တီလာပီးယား လိင်ပြောင်းလဲခြင်းလုပ်ရန်အတွက် ဟိုမုန်းရောစပ်စာပြင်ဆင်ခြင်း

တီလားပီးယားငါးလိင်ပြောင်းလဲရန်အတွက် ဟိုမုန်းထည့်ထားသည့်အစာ၏အရေးပါပုံ ကိုသိရှိသွားကြပြီဆိုတော့ ဒီနေ့မှာ ဟိုမုန်းရောစပ်စာပြင်ဆင်ပုံကိုဖော်ပြပေးလိုက်ရပါတယ်။

ဟိုမုန်းရောစပ်စာပြင်ဆင်ရာတွင်-

(၁) ဟိုမုန်းဖြင့် အလုပ်မလုပ်မီ ရာဘာလက်အိတ်များ၊ နှာခေါင်းစည်းများ ဝတ်ဆင်ပါ။

(၂) ကြိုတင်ပြင်ဆင်ထားသော 17-a methyl testosterone ဟိုမုန်းဖျော်ရည် ၁၂၀ မီလီလီတာအား ဘီကာဖန်ခွက်အတွင်းသို့ ချိန်တွယ်ထည့်ပါ။

(၃) လတ်ဆတ်သည့် ၉၉ရာခိုင်နှုန်း အီသိုင်း အယ်ကိုဟော ၁၂၀ မီလီလီတာ အားချိန်တွယ်ပြီး အခြား ဘီကာ ဖန်ခွက် အတွင်းသို့ ထည့်ပါ။

(၄) ၉၉ ရာခိုင်နှုန်း အီသိုင်း အယ်ကိုဟော၁၂၀ မီလီလီတာ အတွင်းသို့ ဟိုမုန်းဖျော်ရည် ၁၂၀ မီလီလီတာ အားထည့်ပါ။

(၅) ဗီတာမင်စီ ၁၀ဂရမ်အမှုန့်အား ချိန်တွယ်ပါ။

(၆) ဗီတာမင်စီ အမှုန့်အား ၂၄၀ မီလီလီတာ ဖျော်ရည်အတွင်းသို့ ထည့်ပါ။

(၇) ထည့်သည့် ခွက်အား အဖုံးဖုံးပါ။ ထို့နောက် ထည့်ထားသည့် ဗီတာမင် စီပျော်ဝင်သွားစေရန် သေချာစွာမွှေပါ။

(၈) အားလုံးပျော်ဝင်သွားပါက ၎င်းပျော်ရည်အား ရေဖျန်းခေါင်းပါသည့် ဗူးအတွင်းသို့ထည့်ပါ။

(၉) ၁ ကီလိုဂရမ်ရှိသည့် ငါးခြောက်မှုန့် (သို့) စီးပွားဖြစ်ထုတ်လုပ်ထားသည့် အရည်အသွေးမီ ငါးငယ် ပြုစုရန် အစာမှုန့်အား သန့်ရှင်းသည့် ပလတ်စတစ်ဇလုံ အတွင်းသို့ထည့်ပါ။

(၁၀) ဟိုမုန်းဖျော်ရည်အား စက်ဖြင့် မွှေခြင်း (သို့) လက်ဖြင့် မွှေခြင်းဖြင့် အစာအတွင်း ညီမျှစွာ ရောသွားစေရန် လုပ်နိုင် ပါသည်။

(၁၁) လက်ဖြင့်ပြုလုပ်ပါက ဟိုမုန်းဖျော်ရည်အား အစာပေါ်သို့ အနည်းငယ်စီ ဖျန်းပေးရပါမည်။ အစာပုံ အရောင်ရင့်လာသည် အထိဖျန်းပေးပါ။ ထို့နောက် လက်ဖြင့် သေချာစွာမွှေပေးပါ။ (ရာဘာလက်အိတ်များ အားဝတ်ဆင်ထားရပါမည်)။

(၁၂) ဟိုမုန်းဖျော်ရည်အားလုံး ထည့်သွင်းပြီးသည်အထိ ဆက်လက်ဖျန်းရန် နှင့် ရောမွှေပေးရမည်ဖြစ်ပါသည်။

(၁၃) ဟိုမုန်းဖျော်ရည်အား အစာပေါ်သို့ မျှတအောင် ဖျန်းပြီးပါက လက်ဖြင့် သေချာနှံ့စပ်အောင် မွှေပါ။ ထို့နောက် ဟိုမုန်းရောစပ်စာအား ဇကာအစိပ် ဖြင့်စစ်ပါ။ ထိုသို့ပြုလုပ်ခြင်းဖြင့် ဟိုမုန်းရောစပ်စာအတွင်း အစာဖတ်များ ကျန်မနေစေရန်သေချာဆောင်ရွက်ပါ။

(၁၄) ဟိုမုန်းရောစပ်စာအား အခန်းအပူချိန်တွင် အခြောက်ခံပါ (သို့) ဖြည့်ညင်းစွာ လည်ပတ်နေသည့် ပန်ကာအား ဖွင့်ပြီး ခြောက်သွေ့အောင်လုပ်ပါ။

(၁၅) ဟိုမုန်းရောစပ်စာအား ဖော်စပ်ပြီးလျှင်ပြီးချင်း အသုံးပြုနိုင်သကဲ့သို့ တံဆိပ်ကပ်ပြီး အမှတ်အသားရေးပါ။ အလုံပိတ်ပလတ်စတစ်အိတ်တွင်းထည့်သို့မဟုတ် ပလတ်စတစ်ဗူးအတွင်းထည့်ပြီး ရေခဲသေတ္တာအတွင်း ၄ မှ ၆ ဒီဂရီစင်တီဂရိတ် တွင်ထားပါက ၂၁ရက်အသုံးပြုနိုင်ပါသည်။

Ref: တီလားပီးယားငါးသားဖောက်ခြင်းနှင့် သားပေါက်အဖိုများ ထုတ်လုပ်ခြင်းစာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ