မြန်မာနိုင်ငံ မက္ကဒေးမီးယားစိုက်ပျိုးထုတ်လုပ်သူများအသင်း ဖွဲ့စည်းသွားမည်

ယခုလအတွင်း မြန်မာနိုင်ငံအရပ်ရပ်ရှိ မြန်မာမက္ကဒေးမီးယားအစုအဖွဲ့များ စုပေါင်းကာ အသင်းကြီးဖွဲ့စည်းသွားမှာဖြစ်ကြောင်း မြန်မာနိုင်ငံ သစ်သီးဝလံပန်းမာန်နှင့်ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

မက္ကဒေးမီးယားအသင်းကြီး ဖွဲ့စည်းနိုင်ရေးအတွက် တိုင်းနဲ့ပြည်နယ်(၃)ခုရှိမှ ဖွဲ့စည်းနိုင်မှာဖြစ်တဲ့အတွက် ပြင်ဦးလွင်မှာ ထပ်မံဖွဲ့စည်းသွားမှာဖြစ်ကြောင်း မြန်မာနိုင်ငံသစ်သီးဝလံပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးစိုးသန်းမင်းဒင်က ပြောပါ တယ်။

“ပြင်ဦးလွင်မှာ ဒီလထဲမှာ ဖွဲ့စည်းသွားမယ်။ ကချင်နဲ့ ရှမ်းပြည်နယ်အရှေ့မှာက မက္ကဒေးမီးယားအဖွဲ့ တွေရှိတယ်။ မက္ကဒေးမီးယားအဖွဲ့တွေပေါင်းပြီးတော့ မြန်မာနိုင်ငံအဆင့် ဖွဲ့မှာ။ အဲဒီ(၃)ခုကိုဖွဲ့ပြီးတော့ ချင်းမှာလည်း စိုက်တဲ့သူရှိတယ်။ ရှမ်းတောင်မှာလည်း မက္ကဒေးမီးယားစိုက်တဲ့သူရှိတယ်။ မြန်မာနိုင်ငံ မက္ကဒေးမီးယား စိုက်ပျိုးထုတ်လုပ်သူများအသင်းဆိုပြီးတော့ မြန်မာနိုင်ငံအဆင့် ဖွဲ့မှာပါ”

မြန်မာ့မက္ကဒေးမီးယားသီးနှံ တိုးတက်လာရေး၊ အရည်အသွေးမြင့်သီးနှံ ထွက်ရှိရေး ၊ နိုင်ငံတကာဈေးကွက် ထိုးဖောက်နိုင်ရေးကို ဆောင်ရွက်သွားမှာဖြစ်ကြောင်း အဆိုပါအသင်းမှ သိရပါတယ်။

မက္ကဒေးမီးယားစိုက်ပျိုးတောင်သူများ အသင်းဝင်အသစ်များအနေနဲ့ သက်ဆိုင်ရာမက္ကဒေးမီးယားအစုအဖွဲ့နဲ့ မြန်မာနိုင်ငံ သစ်သီးဝလံပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းကို အဆိုပြုလွှာများရယူကာ ဆက်သွယ်စာရင်းပေးနိုင်ကြောင်း သိရပါတယ်။

ယမင်းအေး(ABM)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။