ဂျင်ဆင်းဆိုတာ..

30/07/2022 11:00 AM တွင် ဆုမြတ်နိုး ဆုမြတ်နိုး မှ ရေးသား

အမြစ်ကဆေးဖက်ဝင်တယ်ဆိုပြီး နာမည်ကြီးတဲ့ ဂျင်ဆင်းက ဖျားနာမှုအမျိုးမျိုးကို သက်သာ ပျောက်ကင်းနိုင်တဲ့အပြင်  အလွန်ဆေးဖက်ဝင်တဲ့ နှစ်ရှည်ပင်တစ်မျိုးလည်း ဖြစ်ပါတယ်။ 

ဂျင်ဆင်းပင်ကို တရုတ်နိုင်ငံနဲ့ အမေရိကန်နိုင်ငံတို့မှာ လွန်ခဲ့တဲ့နှစ်ပေါင်းများစွာကတည်းက တိုင်းရင်းဆေးအဖြစ်နဲ့ ကျယ်ကျယ်ပြန့်ပြန့် အသုံးပြုခဲ့ကြတာပဲ ဖြစ်ပါတယ်။ ကျွန်မတို့တစ်တွေ ကတော့ ကိုရီယားနန်းတွင်းကားတွေမှာ တော်တော်များများ မြင်ဖူးထားကြမှာပါ။ အခုနောက်ပိုင်းမှာတော့ အလှကုန် အတော်များများမှာပါ ပါဝင်အသုံးပြုလာပြီပဲ ဖြစ်ပါတယ်။

ဂျင်ဆင်းပင်က ကြီးထွားပြီးအရွယ်ရောက်လာတဲ့အခါ အနီရောင်အသီးလေးတွေ သီးကြပါတယ်။ စိုက်ပျိုးတာကတော့ အမြစ်ကိုလိုချင်လို့ပဲ အဓိကစိုက်ပျိုးကြပါတယ်။ 

ဂျင်ဆင်းပင်ရဲ့ ကြီးထွားမှုက နှေးတယ်။ အသားများတဲ့ အမြစ်တွေရှိပြီးတော့ အပင်လေးတွေကပုပါတယ်။ ဂျင်ဆင်းပင်ရဲ့ ကြီးထွားမှုနှုန်း၊ လတ်ဆတ်မှုနဲ့ အဖြူ (သို့) အနီရောင်မျိုးပေါ်မူတည်ပြီး စိုက်ပျိုးချိန်ကွာခြားပါတယ်။

ဂျင်ဆင်းပင်မှာ ပေါ်ပြူလာအဖြစ်ဆုံး မျိုး ၃ မျိုး ရှိပါတယ်။ အဲ့ဒါတွေကတော့..

(၁) Panax ginseng

ကိုရီးယားဂျင်ဆင်း (တရုတ်ဂျင်ဆင်း) ဆိုပြီး လူသိများပါတယ်။ အရှေ့အာရှနိုင်ငံတွေရဲ့ တောင်ပေါ် ဒေသမှာပဲ ပေါက်တာကြောင့် အာရှဂျင်ဆင်းလို့လည်း ခေါ်ကြပါတယ်။

(၂) Panax quinquefolius

မူရင်းဒေသမြောက်အမေရိကဖြစ်တဲ့ ဒီအမေရိကန်ဂျင်ဆင်းဟာဆိုရင်တော့ အထူးသဖြင့် ကနေဒါနိုင်ငံရဲ့ အရှေ့တောင်ပိုင်းနဲ့ အမေရိကန် အလယ်ပိုင်းတို့မှာတွေ့ရပါတယ်။ အရွက်နဲ့ အမြစ်ကို အမေရိကန်နိုင်ငံမှာ ဆေးအဖြစ်အသုံးပြုကြပါတယ်။

(၃) Panax japonicus

တရုတ်နဲ့ ဂျပန်မှာပဲတွေ့ရတဲ့ ဂျင်ဆင်းတစ်မျိုးပဲဖြစ်ပါတယ်။ ဗီတာမင်အဖြစ် လွန်ခဲ့တဲ့ နှစ်ပေါင်း ၂၀၀၀ ကျော်ကတည်းက အသုံးပြုခဲ့ကြတဲ့ ဂျင်ဆင်းတစ်မျိုးဆိုလည်း မမှားပါဘူး။

ဂျင်ဆင်းပင်မှာတော့..

(၁) ရောင်ရမ်းတာတွေ လျော့ကျစေနိုင်တဲ့ အန်တီအောင့်စီဒန့်ဓာတ် ပါဝင်ခြင်း

(၂) ဦးနှောက်ရဲ့လုပ်ဆောင်ချက်တွေကို တိုးမြှင့်စေနိုင်ခြင်း

(၃) ကိုယ်ခံအားကို တိုးလာစေခြင်း

(၄) ကင်ဆာရောဂါကို ကာကွယ်တိုက်ဖျက်နိုင်ခြင်း

(၅) မောပန်းနွယ်နယ်မှု ပျောက်ကင်းစေပြီး စွမ်းအင်ကို တိုးလာစေနိုင်ခြင်း

(၆) သွေးတွင်းသကြားဓာတ်ကို လျော့ကျစေနိုင်ခြင်း

(၇) အစာမစားခင်ရေနွေးနဲ့ စိမ်သောက်ခြင်းဖြင့် ဝိတ်ကျစေရန် ကူညီပေးနိုင်ခြင်း

(၈) ကာမအားတိုးလာခြင်း စတဲ့အကျိုးကျေးဇူးတွေရှိတဲ့အပြင် ဘေးထွက်ဆိုးကျိုးလည်း နည်းတဲ့အပင် ဖြစ်ပါတယ်။

ဒါ့ကြောင့် ဒီလိုအဖိုးတန်တဲ့ ဂျင်ဆင်းရိုင်းတွေကို ရိတ်သိမ်းတဲ့အခါ အမြစ်တွေပါ ထိခိုက်တတ်တာ ကြောင့် အမေရိကန်နိုင်ငံမှာ ဂျင်ဆင်းမြစ်တွေ တူးဖော်တာကို ပြင်းပြင်းထန်ထန်တားမြစ်ထားပြီး တချို့ပြည်နယ်တွေမှာဆို တရားမဝင်တဲ့ အလုပ်လို့တောင် သတ်မှတ်ထားတယ်လို့ ဆိုပါတယ်။


ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်