစ္စည်းများကိုသာ အသုံးပြုပေးပါ။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...