အစိမ်းရောင်လမ်း
Greenovator
အပတ်စဥ် တင်ဆက်ပေးနေကြဖြစ်တဲ့ “ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ရောက်ရှိလာပြန်ပါပြီ ခင်ဗျ။ ယခင်တစ်ပတ်က ဝိုင်ဖိုင် (Wifi) အကြောင်းကို စတင် မိတ်ဆက်ပေးခဲ့ပြီး ဖြစ်ပါတယ် ခင်ဗျ။ ယခု တစ်ပတ်မှာ တော့ ဝိုင်ဖိုင် အသုံးပြုနည်းကို တောင်သူဦးလေး ဒေါ်လေးတို့ သိရှိသွားအောင် မျှဝေပေးသွားမှာ ဖြစ်ပါတယ်။
ဦးလေး ဒေါ်လေးတို့ ဖုန်း ဝိုင်ဖိုင်ဖွင့်မယ်ဆိုရင်တော့
၁။ ဖုန်းမျက်နှာပြင် (စက်ခရင်) ရဲ့ အပေါ်ဘက်မှာ ရှိတဲ့ အသိပေးစင်တာ (သို့မဟုတ်) Notofication Bar ကိုဆွဲချလိုက်ရမှာ ဖြစ်ပါတယ်။ တစ်ချို့ဖုန်းအမျိုးအစား တွေမှာတော့ အောက်ဘက်မှာ ရှိတတ်ပါတယ် ခင်ဗျ။ ဒါမှမဟုတ် ဆက်တင် ထဲမှာလည်း သွားပြီးရှာလို့ရပါတယ် ခင်ဗျ။
၂။ ဝိုင်ဖိုင် (Wifi) ဆိုပြီး ရေးထားတာ တွေ့ရင် ခလုတ်လေးဖွင့်ပေးရမှာ ဖြစ်ပါတယ်။
၃။ ဦးလေး ဒေါ်လေးတို့က ဝိုင်ဖိုင် (Free) အလကားသုံးလို့ရတဲ့ နေရာမှာ ရောက်ရှိနေမယ်ဆိုရင်တော့ ဝိုင်ဖိုင်ကိုဖွင့်လိုက်ပြီးရင် အင်တာနက်လွှင့်ပေးထားတဲ့ လိုင်းနာမည်လေးတွေ ပေါ်လာမှာ ဖြစ်ပါတယ် ခင်ဗျ။
၄။ မိမိချိတ်ဆက် အသုံးပြုမယ့် လိုင်းနာမည်ကို နှိပ်ရမှာ ဖြစ်ပါတယ်။
တချို့လိုင်းတွေက ချိတ်ပြီးတာနဲ့ အင်တာနက် ချက်ချင်း အသုံးပြုလို့ရပြီး တချို့လိုင်းတွေကတော့ သတ်မှတ်ထားတဲ့ လျှို့ဝှက်ကုဒ် ထည့်သွင်းပြီးမှ သုံးလို့ရမှာ ဖြစ်ပါတယ် ခင်ဗျ။ ဖော်ပြပါ အဆင့်လေးတွေ အတိုင်း နှိပ်ပြီးရင်တော့ တောင်သူ ဦးလေး ဒေါ်လေး တို့ အနေနဲ့ ဝိုင်ဖိုင်ချိတ်ပြီး အင်တာနက်သုံးရင်း စိုက်ပျိုးရေး နည်းပညာ၊ ဗဟုသုတတွေကို လေ့လာနိုင်မှာပဲ ဖြစ်ပါတယ် ခင်ဗျ။ အခုလောက်ဆို ဝိုင်ဖိုင်အသုံးပြုဖို့ အတွက် နားလည်သွားမယ်လို့ ယုံကြည်ပါတယ် ခင်ဗျ။ တနင်္လာနေ့တိုင်း ယခုအစီစဥ်လေးကို ဖော်ပြမှာ ဖြစ်လို့ နောက်တစ်ပတ် ပြန်လည် ဆုံတွေ့ပါမယ် ခင်ဗျ။
ယခင်တစ်ပတ်က ဝိုင်ဖိုင် အကြောင်း ဖော်ပြထားတဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။
(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}