အချိုတည်းဖို့ မြေပဲယိုနှင့် နှမ်းယို အိမ်မှာ လုပ်ကြည့်ရအောင်

29/09/2021 19:00 PM တွင် နှင်းဖြူဖြူ နှင်းဖြူဖြူ မှ ရေးသား

မြေပဲယိုနဲ့ နှမ်းယိုမှာ မြန်မာ့ရိုးရာစားဖွယ်တစ်မျိုးဖြစ်ပြီး ထမင်းစားပြီး အချိုတည်းစရာ သရေစာတစ်မျိုးလည်း ဖြစ်ပါတယ်။ ဒါ့ကြောင့် မိမိအိမ်မှာတင် လုပ်စားလို့ရတာမို့ ပြုလုပ်နည်းလေးကို ဖော်ပြပေးပါမယ်။ 

မြေပဲယိုနှင့် နှမ်းယို ပြုလုပ်ဖို့-

မြေပဲဆံ(သို့)နှမ်း - နို့ဆီဗူး ၁ခွက်

ထန်းညက် - ၇ လုံး(သို့) သကြားညို (သို့)ကြံသကာ- ၃ ချောင်း (အချိုကြိုက်ပါက ပိုထည့်လို့ရပါတယ်)

ရေ - ဆန်ချိန်ခွက် ၁ ခွက်

ဆား- လက်ဖက်စားဇွန်း ၁/၄ ပုံ တို့လိုအပ်ပါတယ်။

ပြုလုပ်နည်းမှာ-

၁။ မြေပဲဆံ(သို့)နှမ်းကို လှော်ထားပြီးမြေပဲဆံကို အခွံချွတ်ထားပါ။

၂။ အိုးထဲ ရေထည့်ပြီး ထန်းညက်ကို ညောင်စေးကျအောင် ကျိုပါ။

၃။ ထန်းညက်ရည်စေးလာရင် မြေပဲဆံ(သို့)နှမ်း ထည့်ပါ။ (အချိုပိုထည့်လို့လဲရပါတယ်)

၄။ ပြီးစီးပါက ဗန်းတစ်ချပ်ကို ထောပတ်ဆီ(သို့) ပဲဆီသုတ်ပြီး မြေပဲ(သို့) နှမ်း ကျိုထားတာ လောင်းထည့်ပါ။

၅။ ခဏအအေးခံပြီး ဓါးရာပေးပါ။ ပြီးလျှင် ဆက်ပြီးအအေးခံပါ။

ခဲလာပြီဆိုရင် မြေပဲယို(သို့)နှမ်းယိုလေးစားရန် အသင့်ဖြစ်ပါပြီ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်