Export အားနည်းနေချိန်တွင် အသင့်စားထုတ်ကုန်များထုတ်လုပ်၍ ဈေးကွက်သစ်ထိုးဖောက်လာကြ

    ပြည်ပသို့ မက္ကဒေးမီးယား Export တင်ပို့မှုအားနည်းနေချိန်တွင် လုပ်ငန်းရှင်များဦးဆောင်၍ မက္ကဒေးမီးယား အသင့်စားကုန်ချောထုတ်ကုန်များ ထုတ်လုပ်ကာ ပြည်တွင်း၌ ဈေးကွက်သစ်များ ရှာဖွေထိုးဖောက်လာကြောင်း မက္ကဒေးမီးယား ကိုယ်တိုင်စိုက်ပျိုးထုတ်လုပ်နေသူများထံမှ သိရသည်။

    မြန်မာနိုင်ငံမှထွက်ရှိသည့် မက္ကဒေးမီးယားကို တရုတ်နိုင်ငံသို့ အဓိက တင်ပို့ရောင်းချခဲ့ကြပြီး၊ ကိုဗစ်-၁၉ ကာလ ၂ နှစ်တာအတွင်း တင်ပို့မှုအားနည်းနေသည်။

မက္ကဒေးမီးယားက မနှစ်ကရော ဒီနှစ်ရောမှာ Export ဈေးကွက်ပျက်နေတာတော့ ၂ နှစ် ရှိပါပြီ။ တရုတ်နိုင်ငံဘက်ကို တင်ပို့နေတဲ့လမ်းကြောင်းတွေ ပိတ်တဲ့အတွက်ကြောင့်ပါ။ ဒီလို ပြည်ပဈေးကွက်တင်ပို့မှု အားနည်းသွားတဲ့အတွက် တစ်ခုကောင်းလာတဲ့အချက်ကတော့ ပြည်တွင်းမှာတင် ဖြန့်ချိရောင်းချဖို့အတွက် လုပ်ငန်းရှင်တွေက ကုန်ချော (အစေ့အဆံ) အသင့်စားထုတ်ကုန်တွေ ထုတ်လုပ်လာကြပါတယ်။ အခုဆိုရင် ထုတ်ကုန်အမည် ၇ ခုလောက်အထိကို ထုတ်လုပ်လာတာ တွေ့ရပါတယ်။ မက္ကဒေးမီးယားက အာဟာရတန်ဖိုးမြင့်မားပြီး ကျန်းမာရေးနဲ့ညီညွှတ်တဲ့ စားသောက်ကုန်တစ်ခုပါ။

ဟု မန္တလေးတိုင်းဒေသကြီး၊ ပြင်ဦးလွင်မြို့၊ မြေပုံကျေးရွာမှ မက္ကဒေးမီးယားပင် စိုက်ပျိုးထုတ်လုပ်တင်ပို့ရောင်းချသူ ကိုဇော်ဝင်းနိုင်က ပြောသည်။

    မက္ကဒေးမီးယားကို တရုတ်နိုင်ငံသို့မဟုတ်ဘဲ အခြားပြည်ပနိုင်ငံများသို့ Export တင်ပို့ရန်မူ ဝယ်လိုအားရှိသော်လည်း အခွံမာသီးအတိုင်းတင်ပို့ရန်အတွက် ပြည်တွင်း၌ စက်ပစ္စည်းကိရိယာနှင့် နည်းပညာလိုအပ်ချက်ရှိနေခြင်း၊ အစေ့အဆံတင်ပို့ရန်အတွက် စိုက်ပျိုးထုတ်လုပ်မှု နည်းနေသေးခြင်း စသည့် အဓိကအားနည်းချက် ၂ မျိုး ရှိနေသည်။

မက္ကဒေးမီးယားကို တကယ့်ကို ဝယ်လိုအားရှိတဲ့နိုင်ငံတွေ ရှိပေမယ့်လည်း သူတို့လိုအပ်တဲ့ပမာဏကို ကျွန်တော်တို့ဘက်က မပို့ပေးနိုင်သေးဘူး။ ကွန်တိန်နာတစ်ခုကို တန်နှစ်ဆယ်၊ တန်သုံးဆယ်စာ တင်ပို့နိုင်ဖို့အတွက်ဆိုရင် ကျွန်တော်တို့ ပြည်တွင်းမှာရှိတဲ့ စိုက်ပျိုးထုတ်လုပ်မှုလုံလောက်ဖို့လိုနေတယ်။ အခွံမာသီးအတိုင်း တင်ပို့မယ်ဆိုရင်တော့ စုပေါင်းတင်ပို့မယ်ဆိုရင် လိုအပ်တဲ့ပမာဏ ပြည့်နိုင်ပေမယ့် အစိုဓာတ်ထိန်းသိမ်းနိုင်ပြီး Quality ကောင်းကောင်းတင်ပို့နိုင်ဖို့ဆိုရင် ပေါင်းခံစက်လိုအပ်နေတယ်။ ကုန်ချော(မက္ကဒေးမီးယား အစေ့အဆံ) အတိုင်းတင်ပို့ဖို့ဆိုရင်လည်း လိုအပ်တဲ့ ကုန်ပမာဏပြည့်မီဖို့ လိုနေသေးတယ်။

ဟု ၎င်းက ဆက်လက်ပြောသည်။

    မက္ကဒေးမီးယား (အခွံမာသီးအတိုင်း) ကို ပေါင်းခံစက်ဖြင့် ပေါင်းမခံဘဲ ပြည်ပသို့ တင်ပို့ရောင်းချပါက စိုထိုင်းဆပါဝင်မှုမြင့်မားသွားနိုင်ပြီး ဆီချေး (ဆီဂျီး) စော်နံကာ Quality ကျဆင်းမှုများ ဖြစ်ပေါ်တတ်ကြောင်း သိရသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more