တရုတ်ဝယ်လိုအားကြောင့် ပြည်တွင်းမြေထောက်ပဲ (ဘိုစားပဲ) ဈေးနှုန်းများ မြင့်တက်လာ

တရုတ်ဝယ်လက်များ ပြည်တွင်းဈေးကွက်သို့ တိုက်ရိုက်ဝင်ရောက်ဝယ်ယူမှုများ ရှိလာခြင်းကြောင့် ပြည်တွင်းပဲမျိုးစုံဈေးကွက်အတွင်း မြေထောက်ပဲဈေးနှုန်းများ မြင့်တက်လာနေကြောင်း ပဲကုန်သည်များထံမှ သိရသည်။

ဧပြီလဆန်းပိုင်းမှစ၍ ဧပြီလ ၂၂ ရက်နေ့အထိ သုံးပတ်တာကာလအတွင်း ဈေးနှုန်းများကို နှိုင်းယှဉ်ကြည့်ပါက မြေထောက်ပဲ (၅၄) ပိဿာတစ်အိတ်လျှင် ကျပ် ၁၀,၀၀၀ မှ ၂၅,၀၀၀ ခန့်အထိ ဈေးနှုန်းမြင့်တက်လာခြင်းဖြစ်သည်။ 

"အခုက တရုတ်ဝယ်လက်က သိပ်အများကြီး ဆင်းတာတောင် မဟုတ်သေးဘူး။ ဈေးက တက်လာတာ တွေ့ရတယ်။ ဝယ်လိုအားများရင်တော့ ဈေးက ထပ်တက်ဦးမှာပဲ" ဟု မန္တလေးမြို့မှ ပဲကုန်သည်တစ်ဦးက သုံးသပ်ပြောကြားသည်။

မြန်မာ့မြေထောက်ပဲကို တရုတ်နိုင်ငံ၊ အိန္ဒိယနိုင်ငံနှင့် အရှေ့အလယ်ပိုင်းဒေသများသို့ အဓိကတင်ပို့နေခြင်းဖြစ်ပြီး ဝယ်ယူသည့်နိုင်ငံများက ကုန်ကြမ်းအဖြစ်အသုံးပြုကာ အဆင့်မြင့်ထုတ်ကုန်များအဖြစ် ပြန်လည်ထုတ်လုပ်လေ့ရှိသည်။ သို့သော် လတ်တလောတွင် အရှေ့အလယ်ပိုင်းဒေသသို့ တင်ပို့မှုမှာ မရှိသလောက် နည်းပါးနေကြောင်း သိရသည်။

မြေထောက်ပဲကို စစ်ကိုင်းတိုင်းအထက်ပိုင်း၊ ကချင်ပြည်နယ် ဗန်းမော်၊ ကရင်ပြည်နယ်နှင့် ဧရာဝတီမြစ်တစ်လျှောက်တွင် အဓိကစိုက်ပျိုးကြသည်။ အထူးသဖြင့် ကသာနှင့် ဗန်းမော်ဒေသထွက် မြေထောက်ပဲများမှာ အရွယ်အစားကြီးမားသည့်အတွက် ပြည်တွင်းဈေးကွက်တွင် အဝယ်လိုက်လေ့ရှိသည်။

ယခုနှစ် ဆောင်းရာသီတွင် မြေထောက်ပဲစိုက်ဧက လျော့ကျခဲ့သဖြင့် အထွက်နှုန်းနည်းပါးနေပြီး တောင်သူလက်ထဲတွင်လည်း ပဲလက်ကျန်နည်းပါးနေကြောင်း သိရသည်။ 

"ဒီနှစ် ဗန်းမော်ဘက်ဆို စိုက်ပျိုးမှုနည်းသလို တခြားဒေသတွေလည်း အဲဒီလိုပဲ။ ပဲအထွက်နှုန်းတွေ ကျတော့ တောင်သူလက်ထဲမှာလည်း သိပ်မရှိတော့ဘူး။ လှောင်ထားတဲ့သူတွေပဲ အကျိုးအမြတ်ရမယ့် အခြေအနေပါ" ဟု ကသာဒေသခံတစ်ဦးက ဆိုသည်။ 

စိုက်ပျိုးမှုလျော့ကျခြင်းနှင့် ဝယ်လိုအားရှိနေခြင်းတို့ကြောင့် မြေထောက်ပဲဈေးနှုန်းမှာ ယခုထက် ပိုမိုမြင့်တက်လာနိုင်ကြောင်း ဈေးကွက်စောင့်ကြည့်သူများက ခန့်မှန်းထားကြသည်။

ဧပြီလ ၂၂ ရက်နေ့ မန္တလေးကုန်စည်ဒိုင်ဈေးနှုန်းများအရ မုံရွာမြေထောက်ပဲ (၅၄) ပိဿာတစ်အိတ်လျှင် ၃၀၀,၀၀၀ ကျပ်မှ ၃၀၅,၀၀၀ ကျပ်၊ ကလေးနှင့် တမူးဒေသထွက်မှာ ၃၁၀,၀၀၀ ကျပ်နှင့် အညာဒေသထွက်မှာ ၃၀၀,၀၀၀ ကျပ်မှ ၃၅၀,၀၀၀ ကျပ်အထိ ရှိနေသည်။

ယင်းဈေးနှုန်းများသည် ဧပြီလဆန်းပိုင်းက ပေါက်ဈေးများဖြစ်သည့် ၂၇၅,၀၀၀ ကျပ်မှ ၃၃၀,၀၀၀ ကျပ်ဝန်းကျင်နှင့် နှိုင်းယှဉ်ပါက သိသိသာသာ မြင့်တက်လာခြင်းဖြစ်ကြောင်း သိရှိရသည်။

မစံပယ်(AMIA)

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more