သရက်သီးမှည့်များ စပေါ်ချိန် ပြည်တွင်း၌ ဈေးကောင်းမရ

ပြည်တွင်းဈေးကွက်အတွင်း သရက်သီးမှည့်များ စတင်ပေါ်ထွက်နေသော်လည်း ဈေးကွက်အခြေအနေမှာ အမြင့်ဆုံးဈေးအနေဖြင့် တစ်လုံးလျှင် ၁,၅၀၀ ကျပ်မှ ၂,၀၀၀ ကျပ်ဝန်းကျင်သာ ရှိကြောင်း သရက်သီးရောင်းချသူများထံမှ သိရသည်။

လက်ရှိတွင် သရက်သီးပြည်ပတင်ပို့မှု အခြေအနေမကောင်းသည့်အတွက် ပြည်တွင်းဈေးကွက်၌သာ အဓိကအားထား ရောင်းချနေရခြင်းဖြစ်သည်။ ထိုသို့ ရောင်းလိုအားများပြီး ဝယ်လိုအားနည်းနေသည့်အတွက် အရင်နှစ်များနှင့် ယှဉ်ပါက ဈေးနှုန်းနည်းပါးနေသည့် သဘောရှိကြောင်း သိရသည်။

ယခင်နှစ်များက သရက်သီးမှည့်များ စတင်ပေါ်ချိန်တွင် ဈေးကွက်၌ တစ်လုံးလျှင် ကျပ် ၄,၀၀၀ ခန့်အထိ ရောင်းချခဲ့ရခြင်းဖြစ်သည်။

"အခုက သရက်သီးတစ်လုံးကို ၂,၀၀၀ အောက်ဈေးအထိ ကျကုန်ပြီ။ နေရာဒေသအလိုက်တော့ ကွာတာပေါ့။ တစ်လုံး ၅၀၀ ကျပ်နဲ့တောင် အခုက ဈေးမှာ ဝယ်လို့ရတယ်။ အရင်ဆို ခုချိန် ဘယ်ရမလဲ၊ ဈေးကြီးလို့ မစားနိုင်ဘူး။ ၅၀၀ ဆိုတာ တစ်လုံးချင်း ရွေးပြီး လက်လီဝယ်ရတဲ့ဈေးနော်။ အလုံးအရေအတွက်များရင် ၃၀၀၊ ၄၀၀ နဲ့တောင် ရတယ်" ဟု သရက်သီးရောင်းချသူ ဒေါ်မျိုးက ပြောကြားသည်။

လက်ရှိဈေးကွက်အတွင်း သရက်သီးအမျိုးအစားအလိုက် ၅၀၀ ကျပ်၊ ၇၀၀ ကျပ်၊ ၈၀၀ ကျပ်မှစ၍ ၁,၅၀၀ ကျပ်ဝန်းကျင်အထိသာ ဈေးတန်းရှိနေပြီး ဝယ်လိုအား နည်းပါးနေကြောင်း သိရသည်။

ပြည်တွင်း၌ အဓိကစားသုံးမှုများသည့် သရက်သီးများမှာ စိန်တစ်လုံး၊ မြကျောက်၊ ရင်ကွဲနှင့် သုံးလုံးတစ်တောင် သရက်သီးအမျိုးအစားများ ဖြစ်ကြသည်။

လတ်တလောတွင် စိန်တစ်လုံးနှင့် မြကျောက်သရက်သီးအမှည့်များ ဈေးကွက်ထဲသို့ စတင်ဝင်ရောက်နေပြီဖြစ်သော်လည်း ရင်ကွဲသရက်မှာမူ အမှည့်ရရှိမှု အလွန်နည်းပါးနေသေးကြောင်း သိရသည်။

"စိန်တစ်လုံးက မွှေးတော့ ဟိုတယ်တွေ၊ စားသောက်ဆိုင်တွေမှာ အဓိကသုံးကြတယ်။ ပြည်ပကလည်း ကြိုက်တယ်။ ပြည်တွင်းမှာတော့ မြကျောက်ကို ပိုကြိုက်ကြပြီး ဈေးကွက်ရှိတယ်။ ရင်ကွဲသီးကတော့ ကျေးလက်ဒေသတွေမှာ အရောင်းအဝယ်ဖြစ်တာများပြီး ဈေးအနည်းဆုံးကတော့ ရင်ကွဲသီးပါပဲ" ဟု သရက်ခြံပိုင်ရှင် ဒေါ်မြက ဆိုသည်။

သရက်သီးမှည့်ဈေးကွက် ကျဆင်းနေသော်လည်း သရက်ပြင်ဈေးမှာမူ ယခင်နှစ်ထက် ပိုမိုမြင့်တက်လာပြီး တစ်ပိဿာလျှင် ကျပ် ၃၀,၀၀၀ ခန့်အထိ ဈေးပေါက်နေကြောင်း သိရသည်။

သရက်ပင်သည် နှစ်ရှည်သီးနှံပင်ဖြစ်သည့်အတွက် ခြံပိုင်ရှင်များအနေဖြင့် နှစ်စဉ်သရက်သီးရာသီချိန်ရောက်တိုင်း အတိုင်းအတာတစ်ခုအထိ ဝင်ငွေရရှိနေကြခြင်း ဖြစ်ပါသည်။

ဆောင်းပါးရှင်ဆရာမှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ