အိမ်တွင်အလွယ်တကူ ပြုလုပ်နိုင်သော ငရူတ်သီးဆော့( ငရုတ်ဆီ)

ငရုတ်သီးကို အလေအလွှင့်မဖြစ်အောင် ဆော့များပြုလုပ်ပြီး နှစ်နဲ့ချီသိမ်းဆည်း ထားနိုင်ပြီး အိမ်တွင်းမှုလုပ်ငန်း တစ်ခုအနေနဲ့လည်း ငရုတ်သီးဆော့များကို ပြုလုပ်ရောင်းချနိုင်ပါတယ်။  ငရုတ်သီးဆော့ကို မိမိကြိုက်နှစ်သက်သလိုအရသာ ပြင်ဆင်လို့လည်း ရတယ်နော်။ ကဲ စလုပ်ကြည့်ရအောင်နော်…..

လိုအပ်တဲ့ ပစ္စည်းတွေကတော့ 

၁။ ငရုတ်သီးအခြောက်တောင့် (၁.၅) ကျပ်သား

၂။ ကြက်သွန်ဖြူ                  (ဝ.၅) ကျပ်သား

၃။ ချင်း(ဂျင်း)                     (၁) တက် (လက်နှစ်ဆစ်ခန့်)

၄။ ရေသန့်                         (၁.၅) လီတာ

၅။ ရှာလကာရည်                 (၁) ထမင်းစားဇွန်း

၆။ ကော်မှုန့်                       (၁)  ထမင်းစားဇွန်း

၇။ ဆား                            ထမင်းစားဇွန်း တစ်ဝက်

ပြုလုပ်ပုံအဆင့်ဆင့်

၁။ ငရုတ်သီးတောင့်များကို ရေနွေးပူပူတွင် (၃) မိနစ်ခန့်စိမ်ပြီး အနည်းငယ်ပျော့လာလျှင် ဆယ်ယူထားပါ။ ငရုတ်သီးတောင့်များကို ဆယ်ပြီး ခဏအအေးခံပါ။ အအေးခံထားသော ငရုတ်သီးများကို Blender (ကြိတ်စက်) ထဲထည့်၍ ရေ (ဝ.၅) လီတာ နှင့် ရောပြီး ကြိတ်ပါ။ ကြက်သွန်ဖြူ၊ ချင်း(ဂျင်း) ကိုနွှာပြီး ရောကြိတ်ပါ။ ကြိတ်ထားပြီးသားတွေကို ခွက်တစ်ခွက်ထဲထည့်ထားပါ။

၂။ ရေတစ်လီတာကို ဒယ်အိုးထဲထည့်ပြီး ပူလာအောင်တည်ပါ။ ပူလာပြီဆိုရင် သကြားထည့်ပြီး ကျိုပါ။

၃။ ဆားအနည်းငယ်ထည့်ပါ။ 

၄။ ကော်မှုန့်ကို ထည့်ပြီးမွှေပေးပါ။

၅။ ရောကြိတ်ထားတဲ့ ငရုတ်သီး၊ ကြက်သွန်ဖြူ၊ ချင်း(ဂျင်း) တို့ကိုထည့်မွှေပါ။  သကြားရည်ညောင်စီးကျသလောက် အခြေအနေရှိလျှင် ရှာလကာရည်ကို မိမိလိုအပ်သလို အချဉ်ကြိုက်လျှင် ရှာလကာရည်ပိုထည့်ပါ။ ခပ်ပြစ်ပြစ်အနေအထားရောက်ပါက မီးလျှော့ပြီးဆက်တိုက်မွှေပေးပါ။ ပြီးရင်တော့ မီးဖိုမှ ချနိုင်ပါပြီ။

ငရုတ်သီးဆော့ကို အချဉ်ကြိုက်တတ်ရင် ရှာလကာရည်ကို ပိုထည့်ပေးနိုင်ပါတယ်။ အချိုကြိုက်တတ်သူများကတော့ သကြားကို မိမိကြိုက်သလောက် ပိုထည့်နိုင်ပါတယ်နော်။  ငရုတ်သီးဆော့ကို ခေါက်ဆွဲကြော်နဲ့ပဲစားမလား ဒါမှမဟုတ် ကြက်ကြော်၊ ကြက်ကင်၊ အကြော်နဲ့ပဲ စားကြမလား နှစ်သက်ရာနဲ့ အဆင်ပြေတယ်နော်။

ဇွန်ပွင့်ဖြူ

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်