AMIAမတ်ပဲ
မတ်ပဲကတော့ ဒီတစ်ပတ်မှာ ဈေးတွေ ပြန်မြင့်တက်လာပြီး သိန်း ၃၀ ကျော်အထိ ဈေးပြန်ရောက်ရှိ လာပါတယ်။ ပိတ်ရက်နားနီးလာတာနဲ့ အမျှ ဝယ်ယူမှုတွေ များလာလို့ ဈေးပြန်မြင့်တက်လာတယ်လို့ ကုန်သည်အချို့က ဆိုပါတယ်။ ဒါ့အပြင် ပြည်တွင်း ရွှေဈေးနဲ့ ငွေလဲလှယ်နှုန်းဈေးမြင့် တက်လာတာတွေကလည်း ပဲဈေးကို မြင့်တက်လာစေတာလို့ လည်း သိရပါတယ်။
လက်ရှိ ပဲဈေး မြင့်တက်တာတွေက ပိတ်ရက်ကြောင့်ဖြစ်နိုင်သလို အခြားအကြောင်းတွေကြောင့်လည်း တက်လာတာဖြစ်လို့ ရေရှည်ဆက်ပြီး တက်ဖို့က ခန့်မှန်းရခက်တယ်လို့ ကုန်သည်ကြီး အချို့က ပြောပါတယ်။
လက်ရှိမှာတော့ ပြည်တွင်း မတ်ပဲဈေး မြင့်တက်လာမှုနဲ့အတူ အိန္ဒိယနိုင်ငံမှာပါ မတ်ပဲဈေးတွေ မြင့်တက်လာပြီး ချန်နိုင်း ဈေးကွက်မှာ မြန်မာ မတ်ပဲ တစ်တန်ကို ၉၅၇၅ ရူပီးထိ ပေါက်ဈေးရှိပြီး တစ်ပတ်အတွင်း တစ်တန်ကို ၁၇၅ ရူပီးလောက် မြင့်တက်လာခဲ့ပါတယ်။
ရန်ကုန်ဈေးကွက်မှာ မတ်ပဲ (FAQ/RC)က တစ်တန်ကို ၃၁၁၂၀၀၀ ပေါက်ဈေးရှိပြီး ပြီးခဲ့တဲ့အပတ်နဲ့ သောကြာနေ့နဲ့ယှဉ်ရင် တစ်တန်ကို ၁၅၀၀၀၀ လောက် ဈေးမြင့်တက်လာပါတယ်။ (SQ/RC)ကတော့ တစ်တန်ကို ၃၃၇၂၀၀၀ ပေါက်ဈေးရှိပြီး တစ်တန်ကို ၁၉၃၀၀၀ ကျပ်ဈေးတက်လာပါတယ်။ မတ်ပဲ Raw ကတော့ တစ်ပိဿာကို ၅၀၃၀ မှ ၅၀၇၀ ပေါက်ဈေးရှိပြီး တစ်ပိဿာကို ၃၀၀ ကျပ်ဈေး တက်လာပါတယ်။
မန္တလေးဈေးကွက်မှာလည်း သုံးတင်းဝင် တစ်အိတ်ကို ၂၈၀၀၀၀ မှ ၂၉၀၀၀၀ ပေါက်ဈေးရှိပြီး တစ်အိတ်ကို ၂၀၀၀၀ ကျပ် ဈေးမြင့်တက်လာပါတယ်။
ကုလားပဲ
ပြီးခဲ့တဲ့ အပတ်က ဈေးကျဆင်းနေတဲ့ ကုလားပဲကတော့ ဒီတစ်ပတ် ဈေးကွက်အတွင်း မှာ အတက်အကျ အနည်းငယ်နဲ့ ဈေးငြိမ်နေပါတယ်။ ပွဲတော်ကာလ ပိတ်ရက်ရှည် အတွက် ဝယ်ယူသိုလှောင်တာတွေကြောင့် ဝယ်လိုအားပေါ်လိုက်ပြီး အရောင်းအဝယ်ကောင်းနေတယ်လို့ သိရ ပါတယ်။
ရန်ကုန်ဘုရင့်နောင်ဈေးကွက်မှာတော့ ကုလားပဲလုံးဖြူက တစ်ပိဿကို ၃၉၁၅ မှ ၄၀၈၅ ရှိပြီး ပြီးခဲ့တဲ့ အပတ်နဲ့ယှဉ်ရင်တော့ တစ်ပိဿာကို ၈၅ ကျပ်၊ ကုလားပဲလုံးဖြူကြီးကတော့ တစ်ပိဿာကို ၄၀၈၀ မှ ၄၂၅၀ ရှိပြီး တစ်ပိဿာကို ၈၅ ကျပ်၊ ကုလားပဲခြမ်းကတော့ တစ်ပိဿာကို ၅၄၂၅ မှ ၅၇၀၀ ရှိပြီး ၃၀၀ ကျပ် အသီးသီးဈေးကျဆင်းသွားပါတယ်။
မန္တလေးဈေးကွက်မှာတော့ ကုလားပဲ v2 က တစ်အိတ်ကို ၂၄၀၀၀၀ ကျပ် ကုလားပဲ ၉၂၉က တစ် အိတ် ကို ၂၃၅၀၀၀ ကျပ် ၊ကုလားပဲ(ထိုင်ဝမ်) က တစ်အိတ်ကို ၂၂၅၀၀၀ကျပ်၊ ကုလားပဲ v7 ကတော့ တစ်အိတ်ကို ၂၄၈၀၀၀ မှ ၂၅၀၀၀၀ ကျပ်ရှိပြီး ပြီးခဲ့တဲ့ သောကြာ နေ့နဲ့ယှဉ်ရင် ဈေးအပြောင်းအလဲ မရှိပါဘူး။
ကြက်သွန်နီ
ကြက်သွန်နီကတော့ဈေးဆက်တိုက် ကျဆင်းနေပါတယ်။ တစ်ပိဿာကို ၃၀၀၀ အောက်ထိ ပြန်ကျဆင်းခဲ့ပေမယ့် ပွဲတော်ကာလ ရက်အကျဈေးနဲ့ ဝယ်ယူတာတွေကြောင့် ရက်ပိုင်းအတွင်း ပြန်မြင့်တက်လာပါတယ်။ နေ့စဉ် ရန်ကုန်ဘုရင့်နောင်ဈေးကွက်ကို ကားအစီးရေ ၅၀ နီးပါး ပိဿာချိန် ၃ သိန်းနီးပါး အဝင်ရှိနေပါတယ်။
ရန်ကုန်ဈေးကွက်မှာတော့ ကြက်သွန်နီ ဆိပ်ဖြူ၊ မြစ်သား၊ တောင်တွင်း၊ မြင်းခြံ၊ မုံရွာတို့ကနေ အဝင်ရှိနေပြီး တစ်ပိဿာကို ၁၆၀၀ ကနေ ၃၀၀၀ ကြားရှိကာ ၁၀၀ ကျပ်ဈေးကျဆင်းသွားပါတယ်။
ကြက်သွန်ဖြူ
အရင်တစ်ပတ်က ဈေးအနည်းငယ်ပြန်မြင့်တက်လာခဲ့တဲ့ ကြက်သွန်ဖြူကလည်း ဈေးတွေ ပြန်ကျဆင်းသွားပါတယ်။ အမြင့်ဈေးနဲ့ ရှိနေချိန် ရောင်းချမှု များလာတဲ့အတွက်ဈေးကပြန်ကျဆင်းသွားတာလို့ ကုန်သည်တွေက ဆိုပါတယ်။ လက်ရှိ ဈေးကွက်ထဲကိုလည်း ကြက်သွန်ဖြူ အသစ်တွေ ဆက်တိုက် အဝင်ရှိနေပါတယ်။
ရန်ကုန်ဘုရင့်နောင် ဈေးကွက်ကို အိတ် ၁၀၀၀ ပိဿာချိန် ၁၀၀၀၀ လောက် အဝင်ရှိနေပြီး အဝင်များလာပါတယ်။တစ်ပိဿာကို ၆၈၀၀ မှ ၇၈၀၀ ပေါက်ဈေးရှိပြီး တစ်ပိဿာကို ၁၂၀၀ ကျပ်ဈေးပြန်ကျဆင်းသွားပါတယ်။
ကြက်သွန်ဖြူ(ကြူကုတ်)ကလည်း တစ်ပိဿာ ကို ၁၀၃၀၀ မှ ၁၀၄၀၀ ပေါက်ဈေးနေရှိပြီး ၁၀၀ ကျပ်ဈေးကျဆင်းသွားပါတယ်။
(AMIA သီးနှံသတင်းဈေးကွက်အေဂျင်စီ၏ ဖော်ပြချက်အတိုင်း ပြန်လည်ဖော်ပြခြင်းဖြစ်ပါသည်။)
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}