ကုန်းမြင့်ဒေသ စိုက်ပျိုးရေးသွင်းအားစုများနှင့် လယ်ယာဝန်ဆောင်မှုများ ဖွံ့ဖြိုးတိုးတက်ရေးစီမံကိန်း လုပ်ဆောင်သွားမည်

Photo - photo - shutter stock

ကရင်ပြည်နယ်မှာ စိုက်ပျိုးရေးသွင်းအားစုများနှင့် လယ်ယာဝန်ဆောင်မှုများ ဖွံ့ဖြိုးတိုးတက်ရေး စီမံကိန်း လုပ်ဆောင်သွားမှာဖြစ်ကြောင်း ကရင်ပြည်နယ်စိုက်ပျိုးရေးဦးစီးဌာနမှ သိရပါတယ်။

ကရင်ပြည်နယ်မှ ဒေသခံတောင်သူများအတွက် သွင်းအားစု ပံ့ပိုးကူညီရေးကိုရည်ရွယ်ကာ စီမံကိန်းဖော်ဆောင်တာဖြစ်တယ်လို့ ကရင်ပြည်နယ် စိုက်ပျိုးရေးဦးစီးဌာနမှ ဒုတိယညွှန်ကြားရေးမှူး ဦးသန်းထိုက်ပြောပါတယ်။

“စီမံကိန်းထဲမှာ စမ်းသပ်ကွင်းတွေ လုပ်ဆောင်သွားမှာပါ။ နည်းပညာပေးသင်တန်းတွေ လုပ်ပေးသွားမယ်။ စီးပွားရေးဆိုင်ရာ အချက်အလက်တွေ ဆောင်ရွက်ပေးသွားပါမယ်။ ဒေသခံတောင်သူတွေရဲ့  စိုက်ပျိုးဖွံ့ဖြိုးတိုးတက်အောင် ကူညီဆောင်ရွက်ပေးဖို့ စီမံကိန်းကိုဖော်ဆောင် သွားမှာဖြစ်ပါတယ်”

ကုန်းမြင့်ဒေသ  စိုက်ပျိုးရေးသွင်းအားစုများနှင့် လယ်ယာဝန်ဆောင်မှုများ ဖွံ့ဖြိုးတိုးတက်ရေး စီမံကိန်းကို  စိုက်ပျိုးရေးဦးစီးဌာနနှင့် IFDC (International Fertilizer Development Center) တို့မှ ပူးပေါင်းဆောင်ရွက်သွားမှာဖြစ်ကြောင်း သိရပါတယ်။

အဆိုပါစီမံကိန်းကို ကရင်ပြည်နယ် ဘားအံ့မြို့နယ် ၊ ကော့ကရိတ်မြို့နယ်၊ ကြာအင်းဆိပ်ကြီးမြို့နယ်များ နဲ့အခြားဒေသများမှာ ၂၀၁၉ ခုနှစ် ဇန်နဝါရီမှ  ၂၀၂၀ ခုနှစ် ဇွန်လထိ စီမံကိန်းကာလ (၁၈) လကြာ ဆောင်ရွက်သွားမှာဖြစ်ကြောင်းသိရပါတယ်။

တိုးတိုးခိုင်(ABM)

 



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ဝါးပင်၊ ကျူပင်၊ ငှက်ပျောပင် သီးလျှင် မုချ သေကြရ"