ယခုတစ်ပတ်အတွင်း အပြောင်းအလဲဖြစ်ပေါ်ခဲ့သော သီးနှံစျေးနှုန်းများ

ဆန်၊စပါး

ဒီတစ်ပတ်မှာတော့ ရန်ကုန်ဈေးကွက်မှာတော့ ဆန်ဈေးကွက်က အရောင်းအဝယ်အေးဈေးအေးအနေအထားမှာရှိနေပါတယ်။ မိုးတွင်းရောက်တော့မှာဖြစ်တဲ့အတွက် ဆန်တွေကလည်း ဆက်တိုက်အဝင်ရှိနေပြီး ဈေးက ငြိမ်နေတာလည်းဖြစ်ပါတယ်။ ဧရာဝတီတိုင်း ပုသိမ်ဈေးကွက်မှာတော့ ဆန်ချော၊ စပါးဈေးက ငြိမ်နေခဲ့ပေမယ့် ဆန်ကြမ်းဈေးတွေကတော့ အပြောင်းအလဲ အနည်းငယ်ရှိပါတယ်။ ပုသိမ်ဈေးကွက်မှာ ဆန်ကြမ်းဖြစ်တဲ့ ဧည့်မထဆန်က တစ်အိတ်ကို ၂၃၀၀၀ ကျပ်ရှိပြီး တစ်ပတ်အတွင်း ၁၀၀၀ ကျပ်ဈးတက်လာပါတယ်။

ဒေးဒရဲဈေးကွက်မှာတော့ ဧည့်မထ(စပါး)က တင်း ၁၀၀ ကို ၅၃၃၀၀၀ ကျပ်နဲ့ ၁၈၀၀၀ ကျပ်လောက် ဈေးတက်လာခဲ့ပြီး ဆန်ကတော့ တစ်အိတ်ကို ၂၂၀၀၀ ကျပ် နဲ့ ၁၀၀၀ ကျပ်ဈေးတက်လာခဲ့ပါတယ်။ ဖျာပုံဧည့်မထစပါးကလည်း တင်း ၁၀၀ ကို ၅၃၃၀၀၀ ကျပ်နဲ့ ၁၈၀၀၀ ကျပ်ဈေးတက်လာပြီး ဆန်ကလည်းတစ်အိတ်ကို ၂၂၀၀၀ ကျပ် ၁၀၀၀ ကျပ်ဈေးတက်လာပါတယ်။ လက်ရှိမှာတော့ စပါးဈေးကျဆင်းမှုကြောင့် တောင်သူအချို့ ဆန္ဒပြမှုတွေဖြစ်ပွားခဲ့ပါသည်။

မတ်ပဲ (FAQ/RC)

ပြီးခဲ့တဲ့ အပတ်ကထိ ဈေးတက်ခဲ့တဲ့ မတ်ပဲက ဒီတစ်ပတ်မှာတော့ အနည်းငယ်ဈေးက ကျဆင်းသွားခဲ့ပါတယ်။ အတက်ဈေးကို အမှီရောင်းချနေတဲ့အတွက် ဈေးက ပြန်လည်ကျဆင်းသွားတာဖြစ်ပါတယ်။ ထို့ပြင်ဈေးတက်မယ်ဆိုတဲ့ ခန့်မှန်းချက်တွေကြောင့် တောင်သူတွေကဈေးကို စောင့်နေကြတဲ့အတွက် အိန္ဒိယကုန်သည်တွေကလည်း ပဲတွေကို ထိန်းပြီး ဝယ်ယူနေတဲ့အနေအထားဖြစ်နေပါတယ်။ ဒီတစ်ပတ်မှာတော့ မတ်ပဲက ၈၅၀၀၀၀ အထိ ပေါက်ဈေးရှိနေပြီးတစ်ပတ်အတွင်းငွေကျပ် ၃သောင်းကျော် ဈေးက ပြန်ကျဆင်းသွားခဲ့ပါတယ်။ မုံရွာမှာတော့ မတ်ပဲက တစ်တင်းကို ၂၄၅၀၀ နဲ့ ၅၀၀ ကျပ်ဈေးကျဆင်းသွားပါတယ်။ နေပြည်တော်မှာတော့ တစ်တင်းကို ၂၇၀၀၀ ကျပ်ရှိပြီး ၅၀၀ ကျပ်ဈေးတက်လာပါတယ်။

ပဲစင်းငုံနီ

ပဲစင်းငုံနီကတော့ လက်ရှိအချိန် ပြည်ပတင်ပို့မှုက ပဲအဟောင်းကိုသာ တင်ပို့နေခဲ့ပြီး ရန်ကုန်ဈေးကွက်မှာလည်း ရက်ခြားသာ အရောင်းအဝယ်ရှိနေခဲ့ပါတယ်။ ဒီတစ်ပတ်မှာတော့ ဈေးက အနည်းငယ်ကျဆင်းသွားခဲ့ပါတယ်။ ပဲစင်းငုံနီကတော့ အခြားနိုင်ငံတွေလည်း အဝယ်ရှိနေတဲ့အတွက် ဈေးကတော့ အနည်းငယ်အပြောင်းအလဲသာရှိပါတယ်။ ရန်ကုန်ဈေးကွက်မှာ ပဲစင်းငုံနီက တစ်တန်ကို ငွေကျပ် ၉၆၀၀၀၀ နဲ့ ပြီးခဲ့တဲ့ အပတ်နဲ့ယှဉ်ရင် ၁၀၀၀၀ ကျော်သာ ဈေးကျဆင်းသွားခဲ့ပါတယ်။ မုံရွာကုန်စည်ဒိုင်မှာတော့ တစ်တင်းကို ၃၄၅၀၀ နဲ့ ၂၀၀ ကျပ်ဈေးကျဆင်းသွားပါတယ် ။ ပခုက္ကူကုန်စည်ဒိုင်မှာတော့ တစ်တင်းကို ၃၃၂ ၀၀ ကျပ် ရှိပြီး တစ်တင်းကို ၁၇၅၀ ကျပ် ဈေးကျဆင်းသွားပါတယ်။မြင်းခြံကုန်စည်ဒိုင်မှာလည်းတစ်တင်းကို ၃၂၀၀၀ ကျပ်ရှိပြီး ၂၀၀၀ ကျပ် ဈေးကျဆင်းသွားပါတယ်။

ပဲလွန်းပြာ

ပဲလွန်းပြာကလည်းဒီတစ်ပတ်မှာ ဈေးကကျဆင်းသွားခဲ့ပါတယ်။ အဝင်များတဲ့အတွက်ဈေးက ကျဆင်းသွားတာဖြစ်ပါတယ်။ပြီးခဲ့တဲ့ အပတ်ကတည်းက ဈေးက ကျဆင်းနေတာဖြစ်ပါတယ်။ မန္တလေးကုန်စည်ဒိုင်မှာ ပဲလွန်းပြာက တစ်အိတ်ကို ၅၀၀၀၀ ကျပ်ရှိပြီး ၂၀၀၀ ကျပ်ဈေးကျဆင်းသွားခဲ့ပါတယ်။ မုံရွာကုန်စည်ဒိုင်မှာတော့ တစ်တင်းကို ၁၈၀၀၀ ကျပ် နဲ့တစ်တင်းကို ၅၀၀ ကျပ်ဈေးကျဆင်းသွားခဲ့ပါတယ်။

ပဲပုတ်

ပဲပုတ်ကတော့ဒီတစ်ပတ်မှာ ဈေးက ကျဆင်းသွားခဲ့ပါတယ်။ လက်ရှိမှာတော့ မိုးကာလရောက်တော့မှာဖြစ်တဲ့အတွက် ရောင်းချမှုတွေ များနေခဲ့ပြီး အဝယ်ကတော့ ပုံမှန်အတိုင်းသာရှိနေတဲ့အတွက် ဈေးက ကျဆင်းနေခဲ့တာလည်းဖြစ်ပါတယ်။ မန္တလေးဈေးကွက်မှာ ပဲပုတ်(ရှမ်း)က တစ်အိတ်ကို ၅၀၀၀၀ ကျပ်နဲ့ ၁၀၀၀ ကျပ်ဈေးကျဆင်းသွားခဲ့ပေမယ့် ပဲပုတ်(ဗမာ)ကတော့ တစ်အိတ်ကို ၅၇၀၀၀ ကနေ ၆၀၀၀၀ ရှိပြီး ဈေးငြိမ်နေပါတယ်။ မုံရွာဈေးကွက်မှာတော့ ပဲပုတ်က တစ်တင်းကို ၁၉၅၀၀ နဲ့ တစ်တင်းကို ၁၂၅၀ ကျပ်ဈေးကျဆင်းသွားပါတယ်။ မြင်းခြံကုန်စည်ဒိုင်မှာတော့ တစ်တင်းကို ၂၁၄၀၀ ကျပ်ရှိပြီး ၆၀၀ ကျပ်၊အသီးသီးဈေးကျဆင်းသွားခဲ့ပါတယ်။

မဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...