မြန်မာ့လက်ဖက်အစိုကို အမေရိကားကိုတင်ပို့နိုင်ရန် စီစဉ်ဆောင်ရွက်နေ

ယခုနှစ်အတွင်း မြန်မာ့လက်ဖက်အစိုကို အမေရိကနိုင်ငံကို တင်ပို့နိုင်ရန်စီစဉ်ဆောင်ရွက်နေကြောင်း ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

မြန်မာ့လက်ဖက်အစိုကို တင်ပို့နိုင်ရန်အတွက် ဆွေးနွေးညှိနှိုင်းမှုများ လုပ်ဆောင်နေတယ်လို့ ပလောင် လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ အထွေထွေ အတွင်းရေးမှူး ဦးသိန်းထွေးက ပြောပါတယ်။

“လက်ဖက်အစိုကို အမေရိကကို တင်ပို့သွားဖို့ရှိတယ်။အခု ပို့ဖို့ပြင်ဆင်နေတယ်။ Buyer ဘက်ကလည်း ဆွေးနွေးညှိနှိုင်းမှုတွေ လုပ်ဆောင်နေတယ်။ ရှေ့နှစ်တွေမှာလည်း အမေရိကကို တင်ပို့တာတွေလည်းရှိခဲ့ပါတယ်”

၂၀၁၃၊ ၂၀၁၄ နဲ့၂၀၁၇ ခုနှစ်များမှာ မြန်မာ့လက်ဖက်ကို အမေရိကားနိုင်ငံကို တင်ပို့ခဲ့ကြောင်းလည်း အဆိုပါအသင်းမှ သိရပါတယ်။

မြန်မာ့လက်ဖက်ကို တရုတ်နိုင်ငံကို အဓိကထားတင်ပို့နေပြီး အခြားစျေးကွက်များကိုလည်း တင်ပို့သွားမှာဖြစ်ကြောင်း ပလောင် လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။