Nyan Thant Zinကျောက်ကပ်နှင့် ဆီးလမ်းကြောင်းကျန်းမာရေးကို အထောက်အကူဖြစ်စေတဲ့ မုန်လာဥဖြူလေးတွေက ဟင်းအပြင် ပိုးတီချဉ်၊ ကင်မ်ချီ စသဖြင့် အမျိုးမျိုးလုပ်စားလို့ရတာကို အားလုံးသိနှင့်ကြပြီးဖြစ်ပေသည်။ ဒီနေ့မှာတော့ မုန်လာဥအဖြူလေးနဲ့ မုန့်လုပ်တဲ့နည်းကို ပြောပြပေးချင်ပါတယ်ဗျ။ အခုလိုကိုဗစ်ကာလမှာ အိမ်မှာပဲ အလွယ်တကူလုပ်စားလို့ရတဲ့အတွက် အပျင်းပြေလုပ်စားကြည့်ရအောင်ပါဗျ။
ပါဝင်ပစ္စည်းများ
- မုန်လာဥအဖြူ
- ဆန်စိမ်းမှုန့် (သို့ ) ဆန်နှစ်
- ဆား
- ငရုတ်ကောင်း
- ဟင်းခတ်မှုန့်
- ကြက်သွန်မြိတ်
- မုန်လာဥနီ
- ဆီ
- ကော်မှုန့်
- မန်ကျည်းသီး
- ငရုတ်သီး
- ထန်းလျက်
ပြုလုပ်နည်း
ပထမဆုံး မုန်လာဥအဖြူ လေးဥမှ ငါးဥလောက်ကို ရေစင်အောင်ဆေးပြီး အခွံနွှာရပါမယ်။ နွှာလို့ပြီးပါက ပြုတ်ပေးရပါမယ်။ ပြုတ်ပြီးလျှင် ချေပေးရပါမယ်။ Blender ရှိပါက Blender ကိုသုံးပြီး ချေနိုင်ပါတယ်။ Blender မရှိပါကလည်း ဇွန်းနှင့်ချေနိုင်ပါတယ်။ ဤနည်းအတိုင်း မလုပ်ချင်ပါကလည်း မုန်လာဥအစိမ်းကိုခြစ်နှင့် ခြစ်ချပြီး သုံးနိုင်ပါတယ်။ ပြီးနောက် ချေထားသောမုန်လာဥအကြေများထဲသို့ ဆန်စိမ်းမှုန့်နှင့် ရေကို သင့်တော်ရာအချိုးအတိုင်းထည့်ပြီး သမအောင်မွှေပေးရပါမည်။ ပြီးလျှင် ကော်မှုန့် တစ်ဇွန်း၊ နှစ်ဇွန်းခန့်ထပ်ထည့်ပြီး မွှေပေးရပါမည်။ပြီးနောက် မုန်လာဥအနီတစ်ဥကို အတုံးသေးသေးလေးတွေရအောင်တုံးပြီး ထည့်ပေးရပါမယ်။ငရုတ်ကောင်း၊ ဆား၊ ဟင်းခတ်မှုန့်အနည်းငယ် ထပ်ထည့်ပေးရပါမည်။ အကောင်းကြိုက်သူတွေအနေနဲ့က ကြက်သွန်မြိတ်လေးပါထပ်ထည့်ရင် ပိုကောင်းပါတယ်။ ဒါတွေအားလုံးပြီးရင်တော့ မုန့်နှစ်ကို ပေါင်းရပါမယ်။ ပေါင်းမယ့်အိုးကို ဆီလေးစိုရုံသုတ်ပြီး မုန့်နှစ်ထည့်ကာ လေးဆယ့်ငါးမိနစ်ခန့်အထိ ပေါင်းပေးရပါမယ်။
ပေါင်းနေတုန်းမှာ မန်ကျည်းသီးအနှစ်နှင့် ထန်းလျက်ကို ကျိုပြီး ငရုတ်သီးစိမ်းထောင်းထည့်ကာ အချဉ်ရည်လုပ်ပါမယ်။ ပေါင်းလို့ပြီးသွားရင်တော့ နူးနူးညံ့ညံ့မုန်လာဥမုန့်ကလေးကိုရပါပြီ။ ဒီအတိုင်း အချဥ်ရည်နှင့်တို့စားလို့ရသလို တို့ဟူးလို အတုံးလေးတွေတုံးပြီး ကြော်စားပါက ပိုပြီးကောင်းပါသည်။
လုပ်နည်းလည်းသိပြီဆိုတော့ ငွေကုန်ကြေးကျနည်းပြီး အလွယ်တကူလုပ်စားလို့ရတဲ့ မုန်လာဥမုန့်လေး လုပ်စားလိုက်ကြတော့နော်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}