ငရုတ်သီးတင်ပို့ရောင်းချရာတွင် ကြီးမားသည့်အခက်အခဲမရှိဘဲ အရည်အသွေးပေါ်မူတည်၍ အရောင်းအဝယ်ပြုလုပ်နေကြ

    ဈေးကွက်တင်ပို့ရောင်းချရာတွင် ကြီးမားသည့်အခက်အခဲမရှိဘဲ အရည်အသွေးပေါ်မူတည်၍သာ အရောင်းအဝယ်ပြုလုပ်နေကြခြင်းဖြစ်ကြောင်း ငရုတ်သီးကိုယ်တိုင်စိုက်ပျိုးထုတ်လုပ်သူများက ပြောသည်။

ငရုတ်သီးနှံကို စီးပွားဖြစ် ၂၀၁၀ ခုနှစ်က စစိုက်လာတာပါ။ ငရုတ်က ဈေးကွက်တင်ပို့ရောင်းချရာမှာတော့ အခက်အခဲမရှိပါဘူး။ ငရုတ်အမှည့်၊ ငရုတ်အစို ရောင်းချမှုလုပ်ရင်တော့ မနက်ပိုင်းကနေ စခူးဆွတ်ပြီး ညနေ (၄) နာရီအရောက် ပွဲရုံသွားရောင်းရပါတယ်။ ညသိပ်ပြီးရင် ငရုတ်အညှာညိုးမှုဖြစ်ရင်/အပူလောင်ရင်တော့ ရောင်းချလို့မရတော့ပါဘူး။ ဒီအချက်ကပဲ အခက်အခဲဖြစ်စေတာပါ။

ဟု မန္တလေးတိုင်းဒေသကြီး၊ မြစ်သားမြို့နယ်၊ ရွာခိုင်ကြီးကျေးရွာအုပ်စု၊ ရွာခိုင်ကြီးကျေးရွာမှ ငရုတ်သီးစီးပွားဖြစ် စိုက်ပျိုးသူ ကိုမြင့်ထွန်းဦးက ပြောသည်။

    မြန်မာနိုင်ငံတွင် ငရုတ်သီးနှံကို ငရုတ်သီးအစိမ်း၊ ငရုတ်သီးအမှည့်အစို၊ ငရုတ်သီးအခြောက် ဟူ၍ ဈေးကွက် (၃) မျိုးရှိပြီး ပြည်တွင်းစားသုံးမှုသာမက ပြည်ပတင်ပို့မှုများပါ ပြုလုပ်နေကြသည်။

ငရုတ်သီးဟာ ပြည်တွင်းစားသုံးမှုတင်မကဘဲ ပြည်ပဝယ်လိုအားလည်း များပါတယ်။ ပြည်ပကို ငရုတ်သီးအစိမ်း/အမှည့်အစို/ငရုတ်ခြောက် (၃) မျိုးလုံးရောင်းချကြပါတယ်။ ပြည်ပနိုင်ငံတွေက တရုတ်နိုင်ငံ၊ ထိုင်းနိုင်ငံ၊ မလေးရှားနိုင်ငံနဲ့ ကိုရီးယားနိုင်ငံတွေအထိ တင်ပို့ကြတယ်လို့ သိရပါတယ်။ လက်ရှိဈေးကွက်မှာ 692 ငရုတ်သီးအမှည့်အစို တစ်ပိဿာ ရှယ်စ (၈,၀၀၀) ကျပ်ဝန်းကျင်နဲ့ ပုံမှန်စ (၄,၅၀၀) ကျပ် ရှိပါတယ်။ ငရုတ်ခြောက် တစ်ပိဿာ (၅,၅၀၀/၅,၈၀၀) (အညှာချွေ) ကျောက်ဆည် ရွှေထနောင်းပွဲရုံပေါက်ဈေးပါ။

ဟု ငရုတ်စိုက်တောင်သူ ကိုမြင့်ထွန်းဦးက ဆက်လက်ပြောသည်။

    ငရုတ်သီးစိုက်ပျိုးထုတ်လုပ်ရာတွင် တစ်ဧကမျိုးဖိုး၊ သွင်းအားစုစရိတ်၊ အလုပ်သမားခ စုစုပေါင်း ပျမ်းမျှ (၁၅) သိန်းဝန်းကျင် ကုန်ကျကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

Read more