မြန်မာ့လက်ဖက်ခြောက်ကို တရုတ်ကိုတင်ပို့နိုင်ရန် စီစဉ်ဆောင်ရွက်နေ

Photo - Shutter stock

   မြန်မာ့လက်ဖက်ခြောက်ကို တရုတ်ကိုတင်ပို့နိုင်ရန်အတွက် အဆင်သင့်ဖြစ်နေပြီး စီစဉ်လုပ်ဆောင်နေကြောင်း ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

   မြန်မာ့လက်ဖက်ခြောက်တစ်တန်ကို တရုတ်ကိုတင်ပို့နိုင်ဖို့အတွက် အဆင်သင့်ဖြစ်နေပြီး မူဆယ်ကားလမ်းများ အခြေအနေပြန်ကောင်းပါက တင်ပို့သွားမှာဖြစ်ကြောင်း ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးဇော်ညွှန့်ကပြောပါတယ်။

   " ဒီဘက်ကတင်ပို့ဖို့က အဆင်သင့်ဖြစ်နေပြီ။ ကားလမ်းအခြေအနေကြောင့်မို့လို့ တင်ပို့ဖို့မပို့ဖို့က ပြောလို့တော့မရသေးဘူး။ ပို့ဖိုကတော့စီစဉ်ဆောင်ရွက်နေပါတယ်။ ကုန်သွယ်ရေးကားလမ်း ပြန်ကောင်းပြီဆိုလို့ရှိရင်တော့ တင်ပို့နိုင်တော့မှာပါ”

    တရုတ်နိုင်ငံကို မြန်မာ့လက်ဖက်အရည်အသွေးအလိုက် တင်ပို့ရန်စီစဉ်လုပ်ဆောင်နေပြီး ဈေးနှုန်းများ ပိုမိုရရှိစေရန် လုပ်ဆောင်သွားမှာဖြစ်ကြောင်း အဆိုပါအသင်းမှ သိရပါတယ်။

   မြန်မာ့လက်ဖက်စိုက်ဧကပေါင်း (၂၂၀၀၀) ကျော်ရှိကြောင်း ပလောင်လက်ဖက်စိုက်ပျိုးထုတ်လုပ်တင်ပို့ရောင်းချသူများအသင်းမှသိရပါတယ်။ 

တိုးတိုးခိုင်(ABM)

 



ယခုဆောင်းပါးက သင့်အတွက် အသုံးဝင်ပါသလား?

  ဆိုရိုးစကား  

"ကမ္ဘာပေါ်မှာ နှစ်စဉ် အစားအစာပေါင်း ၁.၃ ဘီလီယံ တန်ဟာ ဆုံးရှုံး ဒါမှမဟုတ် လေ့လွင့်နေပါတယ်။" (FAO)