မတ်ပဲ၊ ပဲစင်းငုံ၊ ပဲတီစိမ်း၊ ကြက်သွန်နီ၊ ကြက်သွန်ဖြူ တစ်ပတ်အတွင်း ဈေးနှုန်းအတက်အကျများ

မတ်ပဲ

တရိပ်ရိပ်ဈေးခုန်တက်လာတဲ့မတ်ပဲဈေးနှုန်းဟာ ဒီတစ်ပတ်အတွင်းမှာတော့ ရန်ကုန်ဘုရင့်နောက်ဈေးကွက်မှာ တစ်တန်ကို ၁၇ သိန်းထိ ရောက်သွားပါတယ်။ ဒီနေ့မှာ တစ်တန် ကျပ် ၅၀၀၀ စီဈေးကျသွားပေမယ့် ပြီးခဲ့တဲ့အပတ်နဲ့ယှဉ်ရင်တော့ တစ်တန်ကို ကျပ် ၈ သောင်းကျော်ထိ ဈေးတက်လာတာပါ။

အိန္ဒိယနိုင်ငံမှာ မတ်ပဲထွက်နှုန်း ကျဆင်းတယ်ဆိုတဲ့ သတင်းတွေကြောင့် ပြည်တွင်းပဲကုန်သည်တွေက ကြိုတင် ဝယ်ယူသိုလှောင်မှုတွေရှိနေတာကြောင့်ဖြစ်တယ်လို့ သိရပါတယ်။

ဆက်ပြီး တက်နိုင်ခြေကတော့ ရှိပေမယ့် စောင့်ကြည့်ရမယ့်အခြေအနေဖြစ်တယ်လို့ ကုန်သည်အချို့က ဆိုပါတယ်။

ဇူလိုင် ၁ ရက် မတ်ပဲဈေးနှုန်းများ (ရန်ကုန်ဘုရင့်နောင်ဈေးကွက်)

မတ်ပဲ (FAQ/RC-2022) - ၁၆၉၅၀၀၀ ကျပ် ( တစ်တန်ဈေးနှုန်း)

မတ်ပဲ (SQ/RC-2021) - ၁၉၁၅၀၀၀ ကျပ် ( တစ်တန်ဈေးနှုန်း)

ပဲစင်းငုံ

ပြီးခဲ့တဲ့အပတ်တုန်းက ဈေးအကျပိုင်းမှာရှိနေခဲ့တဲ့ ပဲစင်းငုံနီကတော့ ဒီတစ်ပတ်မှာ ဈေးပြန်တက်လာပြီး ရန်ကုန်ဘုရင့်နောက်ဈေးကွက်မှာ တစ်တန်ကို ၁၅ သိန်းနီးပါးထိ ရောက်လာပါတယ်။ ပြီးခဲ့တဲ့အပတ်နဲ့ယှဉ်ရင် တစ်တန်ကို ၁၁၀၀၀၀ ကျော်ထိ ဈေးတက်လာတာပါ။

အိန္ဒိယမှာ ပဲစင်းငုံနီ စိုက်ဧက လျော့ကျတယ်ဆိုတဲ့ သတင်းတွေကြောင့် ပဲစင်းငုံနီက ပြန်တက်လာတာဖြစ်တယ်လို့ကုန်သည်တွေက ဆိုပါတယ်။ အိန္ဒိယ ဝယ်ယူမှုက လက်တလောငြိမ်နေပေမယ့် ကြိုတင်ဝယ်ယူသိုလှောင်မှုတွေကြောင့် ဈေးကွက်အတွင်း ဈေးပြန်လှုပ်ခတ်လာတာဖြစ်တယ်လို့ သိရပါတယ်။

ဇူလိုင် ၁ ရက် ပဲစင်းငုံဈေးနှုန်း (ရန်ကုန်ဘုရင့်နောင်ဈေးကွက်)

ပဲစင်းငုံနီ (RC - 2021) - ၁၄၉၇၅၀၀ ကျပ် (တစ်တန်ဈေးနှုန်း)

ပဲတီစိမ်း

ပဲတီစိမ်းကတော့  အဝင်များနေပြီး ဈေးအတက်အကျကတော့ အနည်းငယ်ပဲ ရှိနေပါတယ်။တရုတ်ကို အဓိက တင်ပို့နေတာဖြစ်လို့ တင်ပို့မှုကတော့ ပုံမှန်ပဲ ရှိနေတယ်လို့ သိရပါတယ်၊

ကြက်သွန်နီ

ကြက်သွန်နီကတော့ ရန်ကုန်ဘုရင့်နောင်ဈေးကွက်မှာ ဒီတစ်ပတ်အစပိုင်းက ဆက်တိုက်ဈေးတွေ ပြန်ကျခဲ့ပြီး ဇွန် ၂၉ ရက်ကစလို့ အနည်းငယ်စီပြန်တက်တာတော့ ရှိပါတယ်။ လက်ရှိပေါက်ဈေးထက် ပိုကျဆင်းသွားမှာ စိုးတဲ့အတွက် ပြန်လည်ထုတ်ရောင်းမှုတွေက ဈေးကွက်ထဲကို အဝင်များပြီး ဆက်တိုက် ဈေးပြန်ကျသွားတာလို့ သိရပါတယ်။ တောင်သူ၊ ကုန်သည်တွေအနေနဲ့ အဝင်ကို ထိန်းဖို့လိုတယ်လို့ ကြက်သွန်ကုန်သည်ကြီးတွေက အကြံပြုထားပေမယ့် မိုးရွာသွန်းမှုတွေကြောင့် အပျက်အစီးတွေ  ရှိလာပြီး အရည်အသွေးပိုင်း မကောင်းမှုတွေ ရှိလာတာကြောင့် ဈေးအကျဘက်ဖြစ်လာတာလို့လည်း သိရပါတယ်။

ရန်ကုန်ဈေးကွက်မှာ နေ့စဉ်ကားအဝင်က ၁၅ စီးကနေ အစီး ၃၀ ကြား ရှိနေပြီး အမျိုးအစားအလိုက် တစ်ပိဿာကို ၁၁၀၀ ကနေ ၁၇၀၀ ကြားပေါက်ဈေးရှိကာ ပြီးခဲ့တဲ့အပတ်နဲ့ယှဉ်ရင် တစ်ပိဿာကို ၂၀၀ လောက် ဈေးကျဆင်းသွားပါတယ်။

ကြက်သွန်ဖြူ

ကြက်သွန်ဖြူက ပြီးခဲ့တဲ့အပတ်တုန်းက ပြန်တက်လာပေမယ့် ဒီတစ်ပတ်မှာတော့ ဈေးတွေ ပြန်ကျဆင်းသွားပါတယ်။ အဝင်တွေ ပြန်များလာတဲ့အတွက်ကြောင့် ကျဆင်းသွားတာဖြစ်တယ်လို့ သိရပါတယ်။

ကြက်သွန်ဖြူ(ကြူကုတ်)က ရန်ကုန်ဈေးကွက်မှာ တစ်ပိဿာကို ၂၆၀၀ ကနေ ၂၈၀၀ ကြားပေါက်ဈေးရှိပြီး တစ်ပိဿာကို ၂၀၀ ကျပ်ဈေးကျဆင်းသွားပါတယ်။

ဆက်တိုက်ဈေးတက်နေတဲ့ ရှမ်းကြက်သွန်ဖြူကလည်း ဒီတစ်ပတ် ရန်ကုန်ဈေးကွက်မှာ တစ်ပိဿာကို ၂၂၀၀ ကနေ ၃၇၀၀ ထိပေါက်ဈေးရှိပြီး တစ်ပိဿာကို ၁၀၀ ကျပ်ဈေးကျဆင်းသွားတာဖြစ်ပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို အခြေခံ ဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more